Wakiilada beesha caalamka ee Soomaaliya  wakiilo ka socday Ururo Caalami ah shirkado iyo sido kale 50 dowladood ayaaa ka qeybgalaya shirkaaan dhinaca Soomaaliya waxaa ka qeybgalay wasiiro ka tirsan xukuumadda federaalka Soomaaliya ururada bulshada rayidka ah waxaaana diirada lagu saaray dib u habeynta dhaqaalaha, Amniga iyo cadaaladda, Qorshe Horumarinta Qaranka Siyaasad loo dhan yahay , Horumarinta Arimaha Bulshada iyo mabaa dii da iskaashiga.

R/Wasaare ku xigeenka dalka mudane Mahdi Maxamed Guuleed Khadar ayaaa sheeegay in lagu guuleystay dib u habeynta dhaqaalaha nidaamka loo maray bixinta mushaaraadka ciidamada iyo shaqaalahana uu yahay mid guuleystay.

Wakiilka Midowga Africa Francisco Madeira ayaa bogaadiyay dadaalada ciidamada qaranka Soomaaliya ay ka sameeyeen la dagaalanka argagaxisada meelo badan ay ka qabteen kooxaha argagaxisada ah.

Wakiilka Beesha Caalamka ee Soomaaliya James Swan ayaaa madasha ka sheegay in dowlada Soomaaliya ku guuleystay dhinac yo badan isla markaana mudan in lagu bogaadiyo.

Dhinacyada shirka ka qeybgalay ayaaa doodo ka yeeshay dhinacyo badan oo muhiim u ah bulshada Soomaaaaliyeed ayada oo dowlada Soomaaliya ay wado dadaal badan oo lagu dhameynayo arrimaha Siyaasada wadaaga kheyraadka iyo arrimo doorashooyinka.

Taliska Ciidamada Mareykanka ee Afrika ayaa war ka soo saaray weerarkii shalay Al-Shabaab ku qaadeen Garoonka iyo Saldhigga Balli-doogle, halkaasoo ay xarun u tahay Ciidamada sida gaarka ah u tababaran ee DANAB iyo Ciidanka Mareykanka.

Qoraal ka soo baxay Taliska Mareykanka ee Afrika ayaa lagu sheegay in Ciidamada dowladda Soomaaliya iyo kuwa Mareykanka ay jawaab culus ka bixiyeen weerarkii kaga yimid Al-Shabaab.

Maj. Gen. William Gayler oo ah Agaasimaha Howlgalada ee Taliska Ciidamada Mareykanka ee Afrika ayaa sheegay in weerar jawaab ah iyo mid is difaacid ah ku qaadeen Al-Shabaab ayna ku dileen 10 dagaalame, kuna burburiyeen hal gaari.

Waxaa uu sheegay labo duqeyn oo cirka ah ay fulliyeen, si ay uga jawaabaan weerarkii shalay lagu soo qaaday Saldhigga Balli-doogle.

Muuqaal kooban oo la soo dhigay baraha bulshada ayaa muujiyay gaari kuwa xamuulka ah oo la rumeysan yahay inay waxyaabaha qarxa saarnaayeen oo gantaal cirka kaga yimid ku dhacay, isla markaana qarxay.

Taliska Ciidamada Mareykanka ee Afrika ayaa sheegay in weerarkan Al-Shabaab soo qaaday ayaa lagu sheegay inay caddeyn u tahay halista kooxdan ee danaha Mareykanka, saaxibadiisa iyo gobolka, isla markaana aysan marna hakin doonin dagaalka lagula jiro argagixisada.

Saraakiisha Ciidamada Dowladda ayaa laga soo xigtay in ciidamada Dowladda Soomaaliya ay toogteen dhammaan Xubnihii soo weeraray halkaasina ay ku khaarajiyeen qaar badan oo katirsan mintidiinta Argagaxisada ee Al-Shabaab.

