Muqdisho(SONNA) Ra’iisul Wasaare Xasan Cali Khayre ayaa maanta la filayaa in uu khudbad dhinacyo badan taabanaysa uu ka jeediyo shirka Golaha Guud ee Qaramada Midoobey kaasi oo haatan ka soconaya magaalada Newyorka ee Mareykanka.

Mudane Xasan Cali Khayre Ra’iisul Wasaaraha Xukuumadda Federaalka Soomaaliya ayaa lagu wadaa in uu khudbadiisa uu ku soo bandhigo xaaladda Soomaaliya, dhinacyada Ammaanka,siyaasadda Dhaqaalaha iyo arrimaha bani,aadanimada,isagoo taageero weydiisan donna beesha Caalamka oo shirkaasi ku sugan.

Dhanka kale Kulan saxaafadda loo diiday ayuu Ra’iisul Wasaare Hassan Ali Kheyre iyo wafdigiisa la qaateen madax ka socota wadamada ay ciidamadu ka joogaan Soomaaliya kuwaas oo sida xubnaha dowladu noo xaqiijiyeen ka wada hadlay arrimo la xariira Xoojinta xariirka wadamadaas ay la leeyihiin Soomaaliya, Horumarinta howlgalada ka dhanka ah Nabad diidka iyo sidii loo heli lahaa ciidamo Soomaaliyeed oo la wareega amniga dalkooda.

Madaxdii ay la kulmeen wafuudda dowladda Soomaaliya waxa ay qireen in Soomaaliya ay ka soo kabanayso xaaladihii adkaa ee ay soo martay isla markaana uu muuqanayo isbedal dhaxal gal ah, iyaga oo balan qaaday in ay is garab taagi doonaan dowladda Soomaaliya.

Ra’iisul Wasaare oo ka hadlay shir ay hoggaaminayeen dowladaha Soomaaliya,UK, Talyaaniga, iyo Xog-hayaha Guud ee Qaramada Midoobay ayaa sheegay dowladdiisu ay muhiim u tahay kaalinta ay beesha caalamku kaga jirto soo celinta ammaanka iyo xasilooni dhab ah oo Soomaaliya ka dhacda, hase ahaatee ay xukuumaddiisu xoogga saarayso sidii ay u kobcin lahayd dhaqaalaha, shaqo abuurka iyo in ay u furantahay Soomaaliya Maalgashi caalami ah.

Shirarkii uu Ra’iisul Wasaare Khayre ka qeybgalay waxaa ka mid ahaa shir looga hadlayay Abaaraha iyo ka hortaga misiibooyinka dabiiciga ah, waxa uuna ka sheegay in Hay’adaha samafalka qaarkood ay sheegaan in aysan ka howlgalikarin ama tagi karin Soomaaliya  khataro dhinaca ammaanka ah oo jira awgood, Taas oo uu ku tilmaamay mid ka hor imaanaysa in la samafalo malaayiin dad ah oo u bahan taageero dhab ah.

Waxa uu xusay in xaaladda Soomaaliya ay dhinacyo badan ka soo kabanayso  gaar ahaana amniga, loona baahanyahay in aan isha laga fiirsan.

Muqdisho(SONNA) Ra’iisul Wasaaraha Xukuumadda Federaalka Soomaaliya Mudane Xasan Cali Khayre ayaa  magaalada New York kulan kula yeeshay Wasiirka Arrimaha Dibadda Shiinaha Wang Yi, waxana ay ka wada hadleen iskaashiga labada dhinac iyo mashaariic ay dawladda Shiinuhu ka fulineyso Soomaaliya.

Kulankan ayaa la iskula soo qaadey xoojinta xiriirka labada dawladood, xaaladda amniga ee gobolka Geeska Afrika, arrimaha siyaasadda iyo taageerada dib-u-dhiska iyo dib-u-soo kabashada Soomaaliya.

Ra’iisul Wasaaraha Soomaaliya ayaa Wasiirka Arrimaha Dibadda ee Shiinaha Wang Yi uga mahad celiyay kaalintooda wanaagsan ee ay ka qaadanayaan taageerada Soomaaliya, wuxuuna cadeeyey sida loogu baahan yahay in la sii xoojiyo cilaaqaadka labada waddan.

Dhanka kale, Ra’iisul Wasaare Khayre ayaa khudbad ka jeediyey shirka caalamiga ee arrimaha Soomaaliya iyo Shir kale oo isna looga hadlayey Abaaraha. Iyadoo ay shirarkani ka soo qeyb galeen in ka badan 98 waddan.

Ra’iisul Wasaaraha ayaa maanta oo jimco ah khudbad ka jeedin doona shirka Golaha loo dhan yahay ee Qaramada Midoobey.

Kulankan ay wada yeesheen Guddoonka Golaha Aqalka sare ee Baarlamaanka Federaalka Soomaaliya iyo Danjiraha Jarmalka ee Soomaaliya oo uu wehliyo ku xigeenka Safiirka ayaa ku saabsanaa howlaha Aqalka sare ka socda iyo sidii Dowladda Jarmalku ay gacan uga siin lahayd horumarinta howlaha horyaala Golahan oo ah hay’ada Dalka ku cusub.

Kulanka markuu soo geba geboobey waxaab Warbaahinta Qaranka la hadashay Safiirka Jarmalka u fadhisa Soomaaliya Ms.Jutta Frasch waxayna sheegtay in Soomaliya iyo Jarmalka uu ka dhaxeeyo xiriir soo jirayn ah.

“Aaad baad ugu faraxsanahay in aad soo booqdo xarunta cusub ee Goalah aqalka sare,waxaan ka imid dalka jermalka ooo ah wadan federal ah,muddo sanado ah, waxay leedahay dhaqan soo jireen ah,sidaasi darteeda waxaan ka wada hadalnay guddoonka sidii xiriir uu u dhexmari lahaa labada dhinac,waxaana aan u sheegay in ahmiyadd la siyo sidii labada dhinac ay isaga kaashan lahaayeen dhinacyada siyaasadda arrimaha dibadda,waxaan u rajaynayaa golaha baarlamaanka in ay u horseedaan shacabka soomaaliyeed sidii ay isugu keeni lahaayeen shacabka Soomaaliyeed, si loo heli dowlad xooggan”,

Safiiradda oo sii hadlaysay ayaa tiri “Dowladda Jarmalka waxay diyaar u tahay sidii ay u caawin lahaa Dowladda Soomaaliya, waxaan qorsheynaynaa in aan maalgashi ku sameysano,waxaana aamainsanahay in dalka Soomaaliya uu yahay wadan aad u muhiimsan marka laga hadlayo gobolka Geeska Africa’, ayay tiri Danjiraha Jarmalka ee Soomaaliya

Ilyees Cali Xasan guddoomiyaha guddiga Qeyraadka Qaranka,kaabayaasha Dhaqaalaha iyo Gaadiidka Golaha Aqalka Sare ee Baarlamaanka Federaalka Soomaaliya ayaa sheegay in muhiim ay tahay iskaashiga iyo wadashaqeynta baarlamaanada labada Dal,maadaama Jarmalka uu ka mid yahay wadamada ku dhaqma nidaamka Federaalka ah.

Ra’iisul Wasaaraha Xukuumadda Federaalka Soomaaliya Mudane Xasan Cali Khayre ayaa  magaalada New York kulan kula yeeshay Wasiirka Arrimaha Dibadda Shiinaha Wang Yi, waxana ay ka wada hadleen iskaashiga labada dhinac iyo mashaariic ay dawladda Shiinuhu ka fulineyso Soomaaliya.

Kulankan ayaa la iskula soo qaadey xoojinta xiriirka labada dawladood, xaaladda amniga ee gobolka Geeska Afrika, arrimaha siyaasadda iyo taageerada dib-u-dhiska iyo dib-u-soo kabashada Soomaaliya.

Ra’iisul Wasaaraha Soomaaliya ayaa Wasiirka Arrimaha Dibadda ee Shiinaha Wang Yi uga mahad celiyay kaalintooda wanaagsan ee ay ka qaadanayaan taageerada Soomaaliya, wuxuuna cadeeyey sida loogu baahan yahay in la sii xoojiyo cilaaqaadka labada waddan.

Dhanka kale, Ra’iisul Wasaare Khayre ayaa khudbad ka jeediyey shirka caalamiga ee arrimaha Soomaaliya iyo Shir kale oo isna looga hadlayey Abaaraha. Iyadoo ay shirarkani ka soo qeyb galeen in ka badan 98 waddan.

