Muqdisho (SONNA) War ka soo baxay Boqorka Sacuudiga Boqor Salmaan bin C/casiis ayaa loogu fasaxay haweenka in ay laysanka gaariga dalban karaan,wuxuuna Boqorku sheegay in ayan jirin diin u diideysa haweenka in ay gawaadhida kaxaystaan.
Sacuudiga ayaa ahaa dalka kaliya ee adduunka haweenku mamnuuc ka yihiin in ay wadan karaan gawaarida, waana dhaqan muddo dheer ka soo jiray Sacuudiga, iyadoo la faray wasaarado badan sidii go’aankan loo dhaqagelin lahaa.
Go’aanka ay soo saartay Sacuudiga oo haweenka dalkaasi loogu fasaxay baabuur wadida ayaa waxa uu dhaqangeli doona sanadka dambe bisha June.
