Gudoomiyaha Gobolka Benaadir ahna Duqa Muqdisho Mudane Cabdiraxmaan Cumar Cusmaan (Eng. Yarisow) ayaa xarunta dawladda hoose ee Xamar ugu sameeyey Guddiga Madaxabannaan ee Doorashooyinka Qaranka xaflad lagu soo afmeerayey kulammadii wadatashiga ee uu ka waday dalka oo dhan.
Waxaa jirta rajo wanaagsan oo muujinaysa in dadka Soomaaliyeed talada dib loogu celiyo si ay go’aan uga gaaraan cidda matalaysa, maamulka G/Benaadir na qorshihiisu waa in taladu ay dib ugu noqoto shacabka” ayuu yiri duqa magaalada Muqdisho Cabdiraxmaan Cumar Cusmaan (Eng. Yarisow).
Kulammadaas ayaa intii eey socdeen waxaa diiradda lagu saaray qorshaha Istaraatiijiga ah ee salka u noqon doona howlaha uu wado guddigu, iyagoo bixiyey tallooyin ku aadan waddooyinka ugu habboon ee lagu hirgelin karo doorashooyin qof iyo codkiisa sanadka 2020.
Guddiga doorashooyinka ayaa socdaal ku soo maray dhammaan maamul gobaleedyada dalka magaalooyinka ugu waa weyn, waxa eeyna dadka badi kala hadlayeen sidii eey uga qeyb qaadan lahaayeen doorashooyinka shacbiga ah ee la filayo in eey ka dhacaan Soomaaliya.
