kismaayo (SNTV):-Shirkii u dhexeeyay Hayโadaha Dastuurka heer Federaal iyo Heer Dowladaha Xubnaha ka ah Federaalka ayaa shalay lagu soo gabagabeeyay Magaalada Kismaayo ee xarunta KMG ee Dowlad Gobaleedka Jubbaland.
Waxaa shirka laga soo saaray war-murtiyeed ka kooban 7 Qodob ,hadaba Halka Hoose ka Akhriso:-
Shir Wadatashi ah oo socdayย muddadii u dhexeysay 7 ilaa 9 Abriil 2019, laguna qabtay Magaalada Kismaayo ee Jubbaland ayaa waxaa isugu yimid Hayโadaha Dastuurka ee heer Federaal iyo heer Dawladaha Xubnaha ka ah Dawladda Federaalka oo ka kooban Wasaaradda Arrimaha Dastuurka ee XFS, Guddiga Dib-u-eegista iyo La-socodka Hirgelinta Dastuurka, Guddiga Madaxbannaan ee Dib-u-eegista iyo Hirgelinta Dastuurka, Guddoonnada Baarlamaannada DXF, Wasaaradaha Arrimaha Dastuurka DXF, Guddiyada Dastuurka Baarlamaannada DXF iyo Maamulka Gobolka Banaadir. Shirka waxaa furey Madaxweynaha Dawlad Goboleedka Jubbaland Mudane Axmed Maxamed Islaan. Waxaa shirka lagu soo bandhigay loogana doodey cutubyada 1aad ilaa 9aad ee dib u eegista lagu sameeyey.
Haddaba dood iyo falanqayn dheer ka dib, shirka waxaa soo baxay qodobada soo socda:
1) Shirka waxa uu bogaadiyey soona dhaweeyay horumarka laga gaaray Geedi-socodka Dib-u-Eegista Dastuurka KMG.
2) Shirku wuxuu isku raacey fulinta qorshaha latashiyada iyo wacyigalinta dadwaynaha iyo taariikhaha laqabanayo ee ku aadan cutubyada 1aad โ 9aad ee dib-u-eegista lagu sameeyay.
3) Shirku wuxuu isku raacay in si wadajir ah dhaqaale loogu raadiyo la-tashiyada iyo wacyigelinta dadweynaha si muwaadin kasta oo Soomaali ah fursad ugu helo ka qaybqaadashada Dib-u-Eegista Dastuurka.
4) Shirka waxa uu dalbanayaa in si deg-deg ah loo hawlgaliyo Ergadii Dowladaha Xubnaha ka ah Dowladda Federaalka u soo magacaabeen ka mid noqoshada Gudigga Madaxabanaan ee Dib-u-eegista iyo Hirgelinta Dastuurka.
5) Shirku wuxuu ugu baaqayaa Xukuumadaha Federalka iyo Dawladaha xubnaha ka ah Federaalka inay heshiis deg-deg ah ka gaaran qodobada u baahan wada-xaajoodka siyaasadeed sida qodobada 54aad iyo 122aad si looga hortago dib-u-dhac ku yimaada dhameystirkaย Dib-u-eegista Dastuurka.
6) Shirku wuxuu dhiiri-gelinayaa sii-xoojinta wada-shaqaynta iyo iskaashiga Hayโadaha Dastuurka ee Heer Federaal iyo Heer Dawladaha Xubnaha ka ah Federaalka.
7) Ugu danbeyn, shirku wuxuu mahadnaq weyn u jeedinayaaย Dawladda iyo Shacabka Jubbaland soo dhaweynta iyo martigelinta Shirka. Waxaa sidoo kale loo mahadnaqayaa Xukuumadda Federaalka Soomaaliya, dowladaha, Hayโaddaha Max Planck, UNDPย iyo hayโadaha kale ee caalamiga taageeradooda ku aadan dib-ueegista dastuurkaย iyo dhameystirkiisa.
-Dhammaad-
