Search
Subscribe
Home Blog Page 573

Wasiir Dubbe oo beeniyay wararka sheegaya in Madaxweynayaasha Soomaaliya iyo Kenya ay ku kulmayaan Doxa

Liibaan Lugcad
-
0
Wasiir Dubbe oo beeniyay wararka sheegaya in Madaxweynayaasha Soomaaliya iyo Kenya ay ku kulmayaan Doxa

Wasiirka Warfaafinta, Dhaqanka iyo Dalxiiska ee Xukuumadda Federaalka Soomaaliya Mudane Cismaan Abuukar Dubbe ayaa beeniyay wararka sheegaya in Madaxweynayaasha Soomaaliya iyo Kenya ay ku kulmayaan magaalada Doxa ee xarunta Dalka Qatar.

Wasiir Dubbe ayaa yiri “Cilaaqaadka labada waddan ee Soomaaliya iyo Kenya oo hore u xumaaday waxa hadda laga shaqaynayaa sidii loo wanaajin lahaa, laakiin xilligan waxba kama jiraan wararka la faafinayo ee sheegaya in labada Madaxweyne ee Soomaaliya iyo Kenya ay hadda kulmayaan, kuna kulmayaan Doha/Qatar”.

Wasiirka Warfaafinta oo ka hadlayay arrinta baddeenna ayaa xusay in kiiska la xiriira badda ay ku jirto gacanta Maxkamadda Caddaalada Adduunka ee ICJ, isla markaana la wada sugayo go’anka maxkamadda

Xafiiska Warfaafinta Madaxtooyda Soomaaliya oo sanadkii Afaraad ciidsiiyay Agoonta Wariyeyaashii Muqdisho ku geeriyooday “SAWIRRO”

Liibaan Lugcad
-
0
Xafiiska Warfaafinta Madaxtooyda Soomaaliya oo sanadkii Afaraad ciidsiiyay Agoonta Wariyeyaashii Muqdisho ku geeriyooday “SAWIRRO”

Xafiiska Warfaafinta iyo xiriirka warbaahinta madaxtooyada Soomaaliya ayaa maanta u qeybiyay lacago ay uga qeyb galaan farxadda maalmaha Ciidul fidriga caruurta Agoonta ah ee ay ka tageen Suxufiyiintii Soomaaliyeed ee Muqdisho ku geeriyooday laga soo billaabo sanadkii 2007-dii, taasi oo noqoneysa sanadkii Afaraad oo si xiriir ah xafiisku u ciidsiinayo caruurta Agoonta ah.

Agaasimaha xiriirka Warbaahinta madaxtooyada Qaranka mudane Cabdirisaaq Jaamac Cilmi Black, oo guddi matalayay Warbaahinta gaar loo leeyahay ku wareejiyay lacagaha sanadkan loogu talo galay in Agoonta lagu coodeysiiyo ayaa tilmaamay in ka xafiiska ahaan ay diyaar u yihiin in ay kaalin muuqata ka qaataan daryeelka iyo ka warqabka agoonta Wariyeyaasha soomaaliyeed ee geeriyooday iyaga oo gudanaya waajibkooda shaqo.

Dhinaca kale guddi ka kooban Agaasimayaal iyo Wariyeyaal ka howlgala warbaahinta gaarka loo leeyahay ee Muqdisho ayaa soo dhaweeyay taakulada xafiiska Warfaafinta madaxtooyada JFS la garab taaganyahay caruurta agoonta Wariyeyaashii soomaaliyeed.

Qorshahan Xafiiska Warfaafinta iyo xiriirka Warbaahinta madaxtooyada Qaranka oo sanadkii Afaraad ciidsiinaya Agoonta Wariyeyaashii ee Muqdisho ku geeriyooday ayaa ujeedkiisu yahay in garab istaag loogu muujiyo Agoonta ay ka geeriyoodeen Wariyeyaasha soomaaliyeed oo iyagu u adeega bulshadooda naftooda ku wayay, islamarkaan ay isku xir u noqoto guud ahaan bahda Warbaahinta dalka.

