Search
Subscribe
Home Blog Page 735

Booliiska oo Cadaado ku qabtay nin qey ka ahaa kiiskii marxuumad Xamdi Maxamed Faarax.

SNTV
-
0
Booliiska oo Cadaado ku qabtay nin qey ka ahaa kiiskii marxuumad Xamdi Maxamed Faarax.

Taliye ku xigeenka ciidanka Boliiska Soomaaliyeed Janaraal Sakiya Xuseen ayaa sheegtay in ciidanka Boliiska Galmudug howlgal ay xalay xilli dambe ka sameeyeen magaalada Cadaado ay ku soo qabteen, eedeysane Maxamed Ibraahim Cismaan oo lagu tuhmayo inuu ku lug lahaa kiiskii marxuumad Xamdi Maxamed Faarax, isla markaana uu falka kaddib ka baxsaday magaalada Muqdisho.

“Ciidanka Boliiska Galmudug ayaa xalay xili dambe howlgal ay ka fuliyeen magaalada Cadaado ku  soo qabtay eedeeysane Maxamed Ibrahim Cismaan, 24 jir ah, ku dhashay Muqdisho laguna tuhmaayo inuu ku lug lahaa kiiska marxuumad Xamdi Maxamed Faarax kana baxsaday magaalada Xamar falka ka dib”

Janaraal Sakiya ayaa shacabka Galmudug uga mahadcelisay gacanta ay ka siiyeen ciidanka Boliiska sidii loo soo qaban lahaa eedeysane Maxamed Ibrahim Cismaan oo baxsad ahaa sida ay sheegtay.

Marxuumad Xamdi Maxamed Faarax ayaa dhawaan kooxo arxan daran waxey kufsi iyo dil ugu geysteen degmada Waaberi ee Gobolka Banaadir.

 

Akhriso: Isku-aadka tartanka degmooyinka 2020-ka.

SNTV
-
0
Akhriso: Isku-aadka tartanka degmooyinka 2020-ka.

Tartanka kubadda cagta ee degmooyinka gobolka Banaadir oo sannad kasta mar la qabto ayaa isku aad-kiisa la shaaciyay waxaana degmooyinka tartankaasi ciyaari doono lagu soo daray degmada Afgooye oo katirsan gobolka Shabeellaha Hoose iyo degmada Balcad ee gobolka Shabeellaha Dhaxe.

Waa markii ugu horreysay oo tartarka degmooyinka gobolka Banaadir lagu soo daro degmooyin ka baxsan Muqdisho, waxaana sababaha loogu soo daray degmooyinka Afgooye iyo Balcad warbaahinta qaranka ugu warbixiyay Guddoomiyaha Sportska gobolka Banaadir Xasan Aadan Yabarow (Wiish), isagoo tilmaamay in sababta ay tahay is-dhaxgalka bulsho ee ka dhaxeeya degmooyinka gobolka Banaadir iyo degmooyinka dariska la’ah.

HALKAAN HOOSE KA AKHRISO

Madaxweynaha Glamudug oo hortagay Guddiga joogtada ah ee Aqalka sare.

SNTV
-
0
Madaxweynaha Glamudug oo hortagay Guddiga joogtada ah ee Aqalka sare.

Madaxweynaha Galmudud mudane Axmed Cabdi Kaariye (Qoorqoor) ayaa maanta hortagay Guddiga joogtada ah ee Golaha Aqalka sare BFS, kadib kulan gaar ah oo lagu casuumay Madaxweyne Qoorqoor.

Guddoomiyaha Golaha Aqalka sare mudane Cabdi Xaashi Cabdullaahi oo xaruunta kusoo dhaweeyay isla markaana hadal kooban jeediyay ayaa ku dheeraaday muhiimadda ay leedahay wada shaqeyta Golaha Aqalka sare iyo dowlad Goboleedyada.

Guddoomiye Cabdi Xaashi ayaa Madaxweyne Qoorqoor uga warbixiyay qorsha howleedka golaha iyo sharciyada ay gudbiyeen iyo kuwa horyaalla, isagoo tilmaamay in ay sharciyada horyaalla ay gudbin doonaan.

