Newyork(SONNA) Golaha ammaanka ee Jimciyadda Qurumaha ka dhexeysa ayaa dalbaday in la soo afjaro rabshadaha ka taagan gobolka Rakhine ee dalka Myanmar, kuwaasi oo sababay in boqolaal kun oo qof oo ka tirsan qowmiyadda Rohingya ay guryahooda ka qaxaan.

Ciidamada Milatariga Wadanka Myanmar ayaa gudaha gobolkaasi ayaa saraakiisha Qaramada Midoobey ay ku tilmaameen isir sifeyn ka qowmiyadda Musliminta Rohingya islamarkaana ay cambaareeyeen.

Golaha Ammaanka ayaa sidoo kale ku baaqay in boqolaalka kun ee qof ee Rohingya ee u qaxay dhanka dalka dersika ah ee Bangladesh loo ogolaado in ay dalkooda ku laabtaan.

Dowladda Shiinaha ayaa bayaankaasi taageertay balse waddamada Britain iyo Faransiiska ayay u suurtageli weyday in Beijing ay ku qanciyaan in ay taageerto in la meel mariyo qaraar cambaareynayo Myanmar oo ay xulufo yihiin.

Ergeyga gaarka ah ee Myanmar u fadhiya Qaramada Midoobey ayaa sheegay in ayba suurtagal tahay in bayaankani cusub uu sii sare qaado xiisadda gobolkaasi ka taagan.

Boqolaal muslimiinta Rohingya ayaa lagu laayay dalkaasi halka kumanaan kalena laga barakiciyay guryohooda,taasi oo Dunida ay walaac ka muujinaysaa.

Masar(SONNA) Ra’iisul Wasaare ku xigeenka Xukuumadda Soomaaliya Mudane Mahdi Maxamed Guuleed (Khader) ayaa si wayn loogu soo dhaweeyay magaalada Sharma el-Sheekh ee dalka Masar, waxuuna ka qeyb galayaa shirka dhalinyaradda Aduunka kaas oo looga hadlo xaalada dhalinta iyo sidii looga wacyi galin lahaa arrimaha Tahriibka iyo xagjirnimada oo saamayn wayn ku yeeshay dunida oo dhan.

Ra’iisul wasaaraha ku xigeenka Soomaaliya ayaa kulan hor u dhac ah la qaatay Madaxweyna wadanka Egypt Cabdifatax Al Sisi, iyagoona ka wada hadlay in laga wada shaqeyo sidii la iskaga kaa shan lahaa la dagaalanka iyo cirib-tirka Ururka Alshabaab iyo in la abuuro fursado shaqo iyo kuwo waxbarasho kuwaas oo lagu dhiiri galinayo dhalinyarada Soomaaliyeed si aysan u dooran fikradaha ku salaysan argagixisada.

Madaxwayne Al Asisi ayaa balan qaaday in uu kordhin doono deeqaha waxbarasho ee ay siiyaan dhalinyarada Soomaaliyeed. Waxuuna cadeeyay in ay taageero dhan walba ah la garab istaagayaan dawladda iyo shacabka Soomaaliyeed, isagoona u jeedo iyo dan gaar ah ka lahayn Soomaaliya.

Dhanka kale Ra’iisul Wasaare Khader ayaa kulamo kala duwan la qaatay qaar ka mid ah madaxdii ka soo qayb gashay shirka, oo uu kamid yahay Ra’iisul Wasaaraha dalka Equatorial Gunnie.

Taliyaha qeybta 12 April ee Ciidamada Xoogga Dalka Soomaaliyeed Cumar dheere oo la hadlay Radio Muqdisho Codka Jahmuuriyadda Soomaaaliya ayaa sheegay in Ciidamadu howlgaladii ugu dambeeyay in ay gacanta kusoo dhigeen dhagar qabayaal ka tirsan maleeshiyaadka nabad diidka ah ee Al shabaab.

Cumar dheere taliyaha 12 April ayaa tilmaamay in Ciidamada Xoogga Dalka Soomaaliyeed la wareegeen deegaano kale oo ka mid kuwa isku xira Gobolada shabeelooyinka ayna gacanta ku dhigeen Ciidanku maleeshiyaad u dagaalamayay Al shabaab.

Ciidamada Xoogga Dalka Soomaaliya ayaa wada didaalo guuda ahaanba Dalka looga saarayo maleeshiyada Al shabaab iyo sidii looga dulqaadi lahaa dhibaataynta ay ku hayaan shacabka Soomaaliyeed ee ku nool deegaanada ay wali ku harsan yihiin Argagixisada Al shabaab.

Muqdisho, 7 November 2017—-Ra’iisul Wasaare ku xigeenka Xukuumadda Soomaaliya Mudane Mahdi Maxamed Guuleed (Khader) ayaa si wayn loogu soo dhaweeyay magaalada Sharma el-Sheekh ee dalka Masar, waxuuna ka qeyb galayaa shirka dhalinyaradda Aduunka kaas oo looga hadlo xaalada dhalinta iyo sidii looga wacyi galin lahaa arrimaha Tahriibka iyo xagjirnimada oo saamayn wayn ku yeeshay dunida oo dhan.

Ra’iisul wasaaraha ku xigeenka Soomaaliya ayaa kulan hor u dhac ah la qaatay Madaxweyna wadanka Egypt Cabdifatax Al Sisi, iyagoona ka wada hadlay in laga wada shaqeyo sidii la iskaga kaa shan lahaa la dagaalanka iyo cirib-tirka Ururka Alshabaab iyo in la abuuro fursado shaqo iyo kuwo waxbarasho kuwaas oo lagu dhiiri galinayo dhalinyarada Soomaaliyeed si aysan u dooran fikradaha ku salaysan argagixisada.

Madaxwayne Al Asisi ayaa balan qaaday in uu kordhin doono deeqaha waxbarasho ee ay siiyaan dhalinyarada Soomaaliyeed. Waxuuna cadeeyay in ay taageero dhan walba ah la garab istaagayaan dawladda iyo shacabka Soomaaliyeed, isagoona u jