Maleeshiyaadka Al Shabaab ayaa maanta barqadii isku dayey inay weerar ku qaadaan Saldhigga Ciidanka Xoogga dalka ee degmada Awdheegle gobolka Shabeellaha Hoose balse Ciidanka oo ka warqabay dhagarta Argagaxisada ayaa weerarkaas ka hortagay.

Ciidanka ayaa wadda howlgal ay kagaga sifaynayaan inta hartay haradiga Al Shabaab ee weerarka ku soo qaaday Awdheegle  si ay u qalqal gilyaan shacabka ku soo noqonyay goobah ay ciidamadu kala wareegen,Taliyaha ciidanka lugta ee xoogga dalka ayaa sheegay in ay si socon doonnaan  howlgaladda lagu xorreynayo deegaanada yar ee ku harsan gacanta arxan lawayaasha  Al-Shabaab.

Taliyaha Ciidanka Luqta General Yuusuf Raage Odawaa oo lahadlay  warbaahinta qaranka  ayaa sheegay in degmada Owdheegle yaaliin hadda meydadka raggii weerarka soo qaaday kuwaas oo aan ilaa yaa hada laga qadiin goobtay ay ku jabeen .

Dhanka kale Taliyaha ayaa sheegay in gacanta ay ku  dhigay  qar ka mid ah maleeshiyaadkii soo qaaday weerarka maantay barqonimadii.

Wararka naga soo garaya gobolka Shabeelaha hoose ayaa sheegaya in dhaawac culus uu kasoo gaaray horjooge Cali Maxamuud Raage Cali dheere uu ku dhaawacmay howlgal ay ka sameyeen ciidamada  xoogga dalka   Deegaanka Shaam oo hoostaga Degmada Awdheegle ee Gobolka Shabeelaha Hoose .

Howlgalkaan oo ahaa mid qorsheysan ayaa  dhacay 11-kii bishan ,ka si oo lagu bartilmaameydsanayay maleeshiyadda ka tirsan Al Shabaab  oo ku sugna deegaanka Shaam oo u dhexeya Bariire iyo Awdheegle oo kawadda tirsan Shabeelaha Hoose.

Maleeshiyaad uu la socday Horjooge Cali Dheere ayaa waxaa lasheegay in ay uga dhinteen ku dhawad 17- maleeshiyaad ah oo lasocday.

Weerarka ayaa sidoo kale,waxaa Al-Shabaab uga dhaawacmaya 25-kale oo uu ku jiro Afhayeenkooda dhaawac ka soo gaaray,waxaana hadda dhaawaca Cali Dheere lagu hayaa deegaanka Kuntuwaareey ee Gobolka Shabeelaha hoose,sida ay saaraakiil ka tirsan Ciidamada Xoogga dalka u xaqiijiyeen Idaacada Codka Ciidamadda.

Ciidamada Xoogga dalka ayaa dhawaan maleeshiyadda Al-Shabaab ka saaray deegaanka  Awdheegle oo mudo ay ku dhibaateynayeen dadka shacabka ah,waxaana hadda degmadaasi dib ugu soo labtay dadkii horay uga barakacay oo ay  handadaada Al-Shabaab  ku hayeen.

Xujeyda Soomaaliyeed ee sanadkan soo gudanaysa  waajibaadka Xajka ayaa bogadiyey kaalinta ay ka qadtay dawladda federaalka Soomaaliya ee ku aadan tayeynta adeegyada ay helayaan xujeyda Soomaaliyeed.

Qaar ka mid ah xujeyda ayaa sheegay in sanadkan iyo sanadii hore farqi wayni u dhexeeyo sida loogu adeegay, marka la eego sida loogu fuduudeyay helida dalka ku galka  ama Visaha iyo adeegyada gaadiidka ,hoyga  ay ku heleen xajka sanadkan.

Wasiirka wasaaradda Awqaafta iyo arrimaha diinta iyo mas’uuliyiinta safaaradda Soomaaliya ee dalka Sucuudiga ayaa si toos ah u booqanayey meelaha la dajiyey Xujeyda, si ay u hubiyaan adeegyada ay helayaan dalka Soomaaliyeed ee soo gudanaya Acmaasha Xajka.

Ciidanka Xoogga dalka ayaa wadda Howlgalo lagu bartilmaameyd sanayo  Kooxda Al-Shabaab looga na saarayo goobaha ay kaga sugan yihiin gobolka Shabeelaha Hoose.

Ciidamada xoogga dalka ayaa howlgalkaan ay ka waddan gobolka waxay ku bacsanayeen  haradiga  Argagaxisada sidoo kale waxay kala wareegeen goobo ay shacabka Soomaaliyeed ku dhibaateynayeen, intii u socday hawlgalka ayaa ciidanka xoogga dalka waxay ku dileen  Maleeshiyaad ka tirsan Shabaab halka kuwo kale na ay ku dhaawaceen.

General Yuusuf Raage Odawaa Taliyaha Ciidanka Lugta ee Xoogga dalka oo lahadlay Warbaahinta Qaranka ayaa sheegay inay Ciidanku Howlgalkooda Kooxda Al Shabaab sii socon doono tan iyo inta laga siifeynayo Maleeshiyaadka Al Shabaab.

“Waxaan rajeynayaa insha allah in goobo badan oo Kooxda Al Shabaab ku sugan yihiin gaari doonaan Ciidanka qalabka sida waxaana jira qorshe balaaran oo ka dhan ah Al Shabaab” sidaas waxaa yiri Taliye Odawaa

Tijaabooyin lagu sameeyay daawooyin looga hortagay Epola ayaa waxay ka dhigayaan mid  xaal ku meelgar ah loogu helay  Cudurka Epola daawada hataan martay tijaabada ayaa muujiynaysa  horumar dhanka latacaalidda Cudurka Epola, waxaana la sheegay 90% uu  badbaadin karo bukaanada qaba cudurkaasi.

Seynisyahanno ka soo jeeda Mareykanka oo ka socda Mac-hadka qaabilsan cudurada Xasaasiyadda iyo Caabuqa(Allergy and Infectious )ayaa sheegay in tijaabooyin lagu sameeyay daawooyinka REGN-EB3 iyo mAb114 la ogaaday in ay awood u leeyihiin difaaca unugyada jirka ee uu haleelo cudurka Epola.

Afar nuuc oo daawooyin ah ayaa lagu tijaabiyay bukanno qaba cudurka Epola oo rer Koongo ah,halkaasi oo ah meeshii uu ka dillaacay cudurkasi,waxaana dib loo dhigay ama la celiya daawooyinka ZMapp iyo Remdesivir ,ka dib markii la ogaaday in ay ka saameyn yar yihiin tijaabinta daawooyinka REGN-EB3 iyo mAb114 .

Saraakiil xagga Caafimaadka ah ayaa sheegay in daawooyinkaasi ay wax ka tari doonaan cudurka Epola ,isla markaana 90% ay ku badbaadi doonaan dadka reer Koongo ee uu haleelay cudurkaasi.

Baydhabo (SNTV) Madaxweynaha Dowlad Goboleedka Koonfur Galbeed Soomaaliya Mudane Cabdicasiis Laftagareen ayaa ka tacsiyeeyey dadkii ku dhintay Magaalada Baydhabo kuwaas oo loo dilay aano qabiil sida la sheegay.

Madaxweyne Laftagareen oo ka qeyb galay aas shalay galinkii dambe loo sameeyey Allah u naxariistee Siyaasi hore Cali Aadan Marguus ayaa sheegay in Maamulku talaabo adag ka qaadi doono dadka aanooyinka qabiil dadka u dila.

Waxaa kale oo uu sheegay in Ciidamada Amniga ee Magaalada Baydhabo uu ku amray inay wax ka qabtaan dadka qoryaha ku dhex wata Baydhabo kuwaas oo waliba sida sharci darada ah u dhaqma.

“Kuwa dilalkan oo geysanaaya oo sida xun u fekeraayo waxaan leenahay hadii aad dhibta kula soo noqotaan shacabka,lama aqbalaayo,nin aan ka tirsanayn ciidanka qalabka sida dhinacyadoodi kala duwan,kuwa amniga sugaya waxa aan ka ahayn laguma arki karo magaalada,waxaana amar ku bixinayaa in la soo qabto dadkii ka dambeyeey dilalkii dhacay”.ayuu yiri madaxweynaha K/Galbeed.

Maalintii shalay ayaa dilal siyaabo kala duwan waxaa ay uga dheceen magaalada Baydhabo nawaaxigeeda,waxaana kamid ahaa dadkii la dilay AUN Cali Aaadan Marguus oo kamid ahaa ganacsatada deegaankaasi.

Muqdisho (SNTV) Iyadoo maanta ay ku beegantahay 9 Bisha Dulxaj ayaa malaayiin Muslimiin ah maanta waxaa ay taagan yihiin Banka Carrafo, si ay u gutaan Waajibaadka xajka .

Xujeyda Soomaaliyeed oo ay kamid yihiin madax ka tirsan dowladda Soomaaliya ayaa lagu qiyaasay illaa 11-kun oo ruux, kuwaas oo nasiib u yeeshay in sanadkan ay soo xajiyaan,waxaana ay heleen adeegyo ka duwan kuwii hore,sioda uu ku soo waramayo Wariyaha warbaahinta Qaranka ee Sucuudiga Cali Jaamac Cilmi (Cali Kuus).

Mas’uuliyiinta wasaraadda Awqaafta iyo Arrimaha Diinta Soomaaliya iyo Qunsuliyadda Soomaaliya ee Jidah ayaa halkaasi kusugan,iyagoo sanadkan si gaar ah ula socda xaaladda xujeyda Soomaaliyeed,si ay u qiimeeyaan adeegyada ay helayaan.

Muslimiinta sanadkan gudanaya waajibaadka xajka ayaa ka badan kuwaas oo ka kala yimid dalal ay ka mid tahay Somalia.

Dowladda Dalka Sucuudiga ayaa si weyn u adkeysay amaanka Ammaanka xujeyda,iyadoo ciidamo fara badan dowladda Sucuudi Carabiya ay soo dhigtay waddooyinka magaalada barakeysan ee Makka.

Waxaa la arkayay kumanaan qof oo muslimiin ah kuwaasi oo shkli ahaan isku muuqaal ah,islamarkaan xiran dharka cad,Sidoo kale waxaa gawaarida laga mamnuucay isticmaalka waddooyinka gala masaajidka barakeysan ee xaramka.

Istaaga buurta Carafo ayaa ah rugniga ugu muhiimsan ee Arkaanta xajka,sidasi darteedna dhamaan xujeydii ka qeybgashey ay halkaasi ku sugan yihiin,xiliga qorax dhaca ayaa u gudbidoona magaalada Mustalifa,hlkaasi oo ilaa waaberigii ay ku sugnaan doonaan si ay halkaasi uga uruursadaan dhagaxtuurka sheydaanka.

Maalinta beritu ah ayaa wadamada Islaamku waxaa ay isku diyaarinayaan dabaal degga maalinta koowaad ee Ciidul Adxa.

Muqdisho (SNTV) Munaasabadaan dib u howlgelinta Dugsigii sare ee degmada Xudur ayaa waxaa soo qaban qaabiyey bahda waxbarashada degmada Xuddur ee gobolka Bakool, waxaana ka qeyb galay Xildhibaano ka tirsan Dowlad Goboleedka KGS, Maamulka Bobolka Bakool,Maamulayaasha goobaha waxbarashada ee degmada Xuudr, waaladiinta ardayda iyo Marti sharaf kale.

Wasaaradda Maaliyada ee XFS ayaa muddo 30 sano ka dib dayactir ku sameeysay dhismo cusub oo lagu sameeyay xaruntii hore ee dugsiga sare ee degmada Xudur.

Munaasabadda dib u howlgelinta dugsiga sare ayaa waxaa hadallo ka jeediyay maamulaha cusub ee dugsiga sare Cali Maxamed Sheekh Cali iyo Guddoomiyaha waxbarashada degmada Xudur Aadan Axmed Maxamuud (Qoosh) iyagoo in sharaftii iyo karaamadii waxbarashada gobolka Bakool ay dib u soo laabatay waxaana ay ugu baaq u direen bulsho weynta kudhaqan deegaannada hoostaga degmada Xudur.

