Muqdisho (SNTV)– Habeenkii xalay ahaa waxaa foodda is daray tartamayaasha degmooyinka Kaxda iyo Xamar-jajab oo ka wada tirsan gobalka Benaadir, waxaana ugu horreyn nasiib u yeeshay in lagu bilaabo weydiimaha tartan aqooneedka bisha Ramadan degmada Xamar-jajab.
Tartameyaasha Degmada Xamar-Jajab ee Gobolka Banaadir waxaa la weydiiyey 7-Su’aal, waxa ay ka jawaabeen 3-su’aal, waxa ay ka faa’iideysteen labo su’aal oo soo hareer martay tartamaaysha Degamda Kaxda, wadarta guud ee dhibcaha tartameyaasha Degmada Xamar-Jajab ay heleen waxay noqotay 10- dhibcood.
Tartamayaasha Degmada Kaxda ee Gobolka Banaadir waxaa dhankooda la weydiiyay 7- su’aal, waxa ay ka jawaabeen 3- su’aal, waxaana ay ka faa’iideysteen hal su’aal oo soo hareer martay Xamar-Jajab, wadarta guud ee dhibcaha ay heleen tartameyaasha Degmada Kaxda waxay noqotay 8- dhibcood.
Tartamayaasha Degmada Xamar-Jajab ee Gobolka Banaadir ayaa caawa u soo gudbay wareegga saddexaad ee tartanka, halka tartamayaasha Degamda Kaxda ay ku biirtay degmooyinka ku haray wareegga 2-aad.
Tartanka ay tabineyso warbaahinta Qaranka isla markaana uu taaba gelinayo maamulka gobalka Benaadir Habeen dambe waxaa foodda is dari doono, tartamaayasha degmooyinka Kismaayo & Xamar weyne oo ka kala tirsan Gobollada Benaadir iyo Jubbada-Hoose.
