Search
Subscribe
Home Blog Page 962

Wasaaradda Qorsheynta oo wadatashi ku aadan Qorashaha horuarminta Qaranka la yeelatay Gudiga Miisaaniyada Golaha Shacabka

SNTV
-
0
Wasaaradda Qorsheynta oo wadatashi ku aadan Qorashaha horuarminta Qaranka la yeelatay Gudiga Miisaaniyada Golaha Shacabka

Muqdisho (SNTV) Wasaaradda Qorsheynta,Maalgashiga iyo Horumarinta Dhaqaalaha Xukuumada Soomaaliya ayaa maanta wadatashi ku aadan geedi_socodka Qorashaha horuarminta Qaranka Sagaalaad la yeelatay Gudiga Miisaniyada,Maaliyadda iyo Qorsheynta ee Golaha Shacabka JfS.

Ujeedada Wadatashiga ayaa ahaa sidii loo xoojin lahaa diyaaringta geedi socodka Qorshaha Horumarinta Qaranka Sagaalaad ee uu  wadatashi lagala yeelanayo dhamaan umadda Soomaaliyeed iyadoo maanta gudiga  ay soo bandhigeen talooyin xoojinayo diyaarinta qorshahaha. Waxaana kulanka goobjoog ka  ahaa xubnaha gudiga, Wasiirka Qorsheynta Amp Gamaal Maxamed Xasan iyo Howladeenada Wasaaaaradda.

Agaasimaha Guud ee Wasaaradda Qorsheynta Asad Yusuf Qanyare ayaa sheegay in maalmahan uu socday Wadatashiga Qorsaha Harumarinta Qaranka Sagaalaad si uu noqday mid ay leeyahiin umadda soomaaliyeed talooyinkooda ka muuqdo.

Gudoomiyaha Gudiga Miisaaniyada,Maaliyadda iyo Qorsheynta Golaha Shacabka JFS  Mudane Maxamuud Cabdullaahi Siraaji ayaa bogaadiyay shaqada Wasaradda qorsheynta ee diyaarinta geedi socodka Qorshaha horumarinta Qaranka isla amrkaana tilmaamo ka baxiyay ahmiyada qorshaha sidoo kale sheegay in isku tahsi looga baahan yahay dadka Soomaliyeed.

Wasiir ku xigeenka Wasaaradda Qorsheynta ayaa tilmaantay in Qorshaha horumarinta Qaranka sagaalad uu ahmiyadd wayn siinayo yarenta Saboolnimada, kobcinta dhaqaalaha iyo geedi socodka deyn cafiska Soomaaliya.

Xildhibaanada Gudiga iyo Madaxa Wasaaradda Ayaa is dhaafsaday aragti iyo talooyin la xariira hanaanka diyaarinta Qorshaha HoruarintaQaranka  Sagaalaad,qorshaha dib u kabashada Abaaraha ee RRF iyo bogaadin guud oo gudiga u soo jeediyeen Wasaaradda Shaqada adag ee dalka u hayso.

Wasiir Beyle oo Dalalka Sacuudiga iyo Aljeeriya uga mahadceliyay deymihii ay ka cafiyeen Soomaaliya

SNTV
-
0
Wasiir Beyle oo Dalalka Sacuudiga iyo Aljeeriya uga mahadceliyay deymihii ay ka cafiyeen Soomaaliya

Muqdisho-(SNTV)-Wasiirka Maaliyadda Soomaaliya, Dr; C/raxmaan Ducaale Beyle, ayaa rajo wanaagsan ka muujiyay in Dalalka Carabta ka cafiyaan deymaha,si ay taasi Gogal-xaar ugu noqoto saamaxaadda deymaha ee Caalamka intiisa kale.

Mr; Beyle oo hadal ka jeediyay Shirka Wasiirrada Jaamacadda Carabta ee ka furmay Magalada Bayruut ee Dalka Lubnaan , ayaa uga mahad celiyay Dowladaha Carabta taageerada joogtada ah iyo meelmarinta qaraarrada la horkeeno Golaha, si loo taageero dedaallada socda ee fulinta qorshayaasha horumarinta Qaranka iyo cafinta Deymaha Soomaaliya.

“Taageerada Caalamiga ah iyo tan Jaamacadda Carabta ee Dalka waa lagama maarmaan waana xaq walaalnimo, si loo xaqiijiyo qorshayaasha leh mudnaanta islamarkaana loo daboolo caqabadaha caqabadaha dhinaca ammniga, dhaqaalaha iyo Bulshada.” Ayuu yiri Wasiirka Maaliyada.

Waxa uu mahad celin u jeediyay, Wasiirka Maaliyadda, C/raxmaan Ducaale Beyle, Dalalka Sacuudiga iyo Aljeeriya oo ka cafiyay deynta Soomaaliya, taasi oo ka dhigan deynta haatan lagu leeyahay Dalka in ay tahay 4.6 Bilyan oo Dollar oo ay ku jirto 1.1 Bilyan oo ay leeyihiin Dowladaha Carbeed.

Hay’adda lacagta Adduunka ee IMF ayaa dhowaan ku ammaantay Dowladda Soomaaliya sida ay uga gudubtay wajiga koowaad ee sharuudaha deyn cafinta.

Ra’iisul Wasaare Khayre oo Xafiiskiisa Ku Qaabilay Sheekh Maxamed Ibraahim Cali

SNTV
-
0
Ra’iisul Wasaare Khayre oo Xafiiskiisa Ku Qaabilay Sheekh Maxamed Ibraahim Cali

Muqdisho (SNTV):-Ra’iisul wasaaraha xukuumadda federaalka Soomaaliya, mudane Xasan Cali Khayre, ayaa maanta xafiiskiisa ku qaabilay Sheekh Maxamed Ibraahim Cali (Kenyaawi) oo kamid ah culimada Soomaaliyeed, maalahaanna Muqdisho ka weday wacyi-gelin uu bulshada Soomaaliyeed ugu dhiirri gelinayay in is cafiyaan.

Ra’iisul wasaarha ayaa Sheekh Maxamed Ibraahim Cali kala hadlay ololaha uu sheekhu ku doonayo in bulshada Soomaaliyeed isku cafiso, waxa uunna ku dhiirri geliyay in uu sii laba jibbaaro.

“Waxaan maanta xafiiskeyga igu soo booqday Sheekh Maxamed Ibraahim Cali Kenyaawi oo kamid ah culumada Soomaaliyeed. Waxa aan uga mahad celiyay ololaha Is-cafis ee uu ka billaabay dalka. Waa barnaamij ay bulshadeenu u baahnayd si aan dalkeena dib ugu dhisno”, ayuu yiri ra’iisul wasaare Xasan Cali Khayre

Ra’iisul wasaare Xasan Cali Khayre ayaa sheegay in culimadu ay yihiin laf-dhabarta bulshada, ayna aad muhiim ugu tahay dalka in ay qaataan dawr-kooda ku aadan dib-u-heshiisiinta iyo wacyigelinta.

Howlgal lagu dilay ku dhawaad 20 ka tirsanaa Alshabaab oo laga fuliyay G/Jubbada dhexe

SNTV
-
0
Howlgal lagu dilay ku dhawaad 20 ka tirsanaa Alshabaab oo laga fuliyay G/Jubbada dhexe

Bu’aale (SNTV):-Ciidamada kumaandooska Soomaaliya oo taageero ka helaya Ciidamo Mareykan ah ayaa Howlgal qorsheysan oo duqeyn ah ka fuliyay Magaalada Bu’aale ee Gobolka Jubbada Dhaxe.

Taliyaha qeybta 43Aad ee Ciidanka Xoogga Dalka General Cali Maxamed Maxamuud (Bogmadow) oo la hadlay Idaacada Ciidamada ayaa sheegay in habeenimadii 17-dii Bishan ay ciidamada Danab iyo kuwo Mareykan ah weerar duqeyn iyo mid dagaal ka fuliyeen gudaha Magaalada Bu’aale ee Jubbada dhaxe

General Bogmadow ayaa waxa uu sheegay in weerarka uu si gaar ah ugu dhacay xarunta Idaacada Andaluus oo ku hadasha Afka kooxda Al-shabaab,isagoo sheegay in halkaas lagu dilay 15 Xubnood oo ka tirsan Nabadiidka Al-shabaab iyo Afar wariyaasha Al-shabaab ah, islamarkaana Qalabkii Idaacadaas lagu bur buriyay weerarka duqeynta iyo dagaalka isugu jiray.

Ciidamada ammaanka ayaa howlgallo ka dhan ah argagixisada kawada Gobollada Dalka,iyagoo khaarajiyay horjoogayaal iyo maleeshiyaad ka tirsanaa Kooxda Alshabaab.

Maleeshiyaad badan oo Argagixisada looga dilay Dagaal ka dhacay Baar-sanguuni

SNTV
-
0
Maleeshiyaad badan oo Argagixisada looga dilay Dagaal ka dhacay Baar-sanguuni

Baar-Sanguuni (SNTV) Ciidanka xoogga Dalka iyo kuwa Jubbaland ayaa fashiliyay Weerar ay Malleeshiyaadka Al-Shabaab ku soo qaadeen fariisimaha hore ee ciidanka ay ku leeyihiin deegaanka Baar-Sanguuni ee gobolka Jubbada Hoose.

Inta la xaqiijiyay 73 ka mid ahaa Argagixisada duulaanka soo qaaday ayaa weerarka lagu dilay, waxaa jira duqeyn xaga cirka ah oo tiro gaadiid ah looga gubay argagixisada, sida ay xaqiijiyeen Ilo muhiim ah oo ku sugan deegaanka Baar-sanguuni.

Gaari Malleeshiyaadka Alshabaab ay u diyaariyeen qaab aan xabadaha yar yar karin ayaa waxey ugu tala galeen in ay la beegsadaan buundada Baarsanguuni ee Ku dhow Degmada Jamaame, gaarigaas oo ay waxyaabaha Qaraxa ka buuxaan, balse Ciidamada ayaa gacanta ku dhigay.

Sarkaal  Xaaskiisa  dilay oo la xukumay

SNTV
-
0
Sarkaal  Xaaskiisa  dilay oo la xukumay

Muqdisho (SNTV)- Xidigle NISA  Maxamed Cabdiraxmaan Cali ayaa loo heystaa dilka Marxuumad Sacdiyo Khaliif Faarax oo aheyd Xaaskiisii hore, dilkaas oo ka dhacay degmada Yaaqshiid taariikhdu markey aheyd 19-12 sanadkii tegay.

Xidigle NISA  Maxamed Cabdiraxmaan Cali iyo Marxuumad Sacdiyo Khaliif Faarax   ayaa  horey u ahaa qoys balse mar dambe ayay kala tageen, wixii xilligaas ka dambeeyay ayay u baxday dhankaas Doolow oo u deganaa eheladeeda.

Muddo kadib ayay soo noqotay waxa ayna guurstay nin kale, Xidigle NISA  Maxamed Cabdiraxmaan Cali ayaa isna dadaal ugu jiray sidii uu markale u heli lahaa xaaskiisii hore, waxa uu isticmaalay xeelado kala duwan oo ku heli karo markale, waxa uuna ogaaday in ay reer kale leedahay.

Halkii ay daganeyd ayuu ugu tegay isagoo isku dayay in uu xoog ku soo kaxeysto balse dadka deegaanka iyo ninkii qabay ayaa ku soo baxay, waxa uuna go’aansaday in uu dhaafiyo nolosha isagoo ku dilay Toorey (Mindi).

Ciidamada Amniga degmada Yaaqshiid  ayaa isla xilligaas oo aheyd habeen  soo qabtay eedeysanaha, waxa ayna ku wareejiyeen Hey’adda baarista  dambiyada ee CID.

Baaristooda kadib ayay ku soo wareejiyeen 23 bishaas Xafiiska Xeer-Ilaalinta, waxa ayna codsadeen Xeer-Ilaalinta  in loo gudbiyo xabsiga dhexe si loo soo dhameystiro cadeymaha dambi ee lagu soo eedeeyay Xidigle NISA  Maxamed Cabdiraxmaan Cali.

Muddo kadib ayay codsadeen xafiiska Xeer-ilaalinta  5- bishan aynu ku jirno, waxa ayna shan cisha kadib lagu ballamay fadhiga Maxkamadda.

Xafiiska Xeer-Ilaalinta ayaa hor keenay fadhiga Maxkamadda Qiraalka eedeysanah, markaatiyaal sedax shaqsi ah oo goob joog u ahaa dhacdada, Sawirka Marxuumka, Warqadda Dhakhtarka ee cadeyneysa dhimashada.

Laba xidigle  Ismaaciil Salaad Maxamed oo kamid ah xafiiska Xeer Ilaalinta ayaa ku dooday in eedeysanaha uu u bareeray dilka Marxuumad Sacdiyo Khaliif Faarax, waxa uu sidoo kale fadhiga Maxkamadda ka hor sheegay in eedeysanaha uu dadaal badan geliyay dilka Marxuumadda.

Qareenada u doodayay eedeysnayaha ayaa weydiistay Garsoor in loo naxariisto eedeysanaha maadaama uu jiray rabitaan uu u qabay xaaskiisii hore.

Ugu dambeyn Garsoorayaasha ayaa go’aan ku gaaray in lagu xukumo Xidigle NISA  Maxamed Cabdiraxmaan Cali  dil toogasha ah oo ah qisaasta Marxuumad Sacdiyo Khaliif Faarax, sida uu u sheegay dhammaan dhinacyada dacwadda Gaashaanle Sare Xasan Cali Nuur Shuute guddoomiyaha Maxkamadda Darajada Koowaad ee Ciidamada Qalabka Side.

Xukunsaha ayaa heysta fursad kale oo uu ku dalban karo Rafcaan hadii uusan ku qancin Xukunka Maxkamadda Darajada Koowaad ee Ciidamada Qalabka Side.

 

 

Ciidamada ammaanka oo soo qabtay xubin sare oo ka tirsanaa Al-Shabaab

SNTV
-
0
Ciidamada ammaanka oo soo qabtay xubin sare oo ka tirsanaa Al-Shabaab

Muqdisho-(SNTV)- Ciidanka amniga Soomaaliyeed, ayaa Gacanta ku soodhigay 18 ka bishaan dhagar-qabe sare oo ka tirsanaa amniyaadka kooxda Al-shabaab.

Warkan oo ay hay’adda Nabad sugidda Qaranka ee NISA ku shaacisay boggeeda Twitter-ka, ayaa lagu yiri” Howlgal qorshaysan oo si taxader leh loo fuliyay ayaa Ciidamada Amaanku 18-ka bishaan, kusoo qabteen xubin hogaamiye u ahaa koox amniyaad ah oo ka howlgala magaalada Muqdisho.”

Hay’adaha ammaanka Dalka oo uu hadafkoodu yahay ilaalinta Dhiigga Shacabkooda iyo ka hor tagga cadawga Ummadda Soomaaliyeed ,ayaa Bulshada ka codsaday in ay kala shaqeeyaan dedaallada lagu sugayo nabad gelyada Dalka iyo Dadka.

