Muqdisho Tallaado August 14 (SNTV):-ย Akhristow Natiijooyin ka soo baxay daraasado cilmiyeed ย ย dhawaan ay sameeyeen saynisyahannada Bulshadda Maraykanka ee Kansarka, ayaa lagu ogaaday in fadhiga oo lagu qaado muddo dheer si joogto ah ay ka dhalan karaan arrimo caafimaad oo halis ah.
Natiijooyinka daraasadda ayaa muujinaya xiriirka ka dhexee
ya dhaqdhaqaaqa hoos u dhaca jirka iyo khatarta dhimashada sababtoo ah, cuduro kala duwan oo hareer socda dhaqanka nuucaan ah oo la caadeysto.
โHaddii qofku uu fadhiyo 6 saacadood ama ka badan maalintii, halista dhimashada ayaa kordhi doonta 19% marka la barbar dhigo kuwa qaata in ka yar 3 saacadood oo fadhiya,โ cilmi-baarayaal ayaa sidaasi sheegay.
Waxay kaloo ogaadeen Cilmi baadhayaashu in caadadani ay la xiriirto heerarka sare ee duxda sokorta, iyo cadaadiska dhiigga.
Daraasad ayaa xaqiijisay in ku fadhiga muddo dheer uu keeni karto sabababo badan oo horsed u ah cudurro kala duwan sida: nuucyo kamid ah kansarka, cudurrda wadnaha iyo xididdada dhiigga, macaanka, cudurada nidaamka muruqyada, kelyaha, sambabada, beerka, cudurrada dheef-shiidka iyo mindhicirka, cudurka laleelmada iyo cudurka dhimirka beelida iyo xanuunada maskaxda ah.
Waxaa sidoo kale jira xiriirka u dhexeeya fadhida muddo dheer iyo ujeedka is-dilka.
