Diyaarad ay leedahay shirkadda diyaaradaha Jabuuti Airlines ayaa shil ku gashay garoonka diyaaradaha magaalada Garoowe ka dib Markii cillad matoorka ah ay soo wajahday.

Sarkaal ka tirsan maamulka garoonka ayaa TV-ga Qaranka u xaqiijiyey in shilka diyaaradaan oo rakaab ka soo qaaday Jabuuti aanay cidina wax ku noqon oo ay bad qabaan dadkii saarnaa dhammaantood.

Sarkaalka ayaa sheegay in gaadiidka dabdamiska ah ee garoonka Garoowe ay cilladi ku jirtay marki ay duuliyayaasha diyaaraddu maaamulka garoonka u soo direen fariin ah inay cillad gurmad dag dag ah u baahani ku timid Diyaaradda.

Guddoomiye ku xigeenka howlaha guud ee maamulka gobolka Banaadir mudane Faarax Cabdi Diini ayaa shir guddoomiyay kulan looga hadlayay qorshaha horumarinta caasimadda.

Kulanka oo ay kasoo qeyb galeen agaasimeyaasha ku shaqada leh horumarinta caasimadda ayaa lagu lafa guray sidii xal waaro looga gaari lahaa saameynta roobku uu ugeysto bilicda magaalada.

Kulanka ayaa lagu soo bandhigay waxyaabaha asaaska u ah ilaalinta bilicda caaismadda xilli roobaadka, si aysan u saameyn biyuhu isu socodka magaalada iyo dadka danyarta ah.

Guddoomiye ku-xigeenka howlaha guud ee gobolka Banaadir ayaa kula dardaarmay mas’uuliyiinta uu la kulmay in ay dardar galiyaan qorshaha horumarinta magaalada iyo in si hufan loogu qidmeeyo bulshada Caasimadda.

Mas’uuliyiinta ayaa isku raacay in horumarinta magaaladu ay tahay arrinka ugu horreeya ee hortebinta u leh maamulka gobolka iyagoo sheegay in dardar gelin doonaan xal u helida arrintaan.

Madaxweyne Ku xigeenka dowlad gobaleedka Hirshabeelle Yuusuf Axmed Hagar (Dabageed) ayaa kulan kula qaatay magaalada Beledweyne ee xarunta gobolka Hiiraan guddoomiyaha Baarlamaanka Hir-Shabeelle & ku xigeenkiisa koowaad.

Mas’uuliyiintaan ayaa ka wada hadlay dardargalinta Horumarinta dowlad Gobaleedka Hirshabeelle iyo in si hufan loogu Shaqeeyo Shacabka ku nool degaannada  Dowlad Goboleedka Hir-Shabeelle.

Guddoomiyaha Baarlamaanka Hir-Shabeelle Dr Cabdixakiim Luqmaan Xaaji oo shalay gaaray magaalada Beledweyne ayaa sheegay inay horudhac u yihiin wafdi uu hoggaaminayo Madaxweynaha HirShabeelle Cali Guudlaawe Xuseen oo halkaasi tegaya.

Kulankan Wadatashiga ah ee lagu xaqiijinayay istaraatiijiyada Qaran ee xalka waara ayaa maanta lagu soo gabogabeeyay Magaalada Muqdisho kaasoo socoday labadii maalmood ee ugu dambeysay waxaana ka qeyb galay xubno ka socday Dowlada Federalka Soomaaliya Maamul Goboleedyada iyo Gobolka Banaadir.

Istaraatiijiyadan ayaa waxaa ay qeexaysaa sidii looga gaari lahaa Dadka Barakacayaasha, Qaxootiga iyo Tahriibayaasha oo ay isku raaceen ka qeyb galayaasha Kulankan taasoo maanta la meel mariyay islamarkaana dhawaan la hor geeyn doono Golaha Wasiirada JFS.

Agaasinka Xalka Waare ee Wasaarada Qorsheynta, Maalgashiga iyo Hormarinta Dhaqaalaha Dawlada Federalka Soomaaliya Marwo Sahro Cabdi ayaa qeexday labada maalmood waxyaabihii looga wada hadlay Kulankan.

“Labada maalmood waxaa halkan lagu gorfeynaayay arrimo xalka waara qusedeya waxaana l xaqiijiyay Istaraatiijiyada Qaran taasoo loo gudbin doono Golaha Wasiirada markii laga ansixiya Golaha Wasiiradana waxaa ay noqon doontaa Qorsha qaran ee Dalka”

Agaasime Sahro ayaa intaasi ku dartay in istaraatiijiyadan ay noqon doonto mid wax badan ka tarta dalka taasoo looga sal gaari doono xal waara in loo helo arrimaha Barakaca.

Qaar ka mid ah Xubnihii ka socday Maamul goboleedyada oo warbaahinta Qaranka la hadlay ayaa sheegay in ay jiraan koror badan waxii ka dambeeyay sanadii 2016-ka kuwaasi oo badan kooda ka imaanayay gobolada Shabeelooyinka, Bay iyo Bakool balse hada Istaatiijiyadan ay ahmiyad weyn u leedahay in wax badan laga  badali karto.

Wasiirka Wasaarada Qorsheynta Maalgashiga iyo Hormarinta Dhaqaalaha JFS Mudane Jamaal Maxamed Xasan oo shirkan Soo gabo gabeeyay ayaa sheegay in istaraatiijiyadan ay wax weyn ka badali doonto geedi socodka Qorshada qaranka islamarkaana Hay’addaha ku shaqada leh arrintan ay ka saacididoonto Shaqooyinkooda.

Wasiira Jamaal ayaa dhamaan ka soo qeyb galayaasha iyo Shaqaalaha Wasaarada uga mahadceliyay isagoo tilmaamay sida wacan ay uga wada shaqeeyeen Qorista iyo ka doodista Boogan Istaraatiiyada Qorshaha Qaran ee Barakacayaasha.

“Wadankeena waxaa uu ka baxayaa waxyaalihii noloo qor qori jiray sida Istaraatiiyada iyo sharuucda sidan oo kale ayaa loo fadhiisan jiray waxbaa la qori jiray markii la qoro ka dib waa nalaga saxiixan jiray waana la qaadan jiray, Baahidaas ayaa keentay marka in 14 Hay’addood oo dowlada ka socday in ay isku yimaadaan oo mid kasta gaarkiisa fikir u keeno hadan ay ka soo baxdo buugan istaraatiiyada qaranka ayuu yiri Wasiirka.

Si kastaba Dadaaladan ay wado Wasaarada Qorsheyta  ee Dowlada Federalka soomaaliya ayaa looga gonleeyahay in xal waara gala gaaro Arrimaha Barakacayaasha oo ah Dadka ugu nugul ee dhibaatooyinka ugu badan haysto taasoo Dalka u horseedeeyso Hormar dhinac walba leh.

Xafiiska Warfaafinta & Xariirka Dadweynaha Wasaaradda Qorsheynta, Maal-gashiga iyo Horumarimta Dhaqaalaha XFS.

Dowladda Soomaaliya waxa ay ku bogaadineysaa Shacabka degaanka Bacaadweyne ee gobolka Mudug dagaalkii geesinimada lahaa ee ay kaga hortageen cadowga ummadda Soomaaliyeed ee Alshabaab iyo sidii ay isu barbar taageen Ciidanka Xoogga Dalka Soomaaliyeed intii lagu guda jiray howl-galkii ay uga hortageen weerar ay kooxda
argagixisada Al-Shabaab ku soo qaadday degaankaas shalay Isniintii 30-kii November, 2020.

Guuldarradii shalay lagu gaarsiiyay Al-Shabaab weerarkii ay ku soo qaadeen
Bacaadweyne waxa ay tusaale cad u tahay in haddii shacabku ciidanka garab istaagaan
si fudud lagu joojin karo weerarrada iyo dhagarta cadawgu usoo maleego Ummadda
Soomaaliyeed.

Wasiirka Warfaafinta Somaliya mudane Cismaan Dubbe ayaa yiri “Taliska
Ciidanka Xoogga Dalku waxa uu xaqiijiyay in laga dilay Al-Shabaab 51 qof oo ka
tirsan maleeshiyadooda, lagana qabtay lix (6) qof oo dhaawac ah oo uu ku jiro
horjoogihii weerarka hogaaminayay. Waxaa sidoo kale ku dhintay 15 qof oo isugu jira
Askar iyo Shacab”.

Sidoo kale Wasiirka oo ku hadlaya magaca Dowladda Soomaaliya waxa uu tacsi u diray
ehelada dadkii ku dhintay weerarkaasi ee isugu jira shacab iyo askar, isaga oo Alle
caafimaad deg-deg ah u weydiiyay muwaadiniinta dhaawacyadu ku soo gaareen dagaalkaas.

Dowladda Soomaaliya waxa ay caddaaladda horgeyneysaa horjoogayaasha iyo
maleeshiyaadkii lagu qabtay dagaalkaasi si waafaqsan shuruucda dalka, waxaana ka
go’an Xukuumadda Federaalka ah boqolka maalmood ee ugu horreysa in guulo la
taaban karo ay ka keento dagaalka ka dhanka ah argagixisada.

Halkan Hoose ka Akhriso.

Warsaxaafadeedka-Degaanka-Bacaadweyn

Wasiirka Haweenka iyo Horumarinta Xuquuqda Aadanaha, Soomaliya, Marwo Xaniifa Maxamed Ibraahim (Xaabsade) oo socdaal shaqo ku joogta magaalada Garoowe kana qeybgashay Madasha 16 aad PDRC Talk oo diiradda lagu saaray Gobaad falka ka dhanka ah dumar, sida dilka iyo Kufsiga, ayaa sheegtay in ay dhibaato aad u baaxad weyn la kulmaan haweenka isla markaana loo baahan yahay in loo wada istaago.

Xaniifa Maxamed Ibraahim, oo ah wasiirka Haweeenka Soomaaliya ayaa ka qayb galayaasha la wadaagtay falalkii u dambeeyay ee haweenku la kulmeen, iyadoo tilmaamtay inay soo bateen dhacdooyin kufsi oo la yaab iyo argagax leh ee dalka ka dhaca.

Dhanka kala, wasiir Xaniifa ayaa ugu baaqday Culimadda Soomaaliyeed inay Sameeyaan wacyi galino diini ah oo arintaasi lagaga hortagayo, si gaar ayayna Dhallinyarada Soomaaliyeed ugala hadashay arrimahan.

Wasaarada Haweenka Soomaaliya iyo ku maamulada dalka ayaa wada dadaalo iyo wacyi galino lagaga hortagayo tacadiyada ka dhanka Haweenka gaar ahaan kufsiga iyo dilka wadajira.

Kulankan waxaa ka qeybgalay, mas’uuliyiin kala duwan, khubaro iyo  qeybaha bulshada.