Arday u fariisatay Imtixaan ay kaga mid noqonayaan Ciidamada Xoogga Dalka

Date:

Muqdisho (SNTV), 450 dhalinyaro Soomaaliyeed oo soo codsaday inay ka mid noqdaan Ciidanka Xoogga dalka, kadib markii Taliska Ciidanka Difaaca dalka uu soo bandhigay Fursado shaqo, ayaa maanta u fariistay imtixanaadka Sargaal iyo Sargaal xiggeeno, kaasi oo lagu qabtay dugsiga tababarka ee TurkSom.

Goobta Imtixaanaadka lagu qaadayey, ayaa waxaa  goob joog ka ahaaa gudigga imtixaanadka Ciidanka Xoogga Dalka iyo Saraakiil ka tirsan Ciidanka Dawladda Turkey.

Taliyaha Ciidanka Xoogga Dalka S/gaas C/wali Jaamac Xuseen oo ay wehliyaan,  ayaa maanta kormeeray xarunta dugsiga tababarka ee TurkSom oo ay ka socotay qaadista imtixanaadka Sargaal  iyo sargaal xigeenada ka mid noqonaya ciidamada xoogga dalka.

Gen. C/wali Jaamac Xuseen (Gorod) ayaa mid mid u xog wareestay Ardeydii galeysay imtixaanaadka, isaggoona weydiiyay sida ay u arkaan ka mid noqoshada Ciidanka Xoogga Dalka.

Saraakiisha Ciidamada dawladda Turkiga ee gacanta ku hayo Dugsiga tababarka ciidanka ee TurkSom, ayaa  waxay Taliyaha Ciidanka Xoogga u faah faahiyeen qaabka loo kala xulay Ardeydaasi,  waxaana Taliyaha Saraakiisha qaadeyso imtixanaadka uu ka dalbaday in ay ku shaqeyaan si cadaalad ah.

Sidoo kale Taliyaha Ciidanka Xoogga dalka,  ayaa dawladda Turkiga ugu mahad celiyay kaalinta muuqato ay ka qaadanayaan dhismaha Ciidamada qalabka sida ee Soomaaliyeed.

Share post:

Ugu Akhris badan

Kuwo kale
Kuwo kale

Golaha shacabka oo ansixiyey gudidda xuquuqal insaanka Qaranka

Xildhibaannada Golaha Shacabka Baarlamaanka JFS ayaa cod Aqlabiyad leh...

Guddiga Garsoorka ee aqalka sare oo yeeshay kulan gaar ah

Guddiga Garsoorka, Cadaaladda, Arrimaha Diinta, Awqaafta, Xaquuqul Insaanka, Haweenka...

Taliska Ciidanka Xoogga oo Digniin Adag Ka Soo Saaray Isticmaalka Calaamadaha iyo Astaamaha Ciidanka XDS

Taliska Ciidanka Xoogga Dalka Soomaaliyeed oo Digniin Adag Ka...

Warbixinta Toddobaadlaha ee DFS oo soo baxday 

1- Madaxweyne Xasan Sheekh Maxamuud ayaa furay Shirka Iskaashiga...