Gudoomiye ku-xigeenka Gobolka Benaadir oo xalay kormeeray qaar kamid ah Degmooyinka Gobolka Benaadir “SAWIRRO”

Date:

Muqdisho, Khamiis 11, 2018 (SNTV) Kormeer  uu Gudoomiye ku-xigeenka Amniga iyo Siyaasadda Gobolka Banaadir Maxamed Cabdullaahi Tuulax ku tagay xarunta Degmadda Hiliwaa, Saldhigga Booliska, iyo fariisimaha Ciidamada Booliska ee heeganka ku jira wuxu u jeedkiisu ahaa sidii uu ugu kuur gali lahaa xaaladda Amni iyo sida ay iskula shaqeeyaan Shacabka iyo Ciidamada Amaanka.

Gudoomiyaha Degmada Hiliwaa Cabdixakiin Cumar Cabdulle oo xaruunta Degmadda kusoo dhaweeyay gudoomiye ku-xigeenka ayaa uga warbixiyey xaaladaha guud ee degmadda iyo qaabka ay Ciidamadu u sugayaan Amaanka Shacabka.

Maxamed Cabdullaahi Maxamed Tuulax Gudoomiye ku-xigenka Amniga iyo Siyaasadda oo la hadlay Warbaahinta Qaranka ayaa sheegay in kormeerkaan uu qeyb ka yahay kor joogteynta xaaladda isagoo maamulka Degmadda iyo Ciidamada Amniga kula dardaarmay in ay sii laba laabaan dadaalkooda si shacabka Soomaaliyeed ay u heleen Amni.

“Waxaan Ciidanka Booliska Soomaaliyeed ku amaaneynaa Shaqadda adag oo ay hayaan waxaana rabnaa inay sii-labo jibaaraan arrintan markasta Ciidanku waa harka shacabk”

Gudoomiye ku-xigeenka iyo Saraaikiisha ayaa sidoo kale kormeer ku tagay isgoosyada Baar-ubax iyo Cali kamiin waxeyna halkaasi kula kulmeen dad shacab ah oo xilligaasi ku sugnaa Goobahooda Ganacsi iyagoo ka xogwareystay xaalada Amniga iyo hadii ay jiraan caqabado ay la kulmaan.

Maamulka Gobolka Banaadir iyo Wasaaradda Amniga Gudaha ayaa wada howlgalo lagu dar dargelinayo Amniga Caasimadda waxaana dhawaan qorshuhu yahay in la kordhiyo  ciidamadda Booliska ah ee howlgaladda wada kuwaas oo qeyb ka noqon doono Qorsha Amniga Caasimadda.

Share post:

Ugu Akhris badan

Kuwo kale
Kuwo kale

Wasiiru Dowlaha Gaashaandhigga oo Muqdisho ku soo dhaweeyay Wasiirka Gaashaandhigga Komoros

Wasiiru Dowlaha Wasaaradda Gaashaandhigga Xukuumadda Federaalka Soomaaliya, Mudane Cumar...

Shirka dib-u-eegista wadashaqeynta Soomaaliya iyo Itoobiya oo ka furmay Addis Ababa

Shirka dib-u-eegista dhexe ee Guddiga Farsamo ee wasaaradaha Soomaaliya...

Wasiir Fiqi oo ka qeyb-galay  munaasabadda xil-wareejinta Taliyaha cusub ee EUTM    

Wasiirka Gaashaandhigga Xukuumadda Federaalka Soomaaliya, Mudane Axmed Macallin Fiqi,...

Masuuliyiin bogaadiyeen Ololaha Is-diiwaangalinta doorashooyinka oo ka socda Muqdisho 

Wasiiru Dowlaha Wasaaradda Amniga ee Xukuumadda Federaalka, Maxamed Cali...