Shirka Wasiirada shaqada Ururka Iskaashiga Islaamka kiisa Afaraad ย ayaa maanta oo Arbaco ahย ka furmay magaalada Jiddah ee Dalka Sacuudiga.
Wasiirka shaqada iyo Arrimaha Bulshada Dowladda Soomaaliyaย Salah Ahmed Jamac iyo Wafdi uu hoggaaminayo oo shalay gaaray halkaas ayaa ka qeyb qeyb-galay shirkan Wasiirada shaqada ee Ururka iskaashiga Islaamka.
Shirkan waxaa soo qabanqaabiyay Wasiirada Shaqada Sacuudiga oo la kaashanaysa Ururka Iskaashiga Islaamka,waxaana ka qeyb qaadanayaa wasiirada Shaqada 56 dal oo ka tirsan dalalka Islaamka,isagoo socon doono muddo labo maalin ah.
Ujeedada shirka ayaa ah sidii la isku dhaafsan lahaaย macluumaadka ku saabsan xagga shaqada, siyasadda iyo barnaamijyada kale ee ku lug leh horumarinta shaqada iyo shaqaalaha.
Sidoo kale, inta uu socda shirka waxaa kaloo lagu qaadaa dhigi doonaa istaraatiijiyada shaqada wasaaradaha wadamada Islaamka siiba xagga shaqo siinta,barnaamijka kale ee howlgelinta dhalinyarada iyo sidii shaqo loogu abuuri lahaa, iyadoo lala kaashanayo Ururka Iskaashiga islaamka.