Gaana oo Ciidamo Boliis ah u soo direysa Soomaaliya

SNTV
-
0
Gaana oo Ciidamo Boliis ah u soo direysa Soomaaliya

Muqdisho-(SNTV)-Dowladda Ghana ayaa lagu wadaa in ay dhawaan Dalka Soomaaliya u soo dirto in ka badan 160 Askari oo Boliiska ah, si ay ugu qayb qaataan howlaha nabad ilaalinta Midowga Afrika ay ka wadaan Dalkeenna ee AMISOM.

Xukuumadda Akra, oo ka jawaabeysa dalab uga yimid Golaha ammaanka ee Qaramada Midoobay, kaas oo uu tirsigiisu yahay 2431 (2018), ayaa qorsheyneysa in ay Soomaaliya u soo dirto Ciidan Boliis ah, si kor loogu qaado tirada iyo tayada Ciidanka Boliiska ee howlgalka Midowga Afrika.

Qaraarkan uu tirsigiisu yahay 2431, ayaa oggolaanaya in waddamada xubnaha ka ah Midowga Afrika ay sii wataan hawlgalka nabad ilaalinta Soomaaliya ee AMISOM illaa 31-ka Maajo 2019, iyadoo ay ka qayb qaadanayaan 1,040 Askari oo Boliis ah, waloow ay haatanba jiraan Cutubyo Boliiska AMISOM ah oo ka shaqeeya Dalka.

Horraantii Todobaadkan ayaa waxaa Magaalada Baydhabo gaaray Saraakiil ka socota Boliiska Dalka Gaana, si ay usoo qiimeeyaan halka ku habboon fariisinkooda, iyagoo Indha-indhayn kusoo sameeyay xaaladda amniga iyo jewiga guud, maaddaama uu qorshahu yahay in ay halkaasi ka dhigtaan Saldhig.

Ku xigeenka Wakiilka Gaarka ah ee Midowga Afrika u qaabilsan Soomaaliya, Simon Mulongo, ayaa Saraakiisha gaadhay Baydhaba u sheegay Shalay oo Khamiis ahayd, in Gaana ay Gacan ka geysan doonto buuxinta baahida loo qabo howlaha Boliiska AMISOM.

Mr; Mulongo,  ayaa soo dhaweeyay tallaabada ay Ghana ugu soo direyso Unug ka mid ah Booliskeeda, isaga oo sheegay in ay kor u qaadi doonto tayada AMISOM, kuwaas oo xoojinaya sharciga iyo kala dambeynta meelaha laga xoreeya cadowga Al-Shabaab.

Ciidankan ayaa tababarka dhammaysanaya Bisha March ee Sanadkan, iyadoo qalabayn ka dibna loo soo duulin doono Muqdisho, waxaana loogu sii qaadi doonaa Baydhabo, sida ay sheegeen Saraakiisha hoggaamineysa Boliiska Gaana ee ka tirsan AMISOM.

Halgamaa Muuro; Halyey Qaran oo naga baxay

SNTV
-
0
Halgamaa Muuro; Halyey Qaran oo naga baxay

Muqdisho (SNTV)- Innaa Lillaahi Wa’inaa Ilaah Rajicuun Geeridu waa xaq. Waxaa Umadda Soomaaliyeed  ka baxay dhawaanna ku geeriyooday magaalada Nayroobi, Halgamaa ka mid ahaa horseedkii S.Y.l Maxamud Yusuf Aden “Muuro” wuxuuna ka mid ahaa hogaamiyayaashii Leegada ee kor u hayay Shucladdii Gobanimadoonka.

Taariikhda sida wayn loogu xasuusto waxaa ka mid ah, wuxuu ahaa halyay Naftiisa u hibeeyay sidii Soomaaliya ay  gobanimo ku gaari lahayd.

Sababta keentay in Maxamuud yuusuf Muuro in uu iska dhigo AUN C/llaahi Ciise, islamarkaana uu cirbada sunta ah u qaatay waxay ahayd, in lagahortago Gumaystaha oo doonay in uu qaab shirqool ah kaga hortago si qadiyadda aaya katalinta Soomaaliyeed u gaarin Fagaarayaasha Caalamka.

28-10-1948dii AUN C/llaahi Ciise ayaa u dhoofayay dalka dibadiisa si uu uga qaybgalo shir ka dhacayey Faransiiska gaar ahaan lexuss oo ay soo qaban qaabiyeen Wasiiradii Arrimaha Dibadda ee Talyaaniga iyo Ingiriiska oo 5tii ilaa lixdii may 1948 ku shiray London heshiiskaasi oo la magac baxay “Sforza-Bevin plan oo Four Power Commission uga hadlayeen arrimaha Soomaaliya.

Isticmaarkii Ingiriiska wuxuu ugu talagalay in uu ku mudo Talaal sun ah AUN C/llaahi Ciise Maxamuud oo ahaa hogaamiye soomaaliyeed oo xorinimo u dirir ahaay waxaa C/llaahi Ciise iska dhigay oo run ahaantiina ay isku suuro ekaayeen Marxuum: Maxamud Yuusuf Aadan Muuro oo cirbadii talaalka ee sunta aheeyd lagu duray wuxuuna ka dhaxlay cirbadaasi xanuun  uu sariir u saarnaa waqti badan Marxuum: Maxamud Yusuf Muuro wuxuu cirbadaasi sunta ah u qaatay in uu badbaadiyo qaranimada iyo madax-banaanida soomaaliya.

Dhawaan ayuu ku geeriyooday Guri uu ka deganaa magaalada Nairobi ee dalka Kenya. Maalinimada bari ah ayaa lagu Aasay Qubuuraha Laangaata ee isla Magaaladaasi,Allaha u naxariisto Marxuum Maxamuud Yusuf Aden Muuro  Ummada Soomaaliyeedna Samir iyo Imaan allaha ka siiyo.

Inaa Lilaahi Wa’inaa Ilaah Rajicoon Geeridu waa xaq. Waxaan ummada Soomaaliyeed oga tacsiyadeenayaa geerida ku timid halyeey soomaaliyeed oo magaalada Nairobi ku geeriyooday, Halgamaa Maxamud Yusuf Aden “Muuro” oo kamid ahaa halgama yaashii  Soomaaliyeed in badan u hurey.

Intuusan dhiman ayaan nasiib u yeeshay in aan magaalada Nairobi ee Dalka Kenya kula Kulmo halgamaaga Soomaaliyeed oo u qaatay cirbad sun ah  jiritaanka soomaaliya. Marxuum Maxamud Yusuf Aden “Muuro” ayaa  iiga sheekeeyey xornimo u dirirkii iyo sababta keentay in uu iska dhigo AUN C/llaahi Ciise uu islamarkaana cirbada sunta ah u qaatay.

Halgamaa muuro ayaa wuxuu ii sheegay 28-10-1948dii AUN C/llaahi Ciise wuxuu ka dhoofay dalk si uu uga qaybgalo shir ka dhacayey Paris gaar ahaan lexuss oo ay soo qaban qaabiyeen Wasiiradii Arrimaha Dibadda ee Talyaaniga iyo Ingiriiska oo 5tii ilaa lixdii may 1948 ku shiray London heshiiskaasi oo la magac baxay “Sforza-Bevin plan oo Four Power Commission uga hadlayeen arrimaha Soomaaliya.

Isticmaarkii Ingiriiska wuxuu ugu talagalay in uu ku mudo Talaal sun ah AUN C/llaahi Ciise Maxamuud oo ahaa hogaamiye soomaaliyeed oo xorinimo u dirir ahaay waxaa C/llaahi Ciise iska dhigay oo run ahaantiina ay isku suuro ekaayeen Marxuum: Maxamud Yuusuf Aadan Muuro oo cirbadii talaalka ee sunta aheeyd lagu duray wuxuuna ka dhaxlay cirbadaasi xanuun  uu sariir u saarnaa waqti badan Marxuum: Maxamud Yusuf Muuro wuxuu cirbadaasi sunta ah u qaatay in uu badbaadiyo qaranimada iyo madax-banaanida soomaaliya.

Maalinimadii shalay ayuu ku geeriyooday Guriga uu ka deganaa magaalada Nairobi ee dalka Kenya. Maalinimada bari ah ayaa lagu aasidoonaa qabuuraha laangaata illahayoow u naxariiso Marxuum Maxamuud Yusuf Aden illahoow Janatul Fardowsa Ka Waraabi dhamaan Ummada Soomaaliyeed Samir iyo Imaan allaha ka siiyo illaheey qabriga ha u waasiciyo Aamin.

Inaa Lilaahi Wa’inaa Ilaah Rajicoon Geeridu waa xaq. Waxaan ummada Soomaaliyeed oga tacsiyadeenayaa geerida ku timid halyeey soomaaliyeed oo magaalada Nairobi ku geeriyooday, Halgamaa Maxamud Yusuf Aden “Muuro” oo kamid ahaa halgama yaashii  Soomaaliyeed in badan u hurey.

Intuusan dhiman ayaan nasiib u yeeshay in aan magaalada Nairobi ee Dalka Kenya kula Kulmo halgamaaga Soomaaliyeed oo u qaatay cirbad sun ah  jiritaanka soomaaliya. Marxuum Maxamud Yusuf Aden “Muuro” ayaa  iiga sheekeeyey xornimo u dirirkii iyo sababta keentay in uu iska dhigo AUN C/llaahi Ciise uu islamarkaana cirbada sunta ah u qaatay.

Halgamaa muuro ayaa wuxuu ii sheegay 28-10-1948dii AUN C/llaahi Ciise wuxuu ka dhoofay dalk si uu uga qaybgalo shir ka dhacayey Paris gaar ahaan lexuss oo ay soo qaban qaabiyeen Wasiiradii Arrimaha Dibadda ee Talyaaniga iyo Ingiriiska oo 5tii ilaa lixdii may 1948 ku shiray London heshiiskaasi oo la magac baxay “Sforza-Bevin plan oo Four Power Commission uga hadlayeen arrimaha Soomaaliya.

Isticmaarkii Ingiriiska wuxuu ugu talagalay in uu ku mudo Talaal sun ah AUN C/llaahi Ciise Maxamuud oo ahaa hogaamiye soomaaliyeed oo xorinimo u dirir ahaay waxaa C/llaahi Ciise iska dhigay oo run ahaantiina ay isku suuro ekaayeen Marxuum: Maxamud Yuusuf Aadan Muuro oo cirbadii talaalka ee sunta aheeyd lagu duray wuxuuna ka dhaxlay cirbadaasi xanuun  uu sariir u saarnaa waqti badan Marxuum: Maxamud Yusuf Muuro wuxuu cirbadaasi sunta ah u qaatay in uu badbaadiyo qaranimada iyo madax-banaanida soomaaliya.

Maalinimadii shalay ayuu ku geeriyooday Guriga uu ka deganaa magaalada Nairobi ee dalka Kenya. Maalinimada bari ah ayaa lagu aasidoonaa qabuuraha laangaata illahayoow u naxariiso Marxuum Maxamuud Yusuf Aden illahoow Janatul Fardowsa Ka Waraabi dhamaan Ummada Soomaaliyeed Samir iyo Imaan allaha ka siiyo illaheey qabriga ha u waasiciyo Aamin.

W/D Abuukar Goobdoon

Al-Shabaab oo 100 Carruur ah ka Af-duubatay Gobolka Bakool

SNTV
-
0
Al-Shabaab oo 100 Carruur ah ka Af-duubatay Gobolka Bakool

Xuddur-(SNTV)-Guddoomiye ku xigeenka maamulka Degmada Tiyeglow ee Gobolka Bakool, Cali C/nuur Iiman ayaa sheegay in maleeshiyaadka Al-shabaab ay Carruur ka badan 100 ka Af-duubteen degaanno hoos yimaadda Degmadaasi.

