Wasaaraadda Beeraha iyo waraabka Dowlad Gobaleedka Hirshabeelle oo kaashaneysa Bulshada Jowhar ayaa dib u dayactir  ka billowday goobo looga cabsi qabo inuu fatahaad  ka sameeyo Wabiga Shabeelle, maaddaama xiligaan lagu guda jiro waqtiga roobka guga.

Wasiirka Beeraha ee Hirshabeelle, Cali Xaaji Is-goowe ayaa Shacabka  Hirshabeelle ee u badan Beeralayda ugu baaqay inay si iskood ah uga qeyb qaataan Carratuurka lagu sameynayo goobaha Webiga uu ka jilicsanyahay si looga hortago fatahaad waxyeello gaarsiisa dalagyadooda.

Beeraleyda deegaannada Hirshabeelle ayaa xilligan ku howlan waxsoosaarka dalagyada noocyadooda kala duwan, ka dib fatahaaddii Webiga Shabeelle oo dib u dhigtay beerahii ay tacban jireen.

Dr. Maxamed Cali Fuje oo ay Dowladda Soomaaliya u magacawday Tala-bixiyaha Caafimaad ee COVID 19, ayaa Shacabka Soomaaliyeed u soo jeediyay digniin la xiriirta  khatarta iyo saameynta adag  ee cudurka COVID-19 oo si dhaqsiyo badan ku faafaya.

Tala-bixiyaha Caafimaad ee COVID 19 Dr Maxmed Cali Fuje ayaa Bulshada Soomaaliyeed kula taliyey in ay qaataan Talooyinka Caafimaad ee muhiimka u ah xakameynta faafitaanka COVID19, si guul looga gaaro badbaadinta shacabka Soomaaliyeed.

Dr. Maxamed Cali Fuje ayaa shcabka Soomaaliyeed ka codsaday in la bedelo dhaqanka Soomaaliyeed ee ku saleysan is jaceylka iyo is -dhexgalka bulshada inta lagu guda jiro ka hortaga Faafitaanka Cudurka COVID19 si looga badbaado qatarta cudurka sida fudud ku faafa ee COVID19.

Dowlada Soomaaliya ayaa wado dadaalo xoogan oo ku aadan xakameynta faafitaanka Cudurka COVID19 ayadoo qaaday tallooyin adag oo ay uga hortageyso in uu cudurkaas ku dhex fido bulshada Soomaaliyeed.

Wasiirka Warfaafinta Dhaqanka iyo Dalxiiska XFS Mudane Maxamed Xayid Maareeye , Wasiirka ku xigeenka Wasaaradda Warfaafinta mudane Aadan Isaaq Cali ayaa ka tacsiyadeeyay geeridii ku timid Alle ha unaxariistee C/qaadir Cali Boolaay.

“Alle ha u naxariisto halgamaa Dr. C/qaadir Cali Boolaay oo saakay ku geeriyooday London, waxaan xanuunka iyo murugada la qeybsanayaa dhammaan bulshada Soomaaliyeed Gaar ahaan qoyska reer Cali Boolaay,waxaan ku booqday isbitaal ku yaala London isagoo xanuunsan, waxaa uu ila wadaagay talooyin dhaxal gal ah, talooyin u badnaa wadaniyadda,” ayuu yiri Wasiir ku-xigeenka Warfaafinta.

Dr C/qaadir Cali Boolaay waxa uu ahaa shaqsi kaalin muuqata ka galay warbaahinta Soomaaliya, waxaa uu ka mid ahaa howlwadeennadii lagu aas aasay Wasaaradda Warfaafinta Soomaaliya, wuxuuna wax kasoo saari jiray Madaxna ka soo noqday wargeysyadii Corriera Della Somalo, New Era, Uninone, Stella di October, Xidigta Oktoobar & “waarimaysid” oo ka soo kala bixi jiray Magaalooyinka Muqdisho iyo Rotterdam.

War-Saxaafadeed ka soo baxay xafiiska Madaxweynaha dowlad goballeed Puntland, Siciid Cabdullaahi Deni, ayaa la isugu beddelay taliyayaasha qeybaha booliska goballada Nugaal iyo Mudug.

Xeerka uu soo saaray madaxweyne Deni ayaa lagu sheegay in lagu dardargaliyo amniga deegannada Puntland.

