Madaxweynaha JFS Mudane Maxamed Cabdullaahi Farmaajo ayaa maanta kormeeray goobaha lagu keydiyo raashinka ciidamada dowladda Soomaaliya ee ku yaala magaalada Muqdisho.
Madaxweynaha ayaa kormeer ku sameeyey baqaarada lagu keydiyo raashinka ciidamada dowladda, isagoo dhinaca kalena hubiyey tayada raashinkaasi.
Mudane Maxamed Cabdullaahi Farmaajo madaxweynaha JFS ayaa sidoo kale hubinayey in ciidamada dowladda ay helaan ama lasiiyo raashinka ay xaqa u leeyihiin.
Kulanka ayaa ajandahiisa waxa uu ahaa dhagaysiga warbixin gudiga madaxa banaan ee dastuurka iyo xeritaanka kalfadhigii 1aad ee aqalka sare ee baarlamaanka soomaaliya.
kalfadhiga ayaa ahaa kii 1aad kulankiisa 28aad waxaana soo xaadiray 38 mudane kulanka waxaa shir gudoominayay cabdi xaashi cabdulaahi.
Maxamed daahir afrax gudoomiyaha gudiga madaxa banaan ee dastuurka ayaa ugu horayn warbixin ku aadan howlaha gudiga iyo shaqooyinka ay soo qabteen siiyay mudanayaasha aqalka sare.
Gudiga howl ayay soo qabteen intii ay shaqaynayeen wax badana way u dhiman yihiin waxaana ka codsanaynaa dowlada iyo shacabka soomaaliyeed in ay gacan naga siiyaan sidii waajibaadkeena u gudan lahayn,,
prof, xasan mahad alle oo ka mid ah gudiga madaxa banaan ee dastuurka ayaa isaguna mudanayaasha u sharxay dastuur waxa uu yahay.
Dhinaca kale gudoomiyaha aqalka sare baarlamaanka soomaaliya cabdi xaashi cabdulaahi ayaa ka hadlaya kulamadii ay yeesheen iyo shaqooyinkii ay soo qabteen oo gudoomiyaha ku sheegay in ay tahay guul u soo hoyatay aqalka sare.
War-martiyeedka kusaabsan doorashada madaxweynaha Galmudug
Muqdisho, May 6, 2017——-Maalinitii Talaadada ee Taariikhdu ahayd May 2, 2017 ayaa wafti uu hogaaminayo wasiirka Wasaaradda Arimaha Gudaha, Federaalka iyo Dib u heshiinta Cabdi Faarax Saciid (Juxa) oo ka koobnaa wasiirro, xubno ka socda labada aqal ee Baarlamaanka Dawladda Federaalka ee Soomaaliya ku tageen caasimadda ku meelgaarka ah ee Dawlad Goboleedka Gal-Mudug si ay Korjoogayaal iyo markhaanti uga noqdaan doorashada ka dhacaysa Cadaado maalinimada Arbacadii ee 3-dii, 05,2017.
3-dii Bisha ayaa doorasho 3 Musharax ku Tartameen ka dhacday Caasimada ku meel gaarka ah ee maamul Goboleedka Gal-mudug ee Cadaado. Doorashadaas waxaa ku guulaystay musharax Axmed Ducaale Geelle (Xaaf), Haddaba:
1.Waxay Dawladda Federaalka ee Soomaaliya soo dhowaynaysaa natiijada kasoo baxday Doorashadaas oo ay u aragto inay u dhacday si xor iyo xalaal ah.
2.Waxay Dawladda Federaalka ah ee Soomaaliya ugu baaqaysaa hoggaanka cusub ee Gal-Mudug inay si deg-deg ah dib ugu bilaabaan wadahadaladii u socday Ahlu-Sunna iyo Gal-Mudug, si Xal kama dambays ah looga gaaro Khilaafka labada Dhinac.
3.Waxay Dawladda Federaalka ee Soomaaliya diyaar u tahay waxkasta oo ay ka gaysan karto in Xal waara laga gaaro Nabadda iyo Midnimada Deegaanka Gal-Mudug, si Shacabka reer Gal-Mudug u helaan nabad iyo xasilooni waarta.
4.Waxay Dawladda Federaalka ah ee Soomaaliya ugu baaqaysaa beesha caalamka iyo cid kasta oo kale oo arintaan danaynaysa in ay gacan buuxda ka gaystaan si loo fududeeyo wadahadalada labada dhinac.
5.Waxay Dawladda Federaalka ah ee Soomaaliya Shacabwaynaha reer Gal-Mudug iyo Hogaankooda cusubba ugu baaqaysaa inay si wadajir ah uga wada Shaqeeyaan nabadda, midnimada iyo xasiloonida deegaanada Gal-Mudug.
DHAMMAAD__
Waaxda Warbaahinta iyo Xiriirka
Xafiiska Ra’iisal Wasaaraha
media.opm@gmail.com
Twitter: @SomaliPM
Ra’iisul Wasaraha xukumadda federalka Soomaaliya Mudane Xasan cali kheyre ayaa galabta boqol Shacab ah kula jemcaystay beerta nabad oo ka mid ah goobaha dalxiisa ee magaaladda muqdisho. si uu Shacabka u dareensiiyo in dowlada tahay dowladda shacabka ayna ku kalsoontahay
boqoolkii Shacabka ee k u sugnaa beerta Nabad ayuu Ra’iisul wasaraha fursad siinayey in ay la wadagaan talooyinka iyo firkadaha wanaagan ee ay shacabku doonayaan in ay dowlada ku shaqayso isla markana uga mahad celiyey waqti wanagsna uu galabta la qaatay
qaar kood shacabkaas waxa ay si Caadi ah oo ay kalsooni ku dheehan tahay ay Su’allo ku waydiinayaan Ra’iisul wasaaraha iyagoo mararka qaar ay Ra’isiul wasaraha la kufmayaan ,
Ra’iisul wasaaraha xukumadda federaalka Soomaaliya Mudane Xasan Cali Kheyre ayaa shacabka kala duwan ee la kulmay u sheegay in dowladdu ay ku shaqyn doonto Rabitaanka shacabka ayna diyaar u tahay in ay la xisaabtamaan waqti kasta, isla markaana ay ka go’an tahay in ay shacabkeeda la wadaagto marxalada kasta oo ay ku sugan yihiin .
Dadka kus ugnaa beerta nabadda ee uu Ra’iisul wasaaru kulmay oo dhalinyaro u badnaa ayaas dareenkooda uga warabay warbahinta qaranka eek u aadan in galabta kula jimcaystay beerta nabadda Codka
Ra’iisul wasaaaha xukumadda jamhuuriyadda federaalka SoomaaliyaMudane Xasan Cali kheyre aya mar kasta xooga sara In uu saro u qaado kuwaa oo ay qaybo badan oo ka mid ah ay ku jirto kirgadad wanaagsan oo dalkaan horumar gaarsiin karo , waxa uuna qorshiihu yahay in uu shacabka an awoodin in ay ug tagan xafiiskiisa uu isagu ugu tago goobaha oo kale .
Shirkaan oo ay soo qaban qaabisay Wasaaradda Warfaafinta Soomaaliya ayaa waxaa ka qeyb galaya wasiirka Wasaaradda Warfaafinta Soomaaliya Eng: C/raxmaan Cumar Cismaan “Yariisow” agaasimeyaasha waaxyaha wasaaradda, wasiirada warfaafinta maamul-goboleedyada dalka ka jira iyo agaasimeyaashooda.
Shirka oo socon doona mudo sadex maalin ah ayaa diiradda lagu saari doonaa qodobo ay kamid yihiin in si wadajir ah warbaahintu ay uga qeyb qaadato wacyi galinta barnaamijka la dagaalanka Argagixisada, oo wasaaradda warfaafintu ay ku howlantahay.
Sidoo kale shirka ayaa dhinacyada ka qeyb galaya isku soo hadal qaadi doonaan arimo la xiriira dib u eegista xeerka Saxaafadda, iyo hadii ay suura gal tahay wax ka badal lagu sameeyo qaar kamid ah qodobada ku jira xeerka.
Masuuliyiinta Wasaaradda Warfaafinta Soomaaliya ayaa u xaqiijiyey Wakaaladda Wararka Qaranka Soomaaliyeed ee SONNA in masuuliyiinta shirka ka qeyb galaya ee matalaya dowlad-goboleedyada ay ka dhageysan doonaan talooyin iyo fikrado ka qeyb qaadanaya horumarinta warbaahinta Soomaaliyeed, taasi oo ay hormuud ka yihiin masuuliyiinta Wasaaradda Warfaafinta Soomaaliya.
Sanadkii hore ayaa magaalada Muqdisho waxaa ku qabsoomay shir sidaan oo kale ay soo agaasintay Wasaaradda Warfaafinta Soomaaliya, kaasi oo looga hadlay Istiraatiijiyadda Warbaahinta Qaranka.
Xigasho: SONNA
Madaxweynaha maamulka Koofur Galbeed Soomaaliya Shariif Xasan Sheekh Aadan ayaa saraakiisha amaanka ku amray iney ka shaqeeyaan xaqiijinta amaanka guud ee gobolka Baay.
Sidoo kale waxa uu sheegay in saraakiisha looga baahan yahay in ay la shaqeeyaan guddoomiyaha cusub ee uu usoo magacaabay gobolka Baay.
Shariif Xasan ayaa Saraakiisha amaanka u sheegay in lagula xisaabtamayo amaanka guud ee Gobolka Baay isla markaana laga doonayo in ay la shaqeeyaan maamulka cusub ee Gobolka Baay.
Waxa uu sheegay in loo baahan yahay in la kasbado kalsoonida shacabka lagana wada shaqeeyo hormarinta iyo nabadda gobolka Baay.
Madaxweynaha maamulka Koofur Galbeed Soomaaliya Shariif Xasan Sheekh Aadan ayaa khamiistii la soo dhaafay waxa uu Cali Wardheere C/raxmaan u magacaabay in uu noqdo guddoomiyaha Cusub ee gobolka Baay.
Madaxweynaha Jamhuuriyadda Federaalka Soomaaliya, Mudane Maxamed Cabdulaahi Farmaajo, ayaa soo saaray xeer madaxweyne oo uu ku akhbalay xil ka qaadistii Hanti-dhowrihii Qaran, taas oo ka soo baxdey markii horey golaha wasiirrada Xukuumadda Soomaaliya.
Xeerkaan uu soo saaray madaxweynaha, waxaa lagu sheegey in si rasmi ah xilkii looga qaadey Nuur Faarax Jimcaale, iyadoo loo maray hab-raaca sharciga uu dhigayo, isla markaana sarreynta sharciga ahmiyadda koobaad la siiyey.
Arrintaan ayaa ka dambeysay kaddib markii golaha wasiirrada Xukuumadda F. Soomaaliya ay soo saareen xil ka qaadis Hanti-dhowrihii Qaranka kaddib dilka wasiirkii Howlaha Guud oo ku dhintay Rasaas ay hubiyeen ilaaladii Hanti-dhowrihii horre.
Dowladda Mareykanka ayaa caddeysay in ay qalab Miletery oo kala duwan ka iibineyso Dowladda Kenya, kaasoo qayb ka ah dhismaha keydka Ciidamada Bariga Afrika ee ay kula dagaallamayaan Argagixisada.
Qalabkaasi Ciidan oo isugu jira 12 Diyaaradood oo nooca qummaatiga u kaca ah (Helicopters) ,Maraakiibta Dagaal, Gentaallo iyo Saanado kale, ayaa ku kacaya qiima gaaraya $253 Million Dollar oo u dhiganta 25 Billion oo Shilinka Kenya ah,sida laga soo xigtay waaxda arrimaha dibedda ee Maraykanka.
Warar ayaa sheegaya in kaaliyaha ammaanka ee Dalka Marayka la filayo in loo diro Dalka Kenya, si uu halkaasi u gaarsiiyo warqad oggolaasho ah oo ka socota xukuumadda Washinton.
Qaar ka mid ah ururrada mucaaradka ee Dalka Kenya ayaa si weyn u dhaliilay tallaabadan uu Maraykanku Hubka ugu iibinayo Dowladda Kenya.
Dowladda Maraykanka ayaa dhowr goor oo hore ka iibisay Dowladda Kenya, kaasoo la sheegay iney u adeegsanayso la dagaallaanka kooxaha Argagixisada ee Geeska Afrika.
Xigasho: Daily Nation
Wasiirka Warfaafinta Mudane Cabdiraxmaan Cumar Cismaan (Eng. Yarisow) ayaa ka warbixiyey diyaar garowga shirka London oo 11ka May ka dhacaya dalkaas UK, gaar ahaan Lancaster House ee caasimada London.
Wasiir Eng. Yarisow oo ka hadlaya diyaar garowga shirka ayaa yiri “Dowladda Federaalku si aad ah bey ugu diyaargarowday shirka London oo ay wada shir-guddoominayaan Madaxweynaha Soomaaliya, Ra’iisul Wasaaraha UK iyo Xoghayaha Guud ee Qaramada Midoobay, ayna ka soo qeybgalayaan beesha caalamka.”
Dowladda Federaalka oo uu hoggaaminayo Madaxweynaha Jamhuuriyada Federaalka ee Soomaaliya Mudana Maxamed Cabdullaahi Maxamed (Farmaajo) ayaa ka qeybgali doona.
Shirkan ayaa looga hadli doonaa arrimo ay ka mid yihiin amniga, siyaasada iyo kobcinta dhaqaalaha Soomaaliya iyo gurmadka abaaraha dalka ka jira.
Wasiir Eng. Yarisow oo hadalkiisa sii wata ayaa yiri “Dowladda Federaalka ayaa in muddo ah ka howlgaleysey sidii shirkan u noqon lahaa mid miro dhala, iyadoo guddi loo xilsaaray si joogta ah ula kulmayey saraakiisha dowladda UK iyo Ergeyga Gaarka ah ee Xoghayaha Guud ee Qaramada Midoobey iyo diblomasiyiinta saaxiibada la ah Soomaaliya.
Dowladda Federaalka ayaa diyaarisey qorsheyaasha amniga si ciidanka Xooga Dalka Soomaaliyeed loo tayeeyo oo ay mustaqbalka dhow amniga dalka ugala wareegi lahaayeen ciidanka AMISOM.
“Sidoo kale Dowladdu waxey diyaarisay qorshihii maamulka iyo maareynta maaliyada oo beesha caalamka siin kara kalsooni buuxda iyo qorshihii u diyaar garowga nidaamka dimoqraadiyeynta dalka si 4 sano gudahood loo qabto doorasho hal cod iyo hal qof ah.”
Eng. Yarisow ayaa ugu danbeyntii ka codsaday shacabka Soomaaliyeed inay taageeraan shirkan bacdamaa uu noqonayo shir ka duwan kuwii hore oo Dowlada Federaalka ay la tageyso qorsheyaasheeda, beesha caalamkana aya nagu taageeri doonto. Shirkan ayaa noqonaya mid ay Soomaali hoggaamineyso, qorsheyaasheedana ka codsaneyso in caalamku ku taageero.
DHAMAAD
Ciidamada booliiska Soomaaliyeed ayaa howlgal lagu adkeeynayo ammaanka xalay ka sameeyay xaafado ka mid ah degmooyinka gobolka Banaadir.
Howlgalkan oo ay qeyb ka ahaayeen ciidanka booliiska AMISOM ayaa ka dhacay qeybo ka mid ah degmooyinka Warta nabada, Hodan, howlwadaag Xamar jajab iyo xaafado.
Ciidamada ayaa baaritaan ku sameeynayay dadka iyo gaadiidka, iyadoo saraakiisha horkaceysay howlgalkaasi ay dadweynaha u sheegayeen in ay isdejiyaan ciidamadana gacan ka siiyaan sidii loo adkeyn lahaa ammaanka caasimadda.
Taliyaha booliiska gobolka Banaadir Axmed Xasan Maalin ayaa sheegay in ujeedada howlgalkaasi uu qeyb yahay qorshaha lagu adkeynayo ammaanka caasimadda xilliga habeenki.
