Guddiga Warfaafinta,wacyi gelinta, Dhaqanka, Boostada iyo Isgaarsiinta ee Golaha Shacabka Baarlamaanka Jamhuuriyadda Federaalka Soomaaliya ayaa kulan uu shir guddoominayay Guddoomiyaha guddiga Xildhibaan, Maxamuud Cabdulqaadir Xaaji Jeego waxa ay ku yeeshay xafiiskiisa xarunta guddoonka iyo guddiyada ee Villa Hargeysa.
kulanka oo ahaa kulanka todobaad ee guddiga waxa uu Ajendihiisu ahaa ka doodista iyo diyaarinta Akhrinta sedaxaad ee hindise sharciyeedka Dhowrista xogta, kaasoo horey akhrinta labaad u maray loogana dooday kulanka guud ee Golaha Shacabka.
Xubnaha guddiga ayaa isla falanqeeyey qodobada hindise sharciyeedkan si loogu daro fikradaha iyo talooyinka ay xildhibaanadu ka dhiibteen ka dibna golaha dib loogu celiyo si loo marsiiyo Akhrinta sedaxaad.
