Safiirka Soomaaliya ee Dalka kenya Mudane Max’uud Axmed Nuur (Tarsan) iyo Mas’uuliyiin kale ayaa ka hadlay Munaasabada.
Halkan ka DAAWO.
Xaflad soo dhaweyn ah oo magaalada Istanbuul loogu sameeyay Madaxwaynaha Konfur galbeed Cabdicasiis Lafta-gareen+(SAWIRRO).
Xaflad si wayn loo soo qabanqaabiyay oo lagu dhawaynayay madaxwaynaha maamul goboleedka KGS Cabdicasiis Xasan Muxamed Laftagareen ayaa lagu qabtay magaaalada, Istanbul ee dalka Turkiga.
Munaasabaddassi waxaa soo agasimiyay jaaliyada Koonfur galbeed Somaliya ee magaalada Istanbuul, . Waxaana ka soo qayb galay ardayda Koonfur galbeed Somaliya ee wax ka barta dalkaasi ee ,haaweenka , dhalinyarada iyo odoyaasha dhaqanka.
Guddomiyaha jaaliyadda Jaaliyadda Koonfur galbeed Soomaaliya ka soo jeeda ee dalkaasi Turkiga mudane Mohamed Abdullahi ayaa sheegay in ay aad ugu faraxsanyihiin in ay dalka Turkiga ku soo dhaweeyaan Madaxwayne Cabdicasiis Lafta gareen oo uu sheegay in mudadii uu xilka hayay uu hayay uu tubta horumarka u jiheeyay Koonfur galbeed Soomaaliya, xafladdaasi soo dhawaynta ah waxaa ka soo qaybgalay wasiirro, xildhibaanno ka tirsan Barlamaanka Koonfur galbeed iyo saxafiyiin Soomaaliyeed.
Xog dheeraad ah ayaa ka soo baxayso Weerarkii Gantaalada ee lagu qaaday magaalada Asmara ee Caasimada Eritrea.
Gantaalladda ayaa laga soo tuuray Itoobiya waxayna ay ku dhaceen caasimadda dalka deriska la ah ee Eritrea, sida ay sheegeen diblomaasiyiin iyo goobjoogayaal.
Weerarkan ayaa imaanaya xilli wax yar ka dib ay Xoogagga TPLF ku hanjabeen in ay weerari doonaa Dalkaasi Eritrea.
Dagaalka lagu hoobtay ee u dhaxeeyay ciidamada dowladda Itoobiya iyo xoogagga kacdoonka ka wada waqooyiga gobolka Tigray ayaa hada u muuqda mid ku sii siqaya xuduudaha caalamiga.
Gantaaladan qaarkood ayaa ku dhacay xarunta Wasaarradda Warfaafinta iyo Garoonka diyaaradaha dalkaasi Eritrea lamana sheegin wax khasaaro ah oo ka dhashay.
Ugu yaraan saddex gantaal ayaa lagu dhuftay Asmara fiidnimadii Sabtida, sidaasi waxaa u sheegay wakaaladda wararka ee Reuters shan diblomaasi oo ku sugan Gudaha Dalkaasi Eritrea.
Waxaa Meel Fiican Maraayo Mashruuca Dhismaha Waddo Xariirisa Magaalooyinka Gaalkacyo Iyo Hobyo ee Gobolka Mudug+(SAWIRRO).
Mashruuca isku tashiga dhismaha wadada isku xirta magaalooyinka galkacyo iyo hobyo ayaa haatan maraya meel fiican taasna waa mid muujinya sida uu u mira dhali karo haddii la helo iska kaashi bulsho.
Dr Maxamed Cabdi Axmed oo ka mida howl wadeenada gudiga gob ayaa warbaahinta qaranka uga waramay halka uu marayo dhismaha wadadaasi iyo mar xaladihii kala duwaana isagoona xusay in haatan uu meel gabo gabo ah marayo loona baahan yahay in xoogga la saaro dhameystirkeeda.
Ugaas farxaan Maxamed dhoore oo ka mida qurba joogta soomaaliyeed ee ku nool dalka swedan isla markaana ka qeyb qaatay iskaashiga dhismaha wadadaasi ayaa wax lagu farxo ku tilmaamay halka maanta ay mareeyso kadib kormeer isaga iyo gamacsato soomaaliyeed oo uu ka mid ahaa Ganacsade Cumar Cali hilowle ay ku sameeyee. Ilaa 100 km oo ka mida 160 km oo lagu guuleeystay in lagu dhiso awooda shacab iyadoo aysan maalgalin wax dowlad ama hay’addo kale.
Mashruuca dhismaha wadada isku xirta magaalooyinka galkacyo iyo hobyo ayaa ah mashruuc isku tashi oo baaxad weyn isla markaana tusaale fiican u noqan kara in bulshada soomaaliyeed ay isku tashi wax ku qabsan karaan.
Mas’uuliyiinta Safaaradda Soomaaliya ee K/Afrika ayaa kulan u qabatay Xubno ka socday Jaamacadaha iyo Ardayda Soomaaliyeed ee dalkaasi+(SAWIRRO).
Kulankan ayaa waxaa kasoo qeybgalay Madax kasocotay Jaamacadaha UNISA,Vaal iyo Jaamacadda Johannesburg, Wasaaradaha Waxbarashada, Hay’adaha taageera Waxbasharada iyo Dhalinyarada ku dhalatay dalka kana qalanjibayay Dugsiyada Sare iyo kuwa laga keenay Soomaaliya oo ka helay Deeqaha Waxbarasho ee Wadanka Kanfur Afrika.
Madaxda kasocotay qaar ka mid ah Jaamacadaha K/Afrika oo ka jeediyay Hadalo kulankan lagu qabtay Xarunta Safaaradda ayaa xusay xiriirka labada dal ee dhanka Waxbarashada inuu yahay mid wanaagsan, waxaana sanadkii tagay Soomaaliya ku deeqday Jaamacada ku taalla Pretoria in kabadan sodon kun oo buugaag ah.
Sidoo kale Kulankan ayaa lagu dhiiragaliyay Ardada dhameysay Dusiga Sare inay ka miro dhaliyaan dadaalkooda Dhinaca Waxbarashada oo ay ku biiraan Jaamacadaha.
kulankan ayay Sanad walba Safaaradda u qabato Ardayda Soomaalida waxaana looha hadlaa hababka lagu dhiiri galin karo Ardada.
qaar ka mid ah a]Ardayda Soomaaliyeed ayaa uga mahadceliyay doorka ay Safaaraddu ka qaadato isku xirka Ardada iyo Jaamacadaha.
Danjire Maxamed Cali Mire oo isna ka hadlay Kulanka ayaa ugu mahadceliyay Dowladda K/Afrika garab istaagga iyo xiriirka wanaagsan ay la leeyahay Dowladda Soomaaliya.
Uqeybasanaha Safaaradda Waxbarashada Cabdi Xalane Xirsi oo Xafiiskiisu soo qaban qaabiyay kulankan ayaa sheegay in kulan uu yahay mid lagu dhiiragalinayo Ardada Soomaalida.
Safaaradda Soomaaliya ee K/Afrika ayaa waddo dadaalo ay dib ugu soo nooleynayso xiriirada Jaaliyadda iyo Dowladda k/Afrika kadib cudurka Covid19- oo hakad ku yimid shaqooyinka Safaaradda.
WD:C/qaadir Axad Dhaqane Pretoria.
Weerar Gantaalo oo lagu qaaday qeybo ka mid ah Dalka Erateria.
3 gantaal ayaa la sheegay in ay ku dhaceen magaalada Asmara ee xarunta Eritrea.
Dadka magaalada ayaa sheegay in ay maqleen qaraxyo ayna arkeen holac.
Wararka qaar ayaa sheegaya in bartilmaameedku ahaa garoonka diyaaradaha iyo wasaarada warfaafinta.
Ma jiro wax war ah oo dowlada Erateria ay arintan ka soo saartay, Sidoo kale lama oga qasaare.
Kooxda TPLF ee gobalka tigreega itoobiya oo xuduud la leh Erateria ayaa maanta ku hanjabtay in ay duqeynayaan Asmara.