Tartamayaasha Degmada Kismaayo oo caawa u gudbay wareegga kama dambeysta ah (final) ee tartanka

Liibaan Lugcad
-
0
Tartamayaasha Degmada Kismaayo oo caawa u gudbay wareegga kama dambeysta ah (final) ee tartanka

Tartan cilmiyeedka bisha Ramadaan oo galay sanadkii 11-aad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho ayaa waxaa caawa kulankiisa 27aad ee wareegga Afar dhamaadka ku tartamay Degmooyinka Kismaayo Vs Jilib oo ka kala tirsan Gobollada Jubbada Hoose iyo Jubbada Dhexe, waxaana barnaamijka sanadkan taabagelinaya Bangiga IBS.

Tartameyaasha labada degmo ee Kismaayo Vs Jilib ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon iyo asluub wanaag labada dhinac inta uu tartanku socday.

Kismaayo

Tartameyaasha Degmada Kismaayo Gobolka Jubbada Hoose waxaa la weydiiyey todobo Su’aal, todobadii su’aal ee la weydiiyay waxa ay ka jawaabeen Afar su’aal, halka ay iska qaldeen Saddex su’aal, Ma jirin wax ka faa’iideysi ah oo ay heleen Kismaayo, sidaa darteed wadarta guud ee dhibcaha tartameyaasha Degmada Kismaayo ay heleen waxay noqotay Sideed (8) dhibcood.

Jilib

Tartamayaasha Degmada Jilib ee Gobolka Jubbada Dhexe waxaa dhankooda la weydiiyay todobo su’aal, waxa ay ka jawaabeen Saddex su’aal, waxa ay iska qaldeen Afar su’aal, Ma jirin wax ka faa’iideysi ah oo ay heleen Jilib, sidaasi darteed wadarta guud ee dhibcaha ay heleen tartameyaasha Degmada Jilib waxay noqotay Lix (6) dhibcood.

Hadaba kulankii 27aad ee tartan Cilmiyeedka bisha Ramadaan ee Warbaahinta Qaranka caawa waxaa wareegga kama dambeysta ah ee tartanka u soo gudbay tartamayaasha Degmada Kismaayo ee gobolka Jubbada Hoose, ayadoo gebagebadii ay labada tartame isugu hambalyeeyeen guushaasi.

Habeen dambe oo ah habeenka 28aad ee tartan Cilmiyeedka bisha Ramadaan ee Warbaahinta Qaranka, waxaa ku tartami doona degmooyinka Beladweyne Vs Warta Nabadda oo ka kala tirsan Gobollada Hiiraan iyo Banaadir, kadib markii Guddiga tartanka uu sheegay in gebi ahaanba la baabi’iyay natiijada tartakii dhex maray labada dambe, waxaana labada degmo tii soo baxda ay isla habeen dambe la tartami doonaan Yaaqshiid oo wareegga afar dhamaadka ku sugan.

Howlwadeennada Waaxda Howlaha Guud oo ku howlan biyo dhuris ay ka sameynayaan waddooyinka caasimadda “SAWIRRO”

Liibaan Lugcad
-
0
Howlwadeennada Waaxda Howlaha Guud oo ku howlan biyo dhuris ay ka sameynayaan waddooyinka caasimadda “SAWIRRO”

Waaxda Howlaha Guud ee Dowladda Hoose ee Xamar ayaa kawado biya dhuris Wadooyinka Magaalada oo ay biya dhigeen Robablii ka da’ay Muqdisho.

Howlwadeennada ayaa ku howlan sidii ay u soo celin lahaayeen bilicda caasimadda, isla markana ay biyaha uga dhaamin lahaayeen goobaha biyaha fadhiyaan ee magaalada Muqdisho

Madaxweyne Farmaajo oo kulan afur ah la qaatay Ganacsatada Soomaaliyeed “SAWIRRO”

Liibaan Lugcad
-
0
Madaxweyne Farmaajo oo kulan afur ah la qaatay Ganacsatada Soomaaliyeed “SAWIRRO”

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo kulan afur ah kula qaatay Madaxtooyada Qaranka qaar ka mid ah ganacsatada Soomaaliyeed ayaa ku bogaadiyay doorka ay ka qaateen horumarinta dhaqaalaha dalka, xoojinta fursadaha shaqo ee dhallinyarada iyo dib u dhiska kaabeyaasha dhaqaalaha.

Madaxweynaha ayaa tilmaamay in Dowladdu ay ka miro-dhalisay qorshaha lagu yareynayey musuqmaasuqa hantida dadweynaha iyo eexda dhanka shaqada, taas oo xoojisay kalsoonida ganacsatada Soomaaliyeed ay ku qabaan hannaanka Maaliyadeed ee dalka, horseedna u noqotay in la joogteeyo mushaharaadka shaqaalaha iyo ciidammada.

