Madaxweynaha Jamhuuriyadda Federaalka ah ee Soomaaliya Maxamed Cabdullaahi Farmaajo ayaa ka jawaabay fal sharci darro ah loo ciidammo ay maanta ku galeen hoyga Senator Cabdi Xasan Cawaale Qeybdiid oo ka tirsan Golaha Aqalka Sare ee dalka.
Madaxweynaha ayaa faray taliyaha Ciidanka Xoogga Dalka in uu baaritaan deg deg ah ku sameeyo falkii lagu galay guriga Senator Qeybdiid.
Madaxweyne Farmaajo ayaa ku amray Taliyaha Ciidanka Xoogga Dalka inuu baaritaan degdeg ah ku sameeyo falkii sharci darrada ahaa ee lagu galay hoyga Senator Cabdi Qaybdiid. Cid walba oo ku lug yeelata waxaa lala tiigsan doonaa sharciga.
— Villa Somalia (@TheVillaSomalia) December 30, 2017
War qoraal oo lagu daabacay barta madaxtooyada Soomaaliya ee Villa Somalia, ayuu madaxweynuhu ku amray in sharciga la hor keeno cida kasta oo ku lug lahayd falkaas lagu galay guriga Senator Cabdi Xasan Cawaale (Qeybdiid) oo ah guddoomiyaha Guddiga Dustuurka ee Labada aqal ee Baarlamaanka Federaalka ah ee Soomaaliya
