Muqdisho (SONNA) Guddoomiyaha Gobolka Jubbada Hoose Cabdirashiid Cabdulaahi Cali {Gooni} ayaa xafiiskiisa ku qaabilay masuuliyiin ka socotay hay’ada UN Habitat.
Kulanka waxaa goob joog ahaa Guddoomiyaha Magaalada Kismaayo Ibraahim Maxamed Yuusuf { Timo Jilac} iyo Gudoomiyaha Arimaha Bulshada Cabdi Barre.
Kulankaas ayaa waxaa looga hadlay arimo dhowr ah oo ay ka mid yihiin horumarinta iyo dhismaha Magaalada Kismaayo iyo in shaqooyin loo abuuro dhalinyarada sidoo kale waxaa ay kawada hadleen in dadka barakacashaasha ah in loo sameeyo nidaam iyo sharciyo goobaha ay dagayaan.