Ra’iisul Wasaaraha ayaa maanta oo jimco ah khudbad ka jeedin doona shirka Golaha loo dhan yahay ee Qaramada Midoobey.

Muqdisho(SONNA) Kulankan ay wada yeesheen Guddoonka Golaha Aqalka sare ee Baarlamaanka Federaalka Soomaaliya iyo Danjiraha Jarmalka ee Soomaaliya oo uu wehliyo ku xigeenka Safiirka ayaa ku saabsanaa howlaha Aqalka sare ka socda iyo sidii Dowladda Jarmalku ay gacan uga siin lahayd horumarinta howlaha horyaala Golahan oo ah hay’ada Dalka ku cusub.

Kulanka markuu soo geba geboobey waxaab Warbaahinta Qaranka la hadashay Safiirka Jarmalka u fadhisa Soomaaliya Ms.Jutta Frasch waxayna sheegtay in Soomaliya iyo Jarmalka uu ka dhaxeeyo xiriir soo jirayn ah.

“Aaad baad ugu faraxsanahay in aad soo booqdo xarunta cusub ee Goalah aqalka sare,waxaan ka imid dalka jermalka ooo ah wadan federal ah,muddo sanado ah, waxay leedahay dhaqan soo jireen ah,sidaasi darteeda waxaan ka wada hadalnay guddoonka sidii xiriir uu u dhexmari lahaa labada dhinac,waxaana aan u sheegay in ahmiyadd la siyo sidii labada dhinac ay isaga kaashan lahaayeen dhinacyada siyaasadda arrimaha dibadda,waxaan u rajaynayaa golaha baarlamaanka in ay u horseedaan shacabka soomaaliyeed sidii ay isugu keeni lahaayeen shacabka Soomaaliyeed, si loo heli dowlad xooggan”,

Safiiradda oo sii hadlaysay ayaa tiri “Dowladda Jarmalka waxay diyaar u tahay sidii ay u caawin lahaa Dowladda Soomaaliya, waxaan qorsheynaynaa in aan maalgashi ku sameysano,waxaana aamainsanahay in dalka Soomaaliya uu yahay wadan aad u muhiimsan marka laga hadlayo gobolka Geeska Africa’, ayay tiri Danjiraha Jarmalka ee Soomaaliya

Ilyees Cali Xasan guddoomiyaha guddiga Qeyraadka Qaranka,kaabayaasha Dhaqaalaha iyo Gaadiidka Golaha Aqalka Sare ee Baarlamaanka Federaalka Soomaaliya ayaa sheegay in muhiim ay tahay iskaashiga iyo wadashaqeynta baarlamaanada labada Dal,maadaama Jarmalka uu ka mid yahay wadamada ku dhaqma nidaamka Federaalka ah.

Muqdisho(SONNA):–Waxaa maanta magaalada Muqdisho ka furmay shirka Madasha Wasaaradaha Arrimaha Dastuurka ee Dawladda dhexe iyo Dawlad Goboleedyada oo seddexdii bilba mar la qabto, shirkan oo ay soo qabanqabisay Wasaaradda Arrimaha Dastuurka ee Xukuumadda Federaalka Soomaaliya ayaa waxaa ka soo qaybgalay dhamaan Wasaaradaha Arrimaha Dastuurka ee D/Goboleedyada.

Shirkan oo socon doona labo maalin ayaa ujeedadiisu tahay sidii Wasiirada uga arinsan la haayeen Shir-weynaha Qaran ee Arrimaha Dastuurka ee bisha Oktoobar Muqdisho ka furmi doono.

Wasiir Cabdiraxmaan Xoosh Jibriil oo shirka furay ayaa uga mahadcelyay D/Goboleedyada sida ay uga soo qaybgaleen kulanka.

“Masuuliyad wayn ayaa na saran, waxaan ku faraxsanahay oo aan rajeynayaa in anaga oo aysan dad ajnabi ah nagu dhex jirin sida shirkeenan maanta oo kale aan hawlaheena qabsano oo wadashaqeynteenna xoojinno; waan idinkaga mahacelinayaa ka soo qaybgalkiina waxana kawada hadli doonaa sidii aan isaga kaashan lahayn hawlaha soo socda oo uu ugu horeeyo Shir-weynaha Qaran” ayuu yiri Wasiir Xoosh.

