Xiddigaha Xulka Qaranka Soomaaliya ee kubadda cagta, ayaa galabta ciyaaray kulan muhiim ah oo qeyb ka ah isreeb-reebka hordhaca ah ee tartanka Qaramada Afrika 2027, iyaga oo la ciyaaray dhigooda Mauritius.

Kulan ciyaareedkaan oo ka dhacay magaalada Maputo ee caasimadda dalka Mozambique, halkaas oo Soomaaliya ay “home” ahaan ugu ciyaareysay, ayay xiddigaha xulka Ocean Stars soo bandhigeen ciyaar heer sare ah oo ay ka muuqatay xirfad, isku xirnaan, kalsooni iyo dadaal dheeri ah. Waxay abuureen fursado badan oo ay goolal ku dhalin kareen, hase yeeshee taasi uma suurogelin, waxaana ciyaarta ay kusoo idlaatay 0-0.

Natiijadan ayaa ah mid muhiim u ah rajada xulkeenna ee u soo bixitaanka wareegyada xiga ee tartanka.

Si kastaba, Xulka Soomaaliya ayaa hadda u diyaar garoobaya kulanka lugta labaad ee isreeb-reebka AFCON 2027, oo ay 31-ka bishan magaalada Port Louis kula ciyaari doonaan dhigooda Mauritius.

Taliyaha Ciidanka Dhulka Xoogga Dalka Soomaaliyeed, Sareeye Guuto Sahal Cabdullaahi Cumar, ayaa magaalada Rome ee dalka Talyaaniga kaga qayb galay shirka Taliyeyaasha Ciidamada Dhulka ee Afrika, African Land Forces Summit 2026.

Shirkan oo ay soo qabanqaabiso Maraykanka, islamarkaana sanad walba la isugu keeno taliyeyaasha ciidamada dhulka ee qaaradda Afrika iyo bahwadaagtooda caalamiga ah, ayaa diiradda lagu saaray xoojinta iskaashiga amniga, horumarinta awoodaha ciidamada, iyo la tacaalidda caqabadaha amni ee wadajirka ah.

Sanadkan, doodda shirka ayaa si gaar ah u dul istaagtay doorka sii kordhaya ee tiknoolajiyadda casriga ah, gaar ahaan diyaaradaha aan duuliyaha lahayn (drones), iyo sida ay u beddelayaan qaabka hawlgallada militari iyo qorsheynta istaraatiijiga ah.

Sareeye Guuto Sahal Cabdullaahi Cumar ayaa intii uu shirka socday si guud uga hadlay muhiimadda ay leedahay xoojinta isku-dubaridka hawlgallada iyo horumarinta nidaamyada wadaagga macluumaadka, si loo xaqiijiyo waxtarka iyo isku xirnaanta hay’adaha amniga.

Sidoo kale, taliyaha ayaa khudbadiisa ku muujiyay doorka sii kordhaya ee tiknoolajiyadda casriga ah, gaar ahaan drones-ka, iyo saamaynta ay ku leeyihiin qaab-dhismeedka hawlgallada militari ee maanta, gaar ahaan hawlgallada CXDS ee ku aaddan la dagaallanka argagaxisada.

Gen. Sahal ayaa sidoo kale carrabka ku adkeeyay baahida joogtada ah ee loo qabo horumarinta awoodaha ciidanka, tababar xirfadeed oo joogto ah, iyo xoojinta iskaashiga heer qaran iyo heer caalami.

Ugu dambeyn, taliyaha ayaa muujiyay muhiimadda ay leedahay ilaalinta shacabka iyo in howlgalada lagu fuliyo si waafaqsan sharciyada iyo anshaxa dalka iyo kuwa caalamiga ah.

Xiddigaha Xulka Qaranka Soomaaliya ee Kubadda Cagta ayaa ku jira diyaar garowgii ugu dambeeyay ,iyagoo galabta kulan muhiim ah 4:00 PM xilliga Geeska Afrika la ciyaari doonaan dhiggooda Mauritius,

Tababare Yuusuf Cali Nuur oo ah macalinta kooxda ayaa xulka qaranka u rajeeyay guul maadaama ay ku jiraan diyaargarowgii ugu dambeeyay,wuxuuna ku booriyay in ay muujiyaan feejignaan, kalsooni iyo dadaal dheeri ah si ay u gaaraan natiijo wanaagsan oo ay ku farxaan dadka Soomaaliyeed.

