Ciidamada ilaalada xeebaha Puntland ee ayaa Deegaanka Marooro oo 9km magaalada Boosaaso ujitra ka soo qabtay dooni lagu magacaabo Al-furqaan oo waday hub sharci darro ah oo kala ahaa hubka culus iyo kan fudud, waxaana jirey qoryaha loo yaqaano dhishiikaha, Ake 47, bastoolado iyo Raastooda.
Inkastoo hubkan la qabtay hadana ciidamada Puntland uma suuro gelin iney gacanta ku dhigaan cidii waday kuwii loo waday intuba, waxaana xusid mudan in hubkan oo intan ka badnaa qaybtiisa kale ay qabteen ciidamada booliska Puntland oo howlgallo ka sameeya qeybo ka mid ah deegaannada maamulka.
Gaashle Maxamed Maxamuud Xasan oo ka tirsan ciidamada ilaalada Xeebaha Puntland ayaa sheegay inay ku guulaysteen soo qabashada hubkan, ayna ku raadjoogaan raggii soo rarey iyo kuwii loo waday intuba.
Puntland ayaa qabta in Al-Shabaab loo waday hubkan ay ciidamadu gacanta ku dhigeen.
Tallaabadan ayaa noqonaysa mid ciidamada Puntland dhanka ammaanka uqaadeen waxaana ay qayb ka yihiin dedaallo lagu ilaalinayo Nabadda iyo wada noolaanshaha Ummadda Soomaaliyeed.
Maxamed Muse tarsan Bosaso
