Ra’iisul Wasaraha Xukumadda Federaalka Soomaaliya Mudane Xasan Cali Kheyre ayaa maanta ka qayb galay kulan wacyi galin iyo dhaqaale loogu abuurinayey dadka ay abaaruhu saameeyeen.
Kulanka oo uu soo qaban qaabiyey Guddiga Gurmadka Abaaraha ee Qaranka ayaa waxa goob joog ka ahaa xildhibaano ka tirsan Barlamaanka Soomaaliya Culumo , iyo qaybaha kale duwan ee bulshada , kuwaa oo diyaar u ahaa in in ay ka qayb qataan Gurmadka Abaaraha Qaranka .
R/wasaaraha Soomaaliya ayaa sheegay in Xukuumadiisa ay Ahmiyadda koowaad siisay u gurmashada dadka Soomaaliyeed oo Abuuruhu ay saameeyeen kuwaasi oo ku sugan Guud ahaan Soomaaliya.
Sidoo kale R/wasaaraha ayaa xusay in Qasnada dowladda ay ku jirto lacag gaaraysa ku dhowaad 1-Milyan oo dollar oo loogu talagalay dadka Soomaaliyeed oo ay abaaruhu saameeyeen, wuxuuna xusay R/wasaaruhu in maalinta Sabtida ah ee nagu soo aaday lacagtaasi lagu wareejin doono Guddiga Gurmadka Abaaraha Qaranka.