“Ganacsatada Soomaaliyeed waxa ay garab xooggan ugu yihiin Dowladda fidinta adeegyada aas-aasiga ah, joogteynta xuquuqda shaqaalaha iyo ciidamada, Barnaamijkii Is-xilqaan ee dib loogu dhisayo xarumihii danta guud iyo kaabeyaasha dhaqaalaha, iyaga oo wakhtiyada adagna safka hore kaga jira gurmadka iyo samatabixinta dalkeenna. Dareenkiinna waddaniyadeed iyo doorkiina samafal waa mid ay idiin ogyihiiin shacabka iyo dowladda Soomaaliyeed.”

Dhankooda, Ganacsatada ayaa u faahfaahiyey Madaxweynaha saamaynta xanuunka Safmarka ah ee COVID-19 uu ku yeeshay dhaqdhaqaaqa ganacsiga iyo dhaqaalaha dalka, mudnaanta ay siinayaan nabadda oo aas-aas u ah kobaca ganacsiga iyo sida ay uga go’an tahay in la sii amba-qaado qorsheyaasha miro-dhalka ah ee dib u dhiska dalka, loona xaqiijiyo dal iyo dowlad ay ku soo hirtaan maalgashadeyaashu.

Kulankan waxaa goobjoog ku ahaa Wasiirka Maaliyadda Xukuumadda Federaalka Soomaaliya Mudane Cabdiraxmaan Ducaale Beyle, Wasiiru-dowlaha Ganacsiga iyo Warshadaha Mudane Cabdulqaadir Shariif Sheekhuna Maye, Madaxda Rugta Ganacsatada Soomaaliyeed iyo Agaasime ku Xigeenka Guud ee Madaxtooyada Mudane Cabdinuur Maxamed Axmed.

 

Wasaaradda Caafimaadka oo xaqiijisay in 39 qof oo cusub ay ka bogsoodeen Feyruska Karoona

Liibaan Lugcad
-
0
Wasaaradda Caafimaadka oo xaqiijisay in 39 qof oo cusub ay ka bogsoodeen Feyruska Karoona

Wasiirka Caafimaadka iyo Daryeelka Bulshada Xukuumadda Federaalka Soomaaliya, Marwo Fowziya Abiikar Nuur ayaa warbixinta maalinlaha ah ee COVID19 ku sheegtay inay Feyruska Karoona ay ka bogsoodeen 39 qof oo cusub 48-dii saac ee la soo dhaafay, taasi oo tirada guud ee dadka bogsooday ka dhigeysa 6,191.

Marwo Fowziya Abiikar Nuur ayaa sidoo kale caddeysay in la diiwaan geliyay 47 xaalado cusub oo COVID-19 ah, oo kala jooga Somaliland (23) Puntland (18) gobalka Banaadir (4) Hirshabeelle (1) iyo Jubbaland (3), taas oo tirada guud ee xaaladaha dalka laga diiwaan geliyay ka dhigeysa 14,415.

Bukaannada cusub 30 ka mid ah waa rag 17-na waa dumar, 48-kii saac ee ugu dambeeyay 2 bukaan ayaa u geeriyootay COVID19, waxaana tirada guud dadka u dhintay cudurka ay gaareysaa 747 qof.

Marwo Fowziya Abiikar Nuur ayaa bulshada ka codsatay inay qaataan talooyinka caafimaad ee laga helayo khuburada caafimaadka ku takhasusay iyo wacyi gelinta kale ee bulshada lagu ogeysiinayo khatarta cudurkaan uu dadka ku keeni karo.

Madaxweynaha Hirshabeelle oo kormeer ku tegay goobaha uu fatahaadda ka sameeyay webige Shabeelle ee Jowhar “SAWIRRO”

Liibaan Lugcad
-
0
Madaxweynaha Hirshabeelle oo kormeer ku tegay goobaha uu fatahaadda ka sameeyay webige Shabeelle ee Jowhar “SAWIRRO”

Madaxweynaha Dowlad Goboleedka Hirshabeelle Mudane Cali Guudlaawe Xuseen ayaa maanta gaaray magaalada Jowhar ee Caasimadda Dowlad Goboleedka Hirshabeelle.