Cali C/nuur Iiman, ayaa sheegay in Carruurta ay Al-shabaab qafaalanayso da’doodu u dhaxayso 14 ilaa 9 Sano jir, isagoo xusay in Waalidiinta loogu yeerey in ay Ilmahooda keenaan, ciddii amarkooda guracan ka dhaga adeegtana laysugu darayo Xabsi iyo Lacag $ 2,500.

Dadka degaanka ayaa sidoo kale sheegay in 60 ka mid ah Carruurta laga kaxaystay Dugsi ku yaalla Tuulada Ceel garas, waxanay intaa ku dareen in ay Gaari hor dhigteen Iskuulka degaanka, iyagoo kaxaystay dhammaan Wiilashii halkaa wax ka baranayay.

Shacabka ayaa cabsi iyo wel-wel aad u xooggan ka muujiyay markii ay argagixisada Al-shabaab billaabeen in ay Af-duubtaan Carruurta, waxayna taasi keentay in Waalidiinta qaarkood ay la soo baxsadaan Ubadkooda, si aan looga qafaalan.

Guddoomiye ku xigeenka Tiyeegloow, ayaa sheegay in u jeedka Al-shabaab ay tahay in ay Carruurta baraan afkaartooda gurracan, si ugu adeegsadaan qaraxyada iyo dagaallada ay kula jiraan Dowladda iyo Ummadda Soomaaliyeed.

Wararka deegaanka ka heleyno, ayaa sheegaya in Malleeshiyaadka Al-shabaab ay Carruurtaasi ku hayaan hayaan Xero ay ku leeyihiin gudaha Degmada Tiyeeglow, si ay ugu dhaadhiciyaan fikirka qaldan ee ay Bulshada ku dhibaateynayaan.

Madiino Maxamed Geeddi, oo kamid ah Waaliddiinta Carruurtooda la Af-duubtay ayaa sheegtay in  ujeedka Al-shabaab ay ka leeyihiin ay tahay in ay Askareeyaan kana dhaadhiciyaan in ay Waalidkood isku qarxiyaan, waxayna codsatay in argagaxisada looga soo badbaadiyo Ubadka.

Waxay sheegtay Madiino, in markii uu soo baxay warka dhiillada xambaarsan ee sheegaya in la qafaashay Carruur ay Ilmaheeda ku jiraan ay ka tagtay Hurdo iyo Hunguri wel-wel daraaddiis.

Xasan Aadan Cabdi, waxaa uu kamid yahay ehelada Dadka laga Af-duubay Carruurta, waxaa uu warbaahinta Qaranka u sheegay, in haddii aan laga soo badbaadin Ilmahooda Al-Shabaab, in ay u adeegsan doonaan dhibaateynta Ummadda Soomaaliyed , sida dilka iyo qaraxyada.

Maleeshiyaadka aragaxisada ah ee Al-Shabaab, ayaa sidoo kale qafaalashada Carruurta ka waday Maalmahan degaanno hoos taga Magaalada Xuddur ee isla Gobolka Bakool, waxanay waalidiinta ku amreen in ay keenaan Carruurtooda oo waxbarasho ugu maqan Baydhabo, Muqdisho iyo degaanno kale.

Maleeshiyaadka Al-Shabaab ayaa weli wada qafaalashada Carruurta degaannadaasi, sida ay noo sheegeen Dadka halkaasi ku dhaqan, waxanay Shacabka billaabeen in ay isaga guuraan goobaha ay ku suganyihiin argagixisada, iyagoo ka tagaya hantidii ay lahaayeen mood iyo noolba, si ay Naftooda ugu badbaadsadaan Kooxda nabad-diidka ah.

1...961962963...1,570Page 962 of 1,570

© 2023 Telefishinka Qaranka Soomaaliyeed