Aasaasayaashii iskuulada Shodog iyo iskuulka Xudur Sheekh Maxamed Kheyr iyo Luul Maxamed Nuur ayaa bogaadiyey furitaanka dugsiga sare oo baahi weyn loo qabay,iyagoo uga mahadceliyay kaalinta ay ka geysatay dayactirka dugsigaasi.

Guddoonka waxbarashada gobolka Bakool C/qaadir Nuur Cadow ayaa u madah celiyey guddoomiyaha gobolka Bakool kaalinta uu ka qaatay in 30 sano ka dib dugsi sare dib uu u shaqeeyo, iyadoo halkaasi shahaado sharaf lagu guddoonsiiyay guddoomiye Maxamed Cabdi Maxamed (Tall).

Guddoomiyaha Gobolka Bakool Maxamed Cabdi Maxamed Tall iyo Wasiir hore ahna Xildhibaan Sheekh Xasan Ibraahim (Lubuur) oo geba gebada munaasabadaasi ka hadlay ayaa ku bogaadiyay bahda waxbarashada iyo bulshada in la iska kaashado horumarinta waxbarashada gobolka,iyagoo dowladda Soomaaliya uga mahadnaqay maalgelinta dib u dhiska dugsiga sare.

Dhismaha dugsi sare ku fadhiya dhul aad u balaaran waxaana qeyb ka mid ah loo qorsheeyey in laga furo jaamacad maadaama degmada Xudur oo ah xarunta gobolka Bakool aysan ka jirin waxbarasho heer Jaamacadeed.

Muqdisho (SNTV) Guddoomiyaha Gobolka Shabeelaha Hoose oo la kulmay maamulka degmada Awdheegle ee gobolkaasi ayaa kala hadlay la shaqeynta Ciidanka xoogga.

Ibraahim Aadan Cali Najax oo La Hadley Warbaahinta Qaranka ayaa Sheegay iney safar dhulka ah ku gaareen degmada Awdheegle oo dhowaan laga xoreeyay Maleeshiyada Argagixisada ee Alshabaab.

Mudane Najax ayaa Sheegay in safarkiisa lugta ee ay ku gaareen degmada Awdheegle ay ku wehlinayeen guddoomiyaha degmada Awdheegle Maxmed Yarow, Taliyaha Ciidanka dhulka ee Xoogga Dalka Soomaaliyeed Genraal Odowaa Yuusuf raage ,Taliyaha Ururka 4-aad ee Danab Gashaanle C/raxmaan sheekh Cumar (Jeeniqaar), Taliyaha qeybta booliska ee gobolka shabeelaha hoose Abdi dheere, guddoomiye ku xigeenka maaliyadda gobolka Cabdifataax Xaaji cabdulle iyo guddoomiyaha ururka haweenka gobolkaas.

Guddoomiyaha Gobolka Sh/Hoose Ibraahim Aadan Cali Najax ayaa kulan la qaatay qeybaha kala duwan ee bulshada iyo saraakiisha ciiidanka waxaana uu ku bogaadiyay saraakiisha howlgalka dib loogu xoreynayay degmada Awdheegle iyo deegaanada kale.

ugu dambeyn guddoomaha Gobolka Sh/ Hoose Ibraahim Aadan Cali ayaa ka codsaday qeybaha kala duwan ee bulshada ku dhaqan gobolkaasi inay soo dhoweeyaan ciidamada meel walba oo ay ku sugan yihiin si looga adkaado kooxda khawaariijta ah ee Alshabaab.

Muqdisho (SNTV) Madaxweynaha Dowlad Goboleedka Koonfur Galbeed Soomaaliya Mudane Cabdicasiis Laftagareen ayaa ka tacsiyeeyey dadkii ku dhintay Magaalada Baydhabo kuwaas oo loo dilay aano qabiil.

Madaxweyne Laftagareen oo ka qeyb galay aas shalay galinkii dambe loo sameeyey Allah u naxariistee Siyaasi hore Cali Aadan Marguus ayaa sheegay in Maamulku talaabo adag ka qaadi doono dadka aanooyinka qabiil dadka u dila.

Waxaa kale oo uu sheegay in Ciidamada Amniga ee Magaalada Baydhabo uu ku amrayo inay wax ka qabtaan dadka qoryaha ku dhex wata Baydhabo kuwaas oo waliba sida sharci darada ah u dhaqma.