Degmada Shibis oo u gudubtay wareegga Afar dhammaadka tartan cilmiyeedka

0
15

Afar dhammaadka tartan cilmiyeedka warbaahinta Qaran ee uu maamulka gobolka Benaadir taabagelinayo, caawa waxaa ku tartamay degmooyinka Shibis iyo C/casiis oo ka wada tirsan gobolka Benaadir.

Tartankan oo ahaa kii labaad ee caawa afar dhammaadka tartan cilmiyeedka Warbaahinta Qaranka, waxaa labada degmo  lagu weydiiyey  afar su’aal degmada walba, iyadoo qeybta dhextaalka lagu soo gudbiyey farriimo wacyigelin ah oo ku aaddan amniga iyo Nafaadadda, sidoo kale isbarashada tartamayaasha degmooyinkaas ayaa lagu soo gudbiyey.

Natiijada C/casiis

Degmada C/casiis ee goolka Benaadir, waxaa  la weydiiyey toddoba su’aal, waxa ay ka jawaabbeen laba su’aal Shan waa ay iska qaldeen, wax aka faa’ideysi ah ma helin, waxa ay heleen afar dhibcood (4 dhibcood).

Natiijada Shibis

Degmada Shibis ee gobolka Benaadir waxaa iyaguna la weydiiyey toddoba su’aal waxa ay si sax ah uga jawaabbeen laba su’aal, shan waa ay qaldeen, hal su’aal ayeey si ka faa’ideysi uga jawaabbeen, sidaas ayeey ku uruursadeen Lix dhibcood (6 dhibcood), degmada Shibis ee gobolka Benaadir ayaana u gudubtay wareegga  Afar Dhammaadka tartan Cilmiyeedka Warbaahinta Qaranka ee bisha Barakeykan ee Ramadaan

Habeen dambe, waxaa foodda is dari doona degmooyinka Kaaraan iyo Warta-nabadda oo ka wada tirsan gobolka Benaadir.