Ra’isulwasaare ku xigeenka Itoobiya ahna wasiirka arimaha dibadda Demeke Mekonne ayaa saakay maagalada Kigali ee xarunta Rwanda kula kulmay madaxweynaha dalkaasi Paul Kagame.

Waxa ay ka wada hadleen xaalada gobalka tigreega ee waqooyiga itoobiya halkaas oo dagaal socda 15 cisho uu ku dhaxmarayo ciiidanka dowlada iyo kuwa ismaamulka tigreega.

Madaxweyne Kagame ayaa muujiyay sida loogu baahan yahay in nabada iyo xasiloonida la soo celiyo oo xiisada la qaboojiyo.

Demeke Mekonne ayaa sheegay in kooxda TPLF ay ku xadgudbeen dastuurka itoobiya iyaga oo doorasho aan sharci ahayn qabsaday.

Wuxuu tilmaamay in ay dalka ka abuureen colaad iyo rabashado islamarkaana ay shaki galiyeen sharciyada dowlada dhexe kadib markii ay warareen taliska waqooyi ee ciidanka itoobiya .

Ra’isulwasaare ku xigeenka itoobiya ayaa wada dadaal uu madaxda afrika ku qanciyo in waxa ka socda itoobiya ay yihiin howlgal sharciga lagu soo celinayo

Wuxuu horay u booqday wadamada Kenya iyo Uganda halkaas oo uu kula kulmay madaxda hogaamisa

Dowladda Suudaan ayaa qorsheeyneysa inay muwaadiniinteeda   kala soo baxdo dalka Itoobiya,gaar ahaan gobalka Tigreega oo ay ka socdaan dagaallada dhowaan ka bilowday dalkaasi.

Bayaan kasoo baxay wasaaradda arrimaha dibadda ee Suudaan ayaa lagu sheegay in dowladda Suudaan la socoto xaaladda muwaadiniinta ku sugan gobalka Tigreega, inkasta oo gobalka laga jaray isgaarsiinta.

Bayaanka ayaa muwaadiniinta ugu baaqay inay is dejiyaan inta safaarada Suudaan ee dalkaas dhamaystireyso qorshaha lagu soo qaadaayo.

4-tii November, waxaa gobalka Tigreega ee Itoobiya ka bilaawday dagaal u dhaxeeya Ciidmada Itoobiya iyo Jabhadda Xoreynta Dadka Tigreega kaas oo sababay in dad fara badan ka qaxaan gobalka.

Wasiirka Arimaha Dibada ee Iran Mohammad Javad Zarif ayaa sheegay in Iran ay si buuxda u fulin doonto heshiiskeeda Nukliyeerka ee 2015 hadii Madaxweynaha la doortay ee Mareykanka Joe Biden uu cunaqabateynta ka qaado Tehran, taasi oo uu Zarif ku sheegay in si deg deg ah loogu fulin karo “saddex amar fulineed”.

Biden wuxuu ballanqaaday inuu dib ula midoobi doono heshiiskii taariikhiga ahaa ee 2015 – oo ay ku heshiiyeen lixda quwadood ee adduunka ee loo yaqaan P5 + 1 – haddii Iiraan ay sidoo kale ku soo noqoto fulinta.

Laakiin diblomaasiyiinta iyo falanqeeyayaasha Siyaasada ayaa sheegay in aysan u badneyn in ay dhacaan habeen kaliya Arrintan maadaama labada dhinac uu midba midka kale ku eedeynayo Qalalaadka iyo ka bixida balanqaadyadii lagu hashiiyay inkastoo wali Iiran ay ku adkeysanayso dalab ah in “waxyeelada” Tehran ay la kulantay cunaqabateynta Mareykanka, ay Washington ka bixiso mag’dhaw si ay dib uga soo kabato lacagaha saliida ee ka lumay.

Warbaahinta dowladda Suuriya ayaa sheegtay in seddex askari la dilay xilli militariga Israa’iil ay sheegeen in ay duqeeyeen bartilmaameedyo ay lahaayeen ciidamada Iiraan iyo Suuriya.

Israa’iil ayaa duqeymo cirka ah ku qaadday Suuriya, halkaas oo ay ku dishay saddex askari, mid kalena ay ku dhaawacday, iyadoona weerarkaasi ay dowlada Israa’iil ku tilmaameen mid aargudasho ah ka dib markii ay ka heleen qalab qarxa xadka ay la wadaagaan waqooyiga Suuriya.

Bayaan ay soo saareen maanta oo Arbaco ah, militariga Israa’iil ayaa lagu sheegay in diyaaradahooda dagaalka ay duqeeyeen “bartilmaameedyo militari oo ay leeyihiin xoogaga Qudus ee Iran iyo ciidamada qalabka sida ee Siiriya” weeraradii xalay dhacay.