Wasiirka Wasaaradda Dhallinyarada iyo Ciyaaraha XFS, Mudane Maxamed Cabdulqaadir Cali, Guddoomiyaha Xiriirka Kubadda Cagta Soomaaliya ahna Ku-xigeenka CECAFA, Mudane Cali Cabdi Maxamed iyo dhammaan bulshada ku xiran kubadda cagta ayaa guul u rajeeyay xulka qaranka oo laga soo kala xulay gudaha Dalka iyo Dibadda.

Kulanka galabta ayaa ah lugta koowaad ee ciyaaraha hordhaca ah ee isreeb-reebka tartanka Qaramada Afrika ee 2027.

1- President Hassan Sheikh Mohamud has granted a 90-day amnesty to youths manipulated by the Kharijites, promising that the government will create for them a future in which they can participate in the country’s development.

2- President Hassan Sheikh Mohamud offered condolences on the death of the late Mohammed Farah Siyaad, one of Somalia’s business elites.

3- Prime Minister Hamza Abdi Barre has removed from cabinet State Minister for Petroleum and Minerals Ismail Shire Jama and State Minister for Agriculture and Irrigation Asad Abdirisaq Mohamed.

4- The Cabinet held its weekly meeting, discussing the country’s overall situation, especially security and the fight against terrorist groups, while praising the latest operations carried out by Somalia’s Security Forces.

5- The Cabinet has approved the appointment of the new Commander of the Somali Prison Service, Major General Mohamed Sheekh Hassan Hamud.

6- The Speaker of the Lower House of the Federal Parliament, Sheikh Aadan Mohamed Nur, met elders and dignitaries from the regions of the South Western State of Somalia.

7- The Speaker of the Senate, Abdi Hashi Abdullahi, along with MPs and other officials, attended the condolence visit for the late businessman Mohammed Farah Siyaad who recently passed away in Cairo, Egypt.

8- Somali National Army, in collaboration with Ugandan forces of AUSSOM, killed more than 40 members of Kharijites after militants attempted to attack Mubarak area in the Lower Shabelle region.

9- The Ministry of Interior, Federal and Reconciliation has officially informed the Somali people that the country is entering a fair, transparent election phase, whose foundation is the country’s laws.

10- The Ministry of Interior has appointed a new administration for the districts of Huddur and Wajid in Bakol Region.

11- Somalia and Spain signed a memorandum of understanding (MoU) laying the groundwork for a continuous political dialogue mechanism.

12- State Minister of Justice and Constitutional Affairs, Ilyas Sheikh Omar, accompanied by the new Commander of the Somaliland Prison Service, Major General Mohamed Sheikh Hassan Hamud, visited the Somali Prison Service headquarters in Mogadishu.

13- Commander of the Somali National Army, Brigadier General Ibrahim Mohamed Mohamud, visited the hospitals to see soldiers wounded in the fight against Kharijites who are receiving treatment in Mogadishu.

14- The Auditor General of Somalia, Ahmed Isse Gutale, held a meeting in Mogadishu with officials from the East African Community (EAC).

15- MPs and other officials from the Federal Government of Somalia visited the Army training camp of the Somali National Army in Bakool region.

16- The first Somali ambassador to Finland presented his credentials to the President of Finland.

17- The Commander of the Somali National Army, Brigadier General Ibrahim Mohamed Mohamud, met with the U.S. Africa Command Operations Headquarters (Joint Special Operations) Commander Major General Claude K. Tudor.

18- The Somali National Army opened a road linking Mubarak and Aw Dheegle in the Lower Shabelle region.

19- The Somali National Army, specifically the Gorgor Special Unit, conducted a operation in areas under War Ciise in the Middle Shabelle region, targeting Kharijites militants.

20- The Somali National Army is conducting cleansing operations in areas along the coast of the Lower Shabelle region.

21- The Drought Emergency Committee of Hiiraan region urged immediate relief for the drought-affected people.

22- The Somalia National Football Team will play in Maputo, Mozambique against Mauritius in the AFCON 2027 qualifiers.

23- A meeting on preventing renewed conflicts in the Mudug region was held in Gaalkacyo town.

24- The Ministry of Health and Social Welfare marked World Oral Health Day in Mogadishu.

25- The Somali National Army conducted a security operation along the road connecting Mubaarak and Awdheegle.

