Ra’iisal wasaaraha xukuumadda FS iyo wafdi uu hogaaminayo ayaa gaaray magaalada Qardho ee gobolka Bari.
Wafdiga Ra’iisal wasaaraha waxaa qayb ka ah xubno ka tirsan xukuumadda, madaxwayne ku xigeenka dawlad goboleedka Puntland iyo mas’uuliyiin kale.
Mudane Xasan Cali Khayre Ra’iisal wasaaraha dalka ayaa hadal u jeediyey boqolaal ka mid ah shacabka ku soo dhaweeyey xarunta dhaqanka Puntland ee magaalada Qardho, waxaana uu ku bogaadiyey sida ay uga muuqato dawlad jacaylka iyo wadajirka ummadda Soomaaliyeed.
Waxa uu sheegay in kulamo uu la qaadan doono Isimada iyo waxgaradka magaalada oo ay ka wada hadli doonaan geedi socodka dawlad dhisidda Soomaaliya inay kaalintooda ka qaataan.