Madaxweynaha oo socdaalkiisa ay ku wehliyeen Qaar ka mid ah Wasiiradiisa ayaa ugu  horeyn kormeer u kuur gelid ah ku tegay qeybo ka mid ah goobaha uu ku fatahay Wabiga, isagoo ku baaqay inay soo dhoweynayaan cid walba oo gacan ka geysan karta xeritaanka goobaha uu ka fatahay wabiga Shabeelle.

Madaxweynaha Dowlad Goboleedka Hirshabeelle Cali Guudlaawe ayaa dhanka kale baaq nabadeed u diray beelaha walaalaha ah ee ku dagaalamaya duleedka magaalada Beledweyne isagoo ku baaqay inay nabadda qaataan oo ay wax waliba ku dhameeyaan miiska wada hadalka.

Madaxweynaha ayaa ka warbixiyay howlihii shaqo ee uu u joogay magaalada Muqdisho iyo dadaaladii nabadeed ee la gaaray.

 

 

Guddoomiyaha Gobolka Banaadir oo kulan la qaatay Madaxda Waaxyaha Dakhliyada Dowladda Hoose ee Xamar “SAWIRRO”

Liibaan Lugcad
-
0
Guddoomiyaha Gobolka Banaadir oo kulan la qaatay Madaxda Waaxyaha Dakhliyada Dowladda Hoose ee Xamar “SAWIRRO”

Guddoomiyaha Gobolka Banaadir ahna Duqa magaalada Muqdisho Mudane Cumar Maxamuud Maxamed (Cumar Filish) ayaa kulan la qaatay Madaxda Waaxyaha Dakhliyada Dowladda Hoose ee Xamar.

Kulankaan ayaa diiradda lagu saaray dardar-gelinta dakhliyada, si kor loogu qaado adeegyada loo hayo shacabka ku dhaqan magaalada Muqdisho.

Duqa Muqdisho ayaa kula dar daarmay Madaxda iyo Howlwadeenada Waaxyaha Dakhliyada inay labo jibaaraan howsha loo igmaday.

Shaaqalaha Wasaaradda Waxbarashada oo tababar loo soo xiray “SAWIRRO”

Liibaan Lugcad
-
0
Shaaqalaha Wasaaradda Waxbarashada oo tababar loo soo xiray “SAWIRRO”

Agaasimaha Shaqada, Shaqaalaha Wasaaradda Waxbarshadda, Hiidaha iyo Tacliinta Sare Xukuumadda Federaalka Soomaaliya mudane Axmed Muuse Xoosh ayaa tababar u soo xiray shaqaale ka tirsan Wasaaradda Waxbarshada

Xafladda soo xiritaanka tababarka ayaa waxaa ka qeyb galay Agaasimyasha qorsheynta, Waxbarshadda dadban iyo Manhajka.

Tababarkaan oo socday muddo 4 maalin ah ayaa waxaa lagu baranayay xoojinta xirfadda shaqaalaha, taasi oo gacan ka geysaneysa kor u qaadista tayada shaqaalaha Wasaaradda Waxbarshada.

Qaar ka mid ah shaqaalihi tababarka loo soo xiray kana tirsinaa waaxyaha kale duwan ee Wasaaradda ayaa sheegay in ay wax badan ku barteen muddadii uu tababrka u socday, sidoo kale ay jeclaan lahaayeen in la badiyo tababarada noocaan oo kale ah.

Taliyaha booliska oo la kulmay Madaxweynihii hore ee Soomaaliya Xasan Sheekh “SAWIRRO”

Liibaan Lugcad
-
0
Taliyaha booliska oo la kulmay Madaxweynihii hore ee Soomaaliya Xasan Sheekh “SAWIRRO”

Taliyaha Ciidanka Booliska Soomaaliyeed  Jeneraal Cabdi Xasan Xijaar oo ay weheliyaan Taliye ku-xigeenka iyo Afhayeenka Ciidanka Booliska Soomaaliyeed ayaa hoygiisa ku booqday Madaxweynihii Hore Soomaaliya Mudane Xassan Sheekh Maxamuud.

Kulanka ayaa waxaa lagaga wada hadlay qorshaha sugidda amniga Musharaxiinta ee xilliga doorashooyinka.

1...572573574...1,568Page 573 of 1,568

© 2023 Telefishinka Qaranka Soomaaliyeed