Golaha wasiirada Puntland oo Caawa ansixiyay Miisaniyada 2021ka+(SAWIRRO).
Shirka Todobaadlaha ah ee Golaha wasiirada Puntland oo caawa qabsoomay uuna shir Guddoominayay Madaxwayne Ku xigeenka Puntland ahna Kusimaha Madaxwaynaha Axmed Cismaan Cilmi Karaash ayaa lagu a sixiyay miisaanidayada Puntland ee 2021ka taasi oo Cadad ahaan dhammayd 341,861,037.
Miisaaniyadan ay ansixiyeen Golaha wasiirada Puntland cawa waxaa ka muuqda korar dakhliga gudaha ah oo gaaraya 5% taasi oo ka dhigan in wax soosaarka guduhu uu kordhay xilli ay jirto xir xirnaan badan oo uu keenay Cudurka Corona Virus .
Kadib ansixinta golaha wasiirada waxaa la horgayn doona Golaha wakiilada si ay u ansixiyaan dhaqan galna u noqoto.
Itoobiya oo sheegtay inay gacanta ku dhigtay rag lala xiriirinayo argagaxisada Al-Shabaab iyo Daacish.
Itoobiya ayaa sheegtay in ay qabatay xubno ka tirsan kooxaha argagaxisada Al-Shabaab iyo Daacish, kuwaas oo ku sugnaa gudaha Itoobiya.
Laamaha amaanka iyo sirdoonka Itoobiya oo iskaashanaya ayaa sheegay in ay xireen 14 xubnood oo qorsheynayay weeraro ka dhaca Itoobiya gaar ahaan magaalada Addis Ababa ee caasimadda Itoobiya.
Kooxahan ayaa sidoo kale la sheegay in ay qoranayeen dad u shaqeeya oo weerarada u fuliya.
Dadka la qabtay waxaa ka mid ah Abdul Abdi Jemal oo la sheegay in uu ka tirsan yahay kooxda Al-Shabaab kaas oo dhawaanta soo galay magaalada Addis Ababa
Xubnaha kale ee la xiray waxaa ka mid ah Abdrohman Aden Abubeker, Muktar Gab Gosa, Gama Direye Abdi, Shiek Ahmed Nur Mohammed Ousman, Kusow Aden Hussien, Mohammed Hassen Aden Oumer iyo Redwan Muhad.
Dowladda Soomaaliya oo xarigga ka jartay dhismaha safaaradda Soomaliya ee dalka Kenya oo dib loo furay+(SAWIRRO).
Wasiirka Arrimaha Dibadda Soomaaliya mudane Axmed Ciise Cawad oo ay garab taagan yihiin Safiirka Soomaaliya u fadhiya dalka Kenya Danjire Maxamuud Axmed Nuur Tarsan iyo Wasiir ku-xigeenka arrimaha dibadda Kenya Ababu Namwamba ayaa xarigga ka jaray dhismaha ay safaaraddu ku shaqayn doonto oo horay u ahaan jiray gurigii safiirka, laakin aan lagu shaqayn muddo 30 sano ku dhow oo burbursanaa.
Munaasabadda oo ay ka soo qeyb galeen safiirrada in ka badan 10 safaraadood oo fadhigoodu Kenya iyo jaaliyadda Soomaaliyeed ee nool magaallada Nairobi waxaa ugu horayn ka hadlay safiirka Soomaaliya u fadhiya dalka Kenya Danjire Maxamed Axmed Nuur Tarsan oo sheegay in dadaal dheer loo galay soo celinta safaarada, waxuuna bogaadiyay dadkii lacagta ku deegay ee ka eyb qaatay dib u dhiska safaaradda.
Sidoo Kale Wasiirka Arimaha Dibada Soomaalia Danjire Axmed Ciise Cawad ayaa munaasabadda ka sheegay in safaaraddani ay u adeegi doonto bulshada Soomaaliyeed ee ku nool dalka Kenya.
Safaaraddan oo wajigii koowaad oo dayactir ah lagu sameeyay waxaa ku baxday 310 kun oo doollar, waxaa dhimman wajiga labaad oo lagu dhisi doono gurigii safiirka iyo qeybta martida oo lagu dari doono.
