Raa’sulwasaaraha Dalka oo hambalyo u direy maallinta haweenka soomaaliyeed

0
138

Ra’isul wasaaraha Jamhuuriyadda  federaalka ah ee Soomaaliya ayaa hambalyo  u diray haweenka Soomaaliyeed oo u dabaal degaya maalinta haweenka dunida.

Mudane Xasan Cali Kheira ra’isul wasaaraha jahuuriyadda federaalka ah ee Soomaaliya ayaa ku tilmaamay haweenka Soomaaliyeed in  ay yihiin kuwa ku guuleystay arrimaha qoyska iyo u adeegidda nabadda iyo horumarka.

“Maalintan Caalamiga ah ee haweenka, dumarka Soomaaliyeed waa ay mudan-yihiin in lala dabaal dego maadaama ay u dhabar adeegeyn u adeegidda dalka, waa kuwa iyaga ku guuleystay maareynta qoyska  iyo u adeegidda nabadda iyo horumarka ” ayuu yiri ra’isul wasaaraha jamhuuriyadda  federaalka ah ee Soomaaliya  Xasan Cali Kheyre.

Madax kala duwan ayaa  hambalyo u diray haweenka Soomaaliyeed oo uu kamid yahay ra’isul wasaaraha jamhuuriyadda  federaalka ah ee Soomaaliya, wakiilada beesha caalamka u joogo Soomaaliya iyo  madax kale.

8- March sanad kasto ayaa dunida looga dabaal degaa maalinta haweenka  dunida iyadoo Soomaaliya ay ka dhacayaan munaasabado  lagu weyneynayo maalintan.