Mashruucan shaqo abuurka ah waxaa ka faa’ideysanaya Qaar kamid ah haween ka soo jeeda qoysaska danyerta ah oo ku nool magaalada Muqdisho,waa maalgelin yeryer (Micro financing) kaasi oo Bangiga (IPS) uu ku caawinayo dadka danyerta ah oo loogu talagalay in shaqo abuur loogu sameeyo,iyadoo qeyb kamid ah ay ka taageerayso Hay”adda Caalamiga ah ee ILO.

Daahfurka barnaamijkan oo ka dhacay Muqdisho waxaa ka qeybgalay wasiirka Shaqada iyo Arrmaha Bulshada Sadiiq Xirsi Warfaa,mas’uuliyiinta ILO iyo Banggiga IPS,kuwaasi oo si isku mid ah u dhiirogeliyay fursadaha shaqo abuurka ah oo feker ahaan uu leeyahay Banggiga IPS,si loo daboolo nolosha qoysaskaasi.

Cabdiwali Maxamuud Cilmi oo ka tirsan Baggiga IPS oo barnaamijkan hal abuurkiisa iyo maalgelintiisu leeyahay ayaa sharaxaya waxa ay ugu talagaleen.

“Ujeedka wuxuu yahay in aan ku soo bandhigno guulihii laga gaaray barnaamijkan micro financeka oo soo socday muddo 4 sano ah,barnaamijkan wuxuu yahay mid (IPS) uu xoogga ku saarayay in uu ku dhiirageliyo haweenka,waxaana ka faa’ideystay haween gaaraya ilaa 5000 kun oo qof”. Ayuu yiri Cabdiwali.

Sumeeyo Nuur Cabdi,Fardowso Yuusuf Ibraahim iyo haweenkiii kale fursadaasi la siiyay,waxaa ay uga mahadceliyeen IPS iyo ILO fursadda dhiirogelinta leh oo ay siinayaan bulshada danyerta ah, gaar ahaan haweenka.

Wasiirka Shaqada iyo Arrimaha bulshada Xukuumadda Soomaaliya Sadiiq Xirsi Warfaa oo ka qeybgalay daahfurka barnaaijkan ayaa bogaadiyay dadaalada fursadaha shaqo abuurista ah oo loo sameynayo haweenka Soomaaliyeed.

Goobta daahfurka shaqo abuurkan waxaa lagu soo bandhigayay habab kaladuwan oo haweenka loo maalgeliyay,qaar ayaa iibinaya qudaarta iyo dalagyada beeraha wax la xiriira,kuwo dharka iibiya,shoping,cilaan.

Dowladda Federaalka Soomaaliya ayaa soo dhawaysay shirka caalamiga ah ee iskaashiga Soomaaliya

Shirka iskaashiga Soomaaliya oo ah mid heer caalami ah ayaa waxaa ka qayb galaya in ka badan 50 dowladood oo ka mid ah wadamada daneeya arrimaha Soomaaliya, arrimaha looga hadlayo shirkaan waxaa ka mid ah Dhaqaalaha, Amniga, Siyasadda iyo Cadaaladda,

Waa markii ugu horeysay ee shirkaan lagu qabanayo magaalada Muqdisho,waxaana horay loogu qaban jiray dalka dibaddiisa.

Akhriso: Warsaxaafadeed.

Guddoomiye ku xigeenka degmada Buulo burde Cismaan Geedi Cilmi oo la hadlay Wabaahinta dowladda ayaa sheegay in ciidamada ammaanku ay wadaan howlgallo maleeshiyada Al-shabaab looga xoraynayo deegaannada ay kaga dhuumaalaysanayaan gobolka Hiiraan.

Guddoomiyaha ayaa  beeniyay wararka sheegaya in ciidamada Hiil walaal ee Jabuuti ay ka baxeen deegaanno ka tirsan gobolka Hiiraan,isagoo xusay in wararkaas uu yahay dacaayad ay faafinayaan dad kasoo horjeedo dowladnimada.

Ugu dambayntii Guddoomiye ku xigeenka dagmada Buulo Burde Cismaan Geedi Cilmi ayaa shacabka Soomaaliyeed ugu baaqay in ay la shaqeeyaan Ciidamada Qalabka sida, si looga hortago dhagarta ay maleegayaan maleeshiyaadka argagaxisada ah Al-shabaab.