Wasaaradda Gargaarka iyo Maareynta Masiibooyinka XFS ayaa Muqdisho ku qabatay shir socon doona muddo 3 maalmood ah kaasoo oo ay u qabatay Wasaaradaha Dowladda Federaalka Soomaaliya si loo sameeyo iskudubbaridka qaab-dhismeedka yareynta khataraha masiibooyinka #DRR ee heer federaal.
Agaasimaha Guud ee Wasaaradda Gargaarka iyo Maareynta Musiibooyinka Mudane Axmed Abuukar Axmed (Axmed wali) oo ahaa shir-guddoonka shirkan ayaa sheegay in ay ka qeybgaleen qaar ka mid ah agaasimayaasha guud ee wasaaradaha iyo sido kale masuuliyiin kale waxaana xoogga lagu saaray ka doodista qataraha ka dhasha musiibooyinka iyo sidii loo yareyn lahaa.
