Muqdisho (SNTV)-Duqa Muqdisho Ahna Guddoomiyaha obolka Benaadir Mudane Cabdiraxmaan Cumar Cusmaan (Eng. Yarisow) ayaa kulan la qaatay Danjiraha Dawladda Norwey u fadhiya Soomaaliya Vebjorn Heines.
labada masuul ayaa ka wada hadlay xal-u-helidda arrimaha Barakacayaasha ku nool gudaha, daafaha iyo horumarinta caasimadda
Duqa Caasimadda ayaa uga warbixiyey horumarka dhinacyada kala duwan leh oo ay ka sameeyeen maamulkiisu, gaar ahaan xuquuqul insaanka, dawlad wanaagga, nabadda iyo qorshihiisa ku aadan sidii horumar wax ku ool ah loo gaarsiin lahaa magaalada Muqdisho.
Eng. Yarisow ayaa uga mahadceliyey Norwey sida ay ugu heelan tahay in ay gacan ka gaysato dadaallada lagu caawinayo bulshada nugul ee gurmad u baahan, waxuuna tilmaamay in guullo wax ku ool ah laga gaaray dhowrkii bilood ee la soo dhaafay arrimaha barakacayaasha, gaar ahaan dajinta qorshaha mustaqbalka looga fekerayo 4ta sano ee soo socota in loo helo dib-u-dajin dhameystiran barakacayaasha.