Madaxweyne Qoorqoor ayaa isagua la hadlay Guddiga joogtada ah ayaa ka warbixiyay guud ahaan xaaladaha Galmudug iyo horumaradii ay sameeyeen tan iyo markii uu xafiiska tagay, wuxuu si gaar ah diradda u saaray shirirakii Dhuusamareb ay marti galisay iyo guulaha laga gaaray.

Ugu dambeyn Madaxweyne Qoorqoor ayaa rajo wanaagsan ka muujiyay shirka Muqdisho ka socda inuu kusoo dhammaan doono wanaag iyo isu tanaasul, laguna saxiixo hannaan doorasho oo la isku raacsan yahay, wuxuu sheegay in ay muhiimad gaar ah u leedahay Bulshada sooomaaliyeed qadiyadaha arrimaha doorashooyinka.

Germany oo qorsheynaya in uu magan galiyo qaxooti ku sugan Greece.

SNTV
-
0
Germany oo qorsheynaya in uu magan galiyo qaxooti ku sugan Greece.

Dalka jarmalka ayaa qorsheenaya in uu 1,500 oo qaxooti ah ka soo qaado dalka Greece islamarkaana uu siiyo daganaasho.

Hoggaamiyaha Germany Angela Merkel iyo wasiirka arrimaha gudaha Horst Seehofer ayaa isku raacay tallaabadan waxaana xoogga la saari doonaan dadka qaxootiga ah ee caruurta wata.

Jarmalka waxaa uu horay go’aamiyay in uu qaato 150 caruur aan cidna la socon kuwaas oo qeyb ka ahaa qorshaha midowga Yurub ee lagu taageerayo Caruurta aaney cidna wehelin ee qaxootiga ku ah Gariiga.

Cadaadiska Yurub lagu saarayo in ay aqbasho qaxootiga ayaa yimid kadib markii dab qabsaday xeryo qaxooti oo lagu magacaabo Moria waxaana ku guryo beelay oo iminka dibadda jiifa 12,000 oo qof .

Kumannaan qoys oo ku barakacay fatahaado cusub oo uu sameeyay wabiga Shabeelle.

SNTV
-
0
Kumannaan qoys oo ku barakacay fatahaado cusub oo uu sameeyay wabiga Shabeelle.

Waxaa kordhay qasaaraha hantiyeed iyo saamaynta nololeed ee ka dhalatay Webiga Shabeelle oo ku fatahay illaa 92-tuulo oo hoos yimaada degmooyinka Balcad iyo Jowhar ee gobolka Shabeelaha dhexe, sida uu sheegay maamulka gobolka.

Maxamed Cabdi Sheekh Xaandow Gudoomiye ku xigeenka dhinaca siyaasadda ahna ku simaha gudoomiyaha gobolka Shabeelaha dhexe ayaa SONNA u sheegay in ay fatahaadda Webiga ku barakaceen in ka badan 244-kun oo Qoys, kuwaas oo isugu jiray Beeraley, Xoolo dhaqato iyo dad tuulooyinka daganaa, kuwaas oo hadda u baahan kaalmo.

Dhul beereed badan oo ay ka baxayeen dalagyada Sisinta, Galleey, Bariis, Digir iyo khudaarta nuoocyadeeda kala duwan ayaa sidoo kale ku baaba’ay fatahaadda Webiga, waxaana beeraleyda oo faa’iido ka filayey tacabkooda ay hadda ku qasbanaadeen inay cid kale ku tiirsanaadaan.

Dadka ku barakacay fatahaadda ayaa qaarkood soo gaaray magaalada Muqdisho, si ay maareeyaan nolol maalmeedkooda, waxaana wali jira cabsi laga qabo inay fatahaaddu gaarto deegaano kale, xilli waddooyinka qaar ay biyo lixaad leh ay xireen, sida maamulka gobolku sheegay.

Fatahadda wabiga Shabeelle oo ku soo laalaabatay gobollada Hiiraan iyo Shabeelaha dhexe ayaa khasaaro maaliyadeed gaarsiisay bulshada gobolladaas oo markii horeba u nuglaa masiibooyinka dabiiciga ah, waxaana ay fatahaaddu caqabad ku noqotay wax soo saarkii beeraha iyo hankii ay dadku ka lahaayeen inay koboc dhaqaale sameeyaan.

