Guddiga Gaadiidka, Garoomada, Dekedaha, Waddooyinka iyo Tamarta ee Golaha shacabka BFS ayaa maanta kulan wadatashi la qaatay oo kusaabsan Hindese-sharciyeedka Korantada Qaranka shirkadaha adeegyada korantada bixiya ee Muqdisho iyo kuwa ka yimid Maamul Goboleedyada dalka.
Gudoomiyaha Guddiga ayaa shirka furay, isaga oo umahad celiyay, xubnaha gudiga, shirkada adeegyada korantada bixiya ee Muqdisho iyo kuwa ka yimid Maamul Goboleedyada dalka iyo shirkadaha adeega solarka bixiya,
Gudoomiyaha ayaa sidoo kale aad u faahfaahiyey ujeedada wadatashiga iyo muhiimada hindise sharciyeedka korantada qaranka u leeyahay dalka.
Sidoo kale intii dooddu socotay, Shirkadaha adeeg bixiyayaasha koranta dalka ayaa aad uga dooday muhiimadda uu sharcigani dalka u leeyahay sidoo kalena soo gudbiyey qodobbada ay doodda qabaan iyo talo soo jeedintoodaba.
Shirka ayaa sii socon doona iyadoo lagu martiqaadayo macaamiisha korontada ee dalka.
