Madaxweynaha Mareykanka Donald Trump ayaa sheegay shalay Khamiistii inuu iska tagayo Aqalka Cad haddii Guddiga nidaamka ergada doorashada ay caddeyaan in Joe Biden uu yahay midka ku guulaystay Dorashada dalka Maraynka afarta sano soo socda.
Donald Trump ayaa horay u diiday inuu aqbalo guuldaradii ka soo gaadhay Doorashadi laqabtay 3 Bisha November, isagaa sheegay in doorashada laga shubtay uun marna aqbalidoonin in laga guulastay
Arrintan ayaa u eg mid muujinaysa in Trump uu soo dabcay , aqoon sandoonana in laga guulaystay doorashada , isla markaanan Mr Biden uu yahay madaxweynaha ku guulastay madaxtinimada dalka maraykanka.
Codbixiyeyaasha nidaamka ergada doorashada ayaa kulmi doonaan bisha soo socota si ay cod rasmi ah uga dhigaan, iyadoo Dimuquraadiga Joe Biden loo dhaarin doono xilka madaxweynenimada 20-ka bisha Janaayo.
Donald Trump iyo taageerayaashiisa ayaa dacwado dhowr ah oo dhanka sharciga ah u gudbiyey doorashada, laakiin badankood waa la diiday.
Horraantii toddobaadkan, Mr Trump wuxuu ugu dambayntii ogolaaday diyaarinta kala-guurka rasmiga ah ee kooxda madaxweynaha la doortay ee Biden inuu bilowdo, ka dib dhawr toddobaad oo uu hubaal la’aan ahaa hada uu ogaalaaday in xilka wareejin doono.