1- Madaxweyne Xasan Sheekh Maxamuud ayaa cafis muddo 90 maalmood gudahood ah u fidiyey dhallinyarada ay qaldeen kooxaha Khawaarijta, isagoo balan qaaday in Dowladdu ay dhallinyaradaas u abuureyso mustaqbal ay uga qeyb qaataan horumarka dalkooda.

2- Madaxweyne Xasan Sheekh Maxamuud ayaa ka tacsiyeeyay geeridii ku timid Alle ha u naxariistee Marxuum Maxamed Faarax Siyaad oo ka mid ahaa haldoorka ganacsatada Soomaaliyeed.

3- Ra’iisul Wasaare Xamsa Cabdi Barre, ayaa xilalkii ka qaaday Wasiiru Dowlaha Wasaaradda Batroolka iyo Macdanta Ismaaciil Shire Jaamac iyo Wasiiru Dowlaha Wasaaradda Beeraha iyo Waraabka Asad Cabdirisaaq Maxamed.

4- Golaha Wasiirrada Soomaaliya ayaa kulankoodii toddobaadlaha ahaa, uga hadlay xaaladda guud ee dalka, gaar ahaan arrimaha amniga iyo la-dagaallanka kooxaha argagaxisada, iyada oo la bogaadiyey howlgalladii ugu dambeeyay ee ay sameeyeen Ciidamada Qalabka Sida ee Soomaaliya.

5- Golaha Wasiirrada oo ansixiyey magaacaabista Taliyaha cusub ee Ciidanka Asluubta Soomaaliya Sarreeeye Gaas Maxamed Sheekh Xasan Xaamud.

6- Guddoomiyaha Golaha Shacabka ee Baarlamanka Federaalka Soomaaliya Sheikh Aadan Maxamed Nuur ayaa kulan la qaatay odayaasha dhaqanka iyo waxgaradka ee deegaanada Dowlad Goboleedka Koonfur Galbeed Soomaaliya.

7- Guddoomiyaha Golaha Aqalka Sare Mudane Cabdi Xaashi Cabdullaahi, xildhibaanno iyo masuuliyiin kale, ayaa ka qeyb galay tacsida marxuum ganacsade Maxamed Faarax Siyaad oo dhowaan ku geeriyooday magaalada Qaahira ee dalka Masar.

8- Ciidamada Xoogga Dalka Soomaaliya oo kaashanaya Ciidamada Uganda ee AUSSOM, ayaa dilay in ka badan 40 xubnood oo ka tirsan Khawaarijta, markii argagixisadu ay isku dayeen inay weerar ku soo qaadaan deegaanka Mubaarak ee Gobolka Shabeellaha Hoose.

9- Wasaaaradda Arrimaha Gudaha, Federaalka iyo Dib-u-Heshiistinta ayaa si rasmi ah ugu wargelisay shacabka Soomaaliyeed in dalku uu galayo marxalad doorasho loo dhan yahay, daahfuran, saldhigeeduna yahay shuruucda dalka.

10- Wasaaradda Arrimaha Gudaha ayaa maamul cusub u magacawday degmooyinka Xuddur iyo Waajid ee Gobolka Bakool.

11- Dowladaha Soomaaliya iyo Spain ayaa kala saxiixday heshiis is-afgarad (MoU) oo dhidibada u aasaya hannaan wadatashi siyaasadeed oo joogto ah.

12- Wasiiru Dowlaha Cadaaladda iyo Arrimaha Dastuurka Mudane Ilyaas Sheekh Cumar oo uu wehliyo Taliyaha cusub ee Ciidanka Asluubta S/Gaas Maxamed Sheekh Xasan ayaa booqday xarunta Taliska Ciidanka Asluubta Soomaaliya ee magaalada Muqdisho.

13- Taliyaha Ciidanka Xoogga Dalka Soomaaliya S/Guuto Ibraahim Maxamed Maxamuud ayaa isbitaalka ku booqdaya askartii kusoo dhaawacmay dagaalka ka dhanka ah Khawaarijta, kuwaas oo lagu dabiibayo magaalada Muqdisho.

14- Hantidhowraha Guud ee Soomaaliya, Mudane Axmed Ciise Guutaale, ayaa magaalada Muqdisho kulan kula yeeshay mas’uuliyiin ka socday Urur Goboleedka Iskaashiga Dhaqaalaha Bariga Afrika (EAC).

15- Xildhibaanno iyo mas’uuliyiin kale oo ka tirsan Dowladda Federaalka Soomaaliya ayaa kormeeray Xerada Tababarka Ciidamada Xoogga Dalka ee Gobolka Bakool.

16- Safiirkii ugu horreeyay ee Soomaaliya u magacowday dalka Finland ayaa waraaqaha aqoonsiga danjirenimo u gudbiyay Madaxweynaha Finland.

17- Taliyaha Ciidanka Xoogga Dalka Soomaaliya, S/Guuto Ibraahim Maxamed Maxamuud, oo kulan la qaatay Taliyaha Taliska Hawlgallada Gaarka ah ee Mareykanka ee Afrika, Major General Claude K. Tudor.

18- Ciidanka Xoogga Dalka oo isku furey waddada xiriirisa deegaanka Mubaarak iyo degmada Awdheegle ee gobolka Shabeellaha Hoose.

19- Ciidanka Xoogga Dalka Soomaaliya, gaar ahaan Kumaandooska Gorgor ayaa hawlgal ka fuliyay deegaanno hoos yimaada War Ciise oo ka tirsan gobolka Shabeellaha Dhexe, kaas oo lagu beegsaday maleeshiyaadka Khawaarijta.

20- Ciidanka Xoogga Dalka Soomaaliya ayaa hawlgallo sifeyn ah ka wada deegaannada ku teedsan xeebaha Gobolka Shabeellaha Hoose.

21- Guddiga Gurmadka Abaaraha ee gobolka Hiiraan ayaa ku baaqay in gurmad degdeg ah la la soo gaaro dadka ay abaaruhu saameeyeen.

22- Xulka Qaranka ee Kubadda Cagta Soomaaliya ayaa magaalada Maputo ee dalka Mozambique kula cayaari doono dhiggooda dalka Mauritius isreeb-reebka tartanka AFCON 2027.

23- Kulan looga hadlayay ka hortagga colaadaha kusoo noqnoqday Gobolka Mudug ayaa lagu qabtay magaalada Gaalkacyo.

24- Wasaaradda Caafimaadka iyo Daryeelka Bulshada ayaa Muqdisho ku qabatay Xuska Maalinta Caalamiga ah ee Caafimaadka Afka.

Safiirka Soomaaliya ee dalka Kenya Danjire Jabriil Ibraahim Cabdulle iyo Maareeyaha Hay’adda Aqoonsiga iyo Diiwaangelinta Qaranka ee NIRA Cabdiweli Cali Cabdulle ayaa xarunta Safaaradda ka daahfuray Xafiiska Hay’adda NIRA, Munaasabad kooban oo lagu qabtay xarunta Safaaradda Soomaaliya magaaalada Nairobi ayaa waxaa ka qeybgalay, Diblomaasiyiinta Safaaradda iyo masuuliyiin kale.

Maareeyaha Hay’adda aqoonsiga iyo diiwaangelinta Qaranka mudane Cabdiweli Cali Cabdulle ayaa tilmaamay in shaqada Hay’adda la balaariyay, isla markaana Safaaradda ay noqoneyso tii 30-aad ee ay ka hirgelinayaan Xafiiska Hay’adda NIRA.

Danjire Jabriil Ibraahim Cabdulle Danjiraha Dowladda Soomaaliya ee dalka Kenya ayaa xusay in wixii hadda ka dambeeya ay bulshada Soomaaliyeed fursad u heli doonaan in xarunta Safaaradda ay ka qaataan kaarka aqoonsiga.

Dowladaha Soomaaliya iyo Spain ayaa kala saxiixday heshiis is-afgarad (MoU) oo dhidibada u aasaya hannaan wadatashi siyaasadeed oo joogto ah. Heshiiskan ayaa ah tallaabo istiraatiiji ah oo lagu xoojinayo xiriirka labada dal, isla markaana ka tarjumaya kororka doorka diblomaasiyadeed ee Soomaaliya iyo kaalinteeda firfircoon ee Qaramada Midoobay.

Munaasabadda saxiixa heshiiskan oo ka dhacday magaalada Madrid, waxaa kala saxiixay Wasiiru-dawlaha Arrimaha Dibadda iyo Iskaashiga Caalamiga ah ee Soomaaliya, Mudane Cali Maxamed Cumar, iyo Xoghayaha Arrimaha Dibadda ee dalka Spain, Diego Martínez Belío.

Labada mas’uul ayaa hoosta ka xariiqay muhiimadda xoojinta iskaashiga laba-geesoodka ah, gaar ahaan dhinacyada amniga, arrimaha badda, horumarinta dhaqaalaha, maalgashiga, fursadaha dhalinyarada, iyo wada-shaqeynta heerarka caalamiga ah.

Dowladda Spain ayaa bogaadisay horumarka la taaban karo ee ay Soomaaliya ka gaartay dhinacyada xasilloonida iyo dib-u-dhiska qaranka. Dhankiisa, Wasiir Cali Maxamed Cumar ayaa dib u xaqiijiyay sida ay Soomaaliya uga go’an tahay xoojinta iskaashiga caalamiga ah ee la jaanqaadaya mudnaanta iyo danaha qaranka Soomaaliyeed.

Muqdisho, Khamiis, 26 Maarso 2026: — Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, ayaa xilalkii ka qaaday Wasiiru-dowlaha Wasaaradda Batroolka iyo Macdanta XFS Ismaaciil Shire Jaamac. Iyo Wasiiru-dowlaha Wasaaradda Beeraha iyo Waraabka XFS Asad Cabdirisaaq Maxamed.

Go’aankan ayaa yimid kadib markii uu Ra’iisul Wasaaruhu cuskaday qodobada 120-aad iyo kan 117-aad, ee dastuurka JFS iyo xeer-hoosaadka Golaha Wasiirrada, isla markaana la tixgaliyay baahida loo qabo in la sii xoojiyo hawlaha wasaaradaha.

Ra’iisul Wasaare Xamsa Cabdi Barre, ayaa uga mahadceliyey masuuliyiintan muddadii ay u soo shaqeeyeen Qaranka, isaga oo u rajeeyey mustaqbal wanaagsan.

Taliyaha Ciidanka Xoogga Dalka Soomaaliyeed, S/Guuto Ibraahim Maxamed Maxamuud, ayaa booqasho ugu tegay askartii ku soo dhaawacantay dagaallada ka dhanka ah Khawaarijta, kuwaas oo lagu dabiibayo qaar ka mid ah isbitaallada ku yaalla Muqdisho.

Booqashada Taliyaha ayaa ku saabsaneyd xoojinta niyadda iyo dhiirrigelinta ciidamada geesiyaasha ah ee dhiiggooda u huray difaaca dalka iyo sidii looga xoreyn lahaa Khawaarijta caadeysata daadinta dhiigga shacabka.

Sidoo kale, Taliyaha ayaa u duceeyay askarta dhaawaca ah, isagoo Alle uga baryay inuu siiyo caafimaad degdeg ah, isla markaana ku ammaanay geesinimada iyo naf-hurnimada ay muujiyeen.

Kusimaha Wasiirka ahna Wasiiru Dowlaha Wasaaradda Cadaaladda iyo Arrimaha Dastuurka ee Xukuumadda Federaalka Soomaaliya, Danjire Ilyaas Sheekh Cumar, oo uu wehliyo Taliyaha cusub ee Ciidanka Asluubta Soomaaliyeed, ayaa booqasho kormeer ah ku tagay xarunta Taliska Ciidanka Asluubta Soomaaliyeed.

Booqashadan ayaa ujeedkeedu ahaa kormeeridda habsami u socodka shaqooyinka taliska, iyadoo sidoo kale diiradda lagu saaray xoojinta wada shaqeynta iyo kor u qaadista waxtarka ciidanka. Wasiirka iyo Taliyaha ayaa warbixin ka dhageystay saraakiisha taliska, kuwaas oo faahfaahin ka bixiyay howlaha maalinlaha ah, caqabadaha jira iyo qorshayaasha horumarineed ee ciidanka.

Sidoo kale, booqashada ayaa qeyb ka ahayd isbarasho rasmi ah oo dhexmartay Taliyaha cusub iyo ciidamada kala duwan ee hoos yimaada taliska, si loo dhiso xiriir shaqo oo adag iyo isfaham buuxa.

Mas’uuliyiinta ayaa ku booriyay ciidamada inay sii xoojiyaan shaqadooda, ilaaliyaan anshaxa iyo sharciga, isla markaana ay kaalin muuqata ka qaataan sugidda amniga iyo cadaaladda dalka.

Ugu dambeyn, booqashadan ayaa lagu tilmaamay mid muhiim u ah dardargelinta howlaha Ciidanka Asluubta Soomaaliyeed iyo horumarinta nidaamka cadaaladda ee dalka.