Qoraalka madaxweynaha ayaa lagu sheegay in G/sare Muumin Cabdi Shire in loo beddelay Taliyaha Qaybta Booliska Gobolka Mudug, halka G/sare Cabdiqaadir Jamac Dirir loo beddelay Taliyaha Qaybta Booliska Gobolka Nugaal.

Madaxweynaha ayaa faray taliyayaasha la isku beddalay in ay ka soo dhalaallaan shaqada ay hayaan.

Dalalka Dunida ayaa qaaday tallaabo lagu xayirayo xuduudaha taasi oo qeyb ka ah tacaalka ka hortagga fidista cudurka Covid-19.

Sidoo kale waxaa xiran garoomada duulimaadyada gudaha iyo dibadaha dalalka iyo gobollada dunida, Wadamada caalamka ayaa sii kordhinaya tallaabooyinkooda ka hortagga oo ay sidoo kale kamid tahay in dadku joogaan guryahooda, iyadoo la joojiyay lana xayiray dhammaan socdaaladii iyo safarada ay dadku ay bixin jireen gudaha gobollada wadamadooda iyo kuwa caalamka ah intaba si looga hortago inuu cudurka fidin.

Hay’adda Caafimaadka Dunida ee Loo soo gaabiyo WHO ayaa cudurkani ku sifeysay inuu ku fido isu socodka dadka gebi ahaantiisa.

Warbaahinta Qaranka gaar ahaan Qeybta Qoraalka SNTV Kala soco wixii talo iyo tusaale ama akhbaar cusub oo ku saabsan khatarta dunida ee COVID-19, Caafimaadku Waa Muhiim Kahortagguna Waa Lama Huraan, Muwaadin ku dadaal Nabaafadda guud iyo tan gaarka ah.

Cudurkani waxa uu ku sii fidayaa dalalka dunida iyadoo ay kiisas horleh soo baxaan maalin kasta taasina waa sababta uu dalalka dunida dagaalka Ka hortagista u qaadaayaan, Dadka safraya waa in ay booqdaan website-ka Dowldda si ay uga socdaal macluumaadka iyo sheekooyinka cusub ee cudurka halista ah ee Coronavirus.

ANZA, Calif. (KLAS) — Dhul Gariir cabirkiisu yahay A 4.9 ayaa haleelay bariga magaalada San Diego oo ka tirsan Gobalka California dhul gariirka ayaa sababay keliya argagax saameeyay dhowr meelood ka dib markii uu ruuxay meelihii laga dareemay muddo 48-saac haatan laga joogo.

Madaxweynaha Dowladda Turkiga Recep Tayyip Erdogan ayaa ku dhawaaqay talaabooyin cusub oo uu sheegay in looga hor tagayo faafitaanka Viruska Corona, sida ay qortay Anadoul oo ah wakaaladda wararka u faafisa Turkiga.

Wuxuu sheegay in 31 ka mid ah magaalooyinka waa weyn ee dalkaasi Turkiga oo ay ku jirto magaalada Zonguldak laga joojiyay isu socodka gaadiidka rikaabka qaada iyadoo looga dan leeyahay in lagu xakameeyo faafitaanka Corona, arrintaas oo socon doonta muddo 15 maalmood ah, iyadoo ay suuragal tahay in la dheereeyo waqtiga xayiraadda haddii loo baahdo.

Tiradda dadka uu sameeyay xanuunkan Corona ee dalka Turkiga waxa lagu sheegay  20,921, tiradda dhimashada waa 425, halka tirada ka soo kabatay ay gaarayso 484.

Madaxweynaha Mareykanka Donald Trump ayaa sheegay inuusan xiran doonin walxaha afka lagu xirto iyo kuwa gacnaha la gashado si looga hortago cudurka Caronavirus.

Donald Trump ayaa sheegay in aysan ahaayn wax khasab tallaabooyinka ay soo saartay xarunta ka hortagga cudurada ee Mareykanka.

Tirada dadka Mareykanka ah cudurku ku dhacay ayaa lagu qiyaasay Laba boqol iyo toddobaantan kun iyo afar boqol, kiisaska ayaa lagu qiyaasay toddobaatan iyo saddex kiis oo fayraska corona ah halka dhimashadiisuna ay gaartay todobaatan kun.

Tirada dadka cudurka coronavirus ugu dhintay gudaha dalka Mareykanka ayaa maalintii keliya ka sareysa 1300, tiradaas oo ka dhigaysa tii ugu sareysay 24-saacadood marka loo eego dalalka kale adduunweynaha gaar ahaan meelaha laga diiwaan-geliyay fayruska Corona.