Sidoo kale Wasiirka isaga oo ka hadlayay faa’idada Madashan seddexdii bilba mar la qaban doono ayuu yiri “Waxaad ogtihii in shirkii sedex bil ka hor ee Wasiirada D/Goboleedyada aan la yeelannay qodobadii ka soo baxay ay kamid ahayd in Madashan la aas-aaso oo boqolkii maalinba mar ay qabsoonto, Ujeedada ka dambaysay waa in Shacabka Soomaaliyeed iyo Beesha Caalamka aan tusno in loo mideysanyahay dib-u-eegista Dastuurka”.

Dhanka kale, Wasiirada D/Goboleedyada oo shirka ka hadlay ayaa warbixin ka bixiyay waxyaabihii u qabsoomay boqolkii maalin ee la soo dhaafay, sidoo kale waxa ay Wasaaradda uga mahadceliyeen qaban-qaabada shirka madasha.

Gabagabadii, shirkan ayaa beri soo xirmi doono waxaana ka soo bixi doona War-murtiyeed.

—–DHAMAAD—–

Muqdisho(SONNA) Mudane Maxamed Abuukar Islow Ducaale Wasiirka Amniga Gudaha Xukuumadda Federaalka Soomaaliya ayaa sheegay in ciidamada Ammaanka Dowladda aysan shardi uga dhigi karin Dadweynaha waddooyinka maraya in ay wataan aqoonsi Dowladeed.

Wasiirka oo maanta ka qeybgalay kulan deg deg ah oo looga hadlayaya xoojinta ammaanka magaalada Muqdisho oo lagu qabtay Degmada Kaxda ee Gobolka Banaadir, ayaa siweyn uga hadlay ahmiyadda ay leedahay wada shaqeynta shacabka iyo hay’adaha ammaanka,sida uu ku soo waramayo Wariyaha SONNA Nuur Siciid Tahliil oo kusugan degmadaasi.

Wuxuu sheegay Mudane Maxamed Abuukar Islow Ducaale in laga bilaabo maalinta sabtida ah ee soo socota uu dhaqan geli doono go’aanka ku aadan in shacabka isticmaalaya waddooyinka aan lagu xujeyn Karin in ay wataan aqoonsi Dowladeed.

Waxaa shirkaasi ka qeybgalay guddoomiyaha Gobolka Banaadir ahna Duqa magaalada Muqdisho Taabid Cabdi Maxamed,Wasiirka arrimaha gudaha Cabdi Faarax Siciid Juxaa,xildhibaano katirsan Baarlamaanka Soomaaliya iyo saraakiisha laamaha ammaanka Dowladda Soomaaliaya,kaasi oo siweyn loogu gorfeeyey sidii la isaga kaashan lahaa xaqiijinta amniga caasimadda.

Muqdisho(SONNA) Wefdi uu hoggaaminayo Madaxweynaha cusub ee mamulka Hirshabeelle ayaa goor dhow ka degay garoonka diyaaradaha magaalada Beledweyne ee Gobolka Hiiraan, halkaasoo ay ku soo dhaweeyeen mas’uuliyiin iyo qeybaha bulshada.

Waxaa ku wehliya socdaalka Madaxweynaha Hirshabeelle Maxamed Cabdi Waare ayaa Wasiiro iyo Xildhibaano ka mid ah maamulkiisa iyo xubno kale.

Waxaa garoonka diyaaradaha ku soo dhaweeyey Mas’uuliyiin ka tirsan Gobolka Hiiraan iyo qeybaha kala duwan ee bulshada waxaana uu kulamo la yeelanaya maamulka Gobolka iyo shacabka ku dhaqan magaaladaasi Baladweyne.

Waxaa la xirey waddooyinka qaar ee magaalada Baladweyne iyadoo siweyn loo adkeeyey Ammaanka magaalada Beledweyne, ciidamo aad u farabadan ayaa lagu arkayaya waddooyinka magaaladaasi.

Waa safarkii ugu horeeyay uu ku tago magaaladaasi Baladweyne tan iyo markii dhawaan uu ku guuleystay qabashada xilka madaxweynaha Hirshabeelle