Gaadiid Ganacsi oo gaaray Magaalada Xudur ka dib markii Ciidamada Xoogga Dalka howlgalo sameeyeen

0
372

Xudur (SONNA) Ku dhawaad 15 Gaadiid oo u rarnaa Ganacsatada Bakool ayaa gaaray Xarunta Gobolka Bakool ee Xudur kuwaasoo ka yimid Magaalada Baledweyne ee Gobolka Hiiraan.

Gaadiidkan oo ku xayirnaa maalmihii lasoo dhaafay inta u dhaxeysa Gobolada Bakool iyo Hiiraan ayaa waxaa ugu dambayn u suurto gashay in ay gaaraan Xaruunta Gobolka Bakool ka dib markii Ciidamada Xoogga Dalka Soomaaliyeed ay howlgalo ka dhan ah maleeshiyaadka Nabad diidka ah ee Al shabaab ka sameeyeen Waddooyinka isku xira Gobladaas.

Maleeshiyaadka Nabad diidka ah ee Al shabaab ayaa waxa ay go’doon saareen Waddooyinka soo gala Magaalo madaxda Gobolka Bakool taasoo qeyb ka ah dhibaatooyinka Nabad diidku ku hayaan dadka Shabaka ah ee ku nool Gobolka Bakool.

Wariyaha Warbaahinta Qaranka Soomaaliyeed Maxamed Xasan C/raxmaan ee kaga soo warama Gobolka Bakool ayaa soo sheegaya in gaadiidkan oo u rarnaa ganacsatada Magaalada Xudur ee Xaruunta Gobolka Bakool ay gaareen Magaaladaasi.