Madaxweyne Qoor-qoor oo maanta hortegaya Golaha Aqalka Sare.

SNTV
-
0
Madaxweyne Qoor-qoor oo maanta hortegaya Golaha Aqalka Sare.

Madaxweynaha  Dowlad Gobaleedka Galmudug Mudane Axmed Cabdi Kaariye (Qoor Qoor) ayaa maanta lagu wadaa inuu ka qeyb-galo kulanka Aqalka Sare ee BFS.
Qoor Qoor ayaa la filayaa in khudbad uu ka jeediyo xarunta Aqalka Sare, taas oo uu uga hadlayo arrimaha Galmudug, xaaladda siyaasadeed ee dalka iyo shirka Muqdisho.

Guddoomiyaha Aqalka Sare Cabdi Xaashi Cabdullahi ayaa ku war-geliyay dhammaan Senatorada Aqalka Sare in kulanka maanta uu mihiim yahay, isla markaana uu ka soo qeyb-geli doono Madaxweynaha dowlad goboleedka Soomaaliyeed ee Galmudug   xildhibanadan  ay su’aallo weydiin doono Madaxweyne Qoor Qoor oo maalmahaan ku sugnaa magaalada caasimada ah ee Muqdisho.

Maamulka Gobolka Banaadir oo kulan sagootin ah u sameeyay Naadiga Dowladda Hoose+Sawirro.

SNTV
-
0
Maamulka Gobolka Banaadir oo kulan sagootin ah u sameeyay Naadiga Dowladda Hoose+Sawirro.

Maamulka gobolka banaadir ayaa kulan sagootin u sameeyay naadiga Dowladda hoose ee xamar oo safar Isboorti ugu amba-baxaya magaalada Garoowe ee xarunta maamul goboleedka Puntland.

Guddoomiye Ku xigeenka maamulka iyo maaliyadda gobolka Banaadir Mudane. Axmed Xasan Iimaan, Agaasimaha Guud ee Arrimaha Bulshada iyo Wacyigelinta Maxamed Axmed Cantoobo, Afhayeenka Gobolka,Saalax Cumar La-taliyeyaal ka tirsan maamulka gobolka banaadir iyo madaxtooyada qaranka ayaa ka qeyb-galay munaasabada sagootinta iyagoona u rajeeyay Cayaartoyda iyo madaxda naadiga MCC in ay guul kala soo laabtaan kulamada ciyaareed oo ay wajihi doonaan naadiyada ka dhisan deegaannada dowlad goboleedka Puntland.

Masuuliyiinta ayaa ayaa guud ahaan kooxda kula dar daarmay inay soo bandhigaan ciyaaro ku qotoma anshax iyo kala dambeyn waxaana ay urajeeyeen guul.

 

Madaxweyne Lafta Gareen oo la kulmay Taliyaha ciidanka Xoogga dalka.

SNTV
-
0
Madaxweyne Lafta Gareen oo la kulmay Taliyaha ciidanka Xoogga dalka.

Madaxweynaha Dowlad goboleedka Koonfur-Galbeed Mudane Cabdicasiis Xasan Maxamed Lafta-gareen ayaa hoyga uu ka deganyahay muqdisho kulan kula qaatay Taliyaha Ciidanka Xoogga Dalka Soomaliyeed Generaal Odowaa Yuusuf Raage.

Madaxweynaha ayaa Warbixin ku saabsan Amniga iyo guulaha laga gaaray Ciribtirka argigixisada ka dhagaystay Taliyaha waxaana uu tilmaamay Generaal Odowaa in cadowga A-lshabaab qasaaro iyo jab xooggan loogu geystay howlgaladii ka socday qeybo kamid ah Gobolada Koonfur Galbeed.

Taliye Odowaa ayaa sheegay Ciidanka Xoogga ay ku howlan yihiin sidii guud ahaan dalka looga sifeyn lahaa maleshiyada Al-shabaab iyagoo sidoo kale billaabi doonan howl-galo ku aadan furidda waddooyinka deegaannada iyo xureynta goobaha ay kaga harsanyihiin Argigixisada deegaannada Koonfur-Galbeed .

Madaxweynaha Dowlad goboleedka Koonfur Galbeed Mudane Cabdicasiis Xasan Maxamed Lafta-gareen ayaa Taliyaha uga mahadceliyey kuna bogaadiyey howlgalada ay wadaan ciidanka xoogga dalka ee lagu si feynayo Argigixisada ee ka socda guud ahaan dalka waxaana uu Xusay Madaxweynaha ay ka go’antahay sidii cadowga loogu si feyn lahaa goobaha ay kaga harsanyihiin deegaannada Koonfur Galbeed.

Madaxweyne Trump oo booqday goobaha uu dabka ka kacay ee Gobolka California.

SNTV
-
0
Madaxweyne Trump oo booqday goobaha uu dabka ka kacay ee Gobolka California.

Madaxweyne Trump oo meesha ka saaray walaaca laga muujiyay dhibaatada isbedelka cimilada xilli uu booqday goobaha dabka uu ka hurayo ee gobolka California, waxaa uu saraakiisha maxaliga ah u sheegay in dabka uu soo qaboobayo.

Dabka ka kacay gobolada California, Oregon iyo Washington ayaa baabi’iyay dhul badan kaas oo ay ku naf-waayeen ugu yeraan 36 ruux tan iyo horraanta bishii August ee sanadkan.

Dadka naqdiya siyaasadda Trump ayaa sheegay in sababta dabka soo cel celisay ay tahay maamul xumo dhanka keymaha ah.

Isniintii, musharaxa xisbiga demoqraadiga Joe Biden ayaa Madaxweyne Trump ku sifeeyay uga sii daraha isbedelka cimilada.

Gobolka California ayaa ah halka uu sida weyn u saameeyay dabka iyadoo 25 ruux ugu geeriyoodeen dabkaasi.

Waaxda qaran ee cimilada ayaa digniin adag ka soo saartay dabka in uu saameyn karo gobolo kale ee Mareykanka.

Afartii sano ee Madaxweyne Trump uu xafiiska jooga waxaa soo laa laabtay gubashada keymaha gobolo badan ee Mareykanka ah.

Dad shacab ah oo ku geeriyooday qarax Al-shabaab ay ku aaseen duleedka Xudur.

SNTV
-
0
Dad shacab ah oo ku geeriyooday qarax Al-shabaab ay ku aaseen duleedka Xudur.

Wararka ka imaanaya magaalada Xuddur ee xarunta gobolka Bakool ayaa sheegaya in qarax miino oo nooca dhulka lagu aaso ah ku qaraxday  dad shacab ah oo mooto saddex lugooley saarnaa, qaraxaasi  oo ay maleeshiyaadka Al-shabaab ay aaseen.

6 qof oo shacab culimada deegaanka ah ayaa ku geeriyootay 2 kalena waa ay  ku dhaawacmeen qarax miino dhulka lageliyey oo haleeshey mooto 3 lugooley ah,taasi oo ay saarnaayeen 8 ruux oo 2 ka mid ah walaalo yihiin.sida uu soo sheegay Maxamed Xasan Cabdiraxmaan Wakiilka Warbaahinta Qaranka ee Bokool.

Qaraxan wuxuu ka dhacay meel Xuddur u jirta 25-KM ugana beeggan dhanka waqooyi waana wadada xiriirisa magaalooyinka Ceelberde, Quracjoome iyo gobolka Hiiraan.

Culimadaan ayaa la sheegey in ay ku socdeen guri lagu casuumay oo qur’aan ku akhriyaan, waxana saaka lagu aasayaa tuulada Banjinaay oo 15-km u jirta magaalada Xuddur ,halkaas oo markii hore ay ka baxeen.

Aragagaxisada Al-Shabaab ayaa ka dambaysay falkaan lagu xasuuqay culimadaan aan waxba galabsan.

1...734735736...1,605Page 735 of 1,605

© 2023 Telefishinka Qaranka Soomaaliyeed