R/Wasaaraha Jamh. Federaalka Soomaaliya Mudane Xasan Cali Kheyre ayaa soo dhoweeyay goโaanka ay Deeq bixiyeyaasha Naadiga Paris dalka uga cafiyeen $1.4 Bilyan oo kamid ahayd deyntii lagu lahaa dalkdeenna.
Arrinkan ayaa ku soo beegmaya iyada oo todobaadkii la soo dhaafay hayโadaha dhaqaalahaย caalamiga ah (IFIโs) ay dalka ka cafiyeen $830m, taasoo isugeynta lacagta Soomaaliya ย laga cafiyay illaa iyo hadda ka dhigeysa 2.25b. Deynta horay loogu lahaa Soomaaliya waxay ahayd $5.2 Bilyan.
Sidoo kale deeq bixiyayaasha aan xubnaha ka ahayn Naadiga ku bahoobay Paris ayaa iyana ballanqaaday in ay Soomaaliya ka cafin doonaan daytna ay Soomaaliya ku leeyihiin 67%ย kamid ah, taasoo kor u qaadi doonta daynta laga cafiyay dalkeenna. Waxaa kale oo ay deeq bixiyayaashu ballan qaadeen in ay daymaha oo dhan ama intooda badan ay ka cafin doonaan Soomaaliya marka ay Soomaaliya kasoo baxdo shuruudaha u harsan.
R/Wasaaraha ayaa uga mahadceliyay sida ay dalalka u garab istaageen dadaallada ay dowladda Soomaaliya dib ugu habaynaysay nidaamkeeda maaliyadda iyo sida ay uga qeyb qaateen xaqiijinta rajada shacabka Soomaaliyeed.
โWaa tallaabo taariikhi ah oo ka turjumeysa soo nooleynta Qaranimadeena, isla markaana ah guul usoo hoyatay qof walba oo Soomaali ah. Waa dadaal miro dhalay oo u baahan in la joogteeyoโ. ayuu yiri Raโiisul Wasaare Xasan Cali Khayre.
Sidoo kale Raโiisul Wasaaraha ayaa bogaadiyay dadaalka ay hayโadaha dowladda Soomaaliya heer federaal iyo heer dowlad goboleed ku bixiyeen ka mira dhalinta arrintan oo ahayd halbeeggii uguย weynaa ee ay Soomaaliya ku guuleysato 30 kii sano ee la soo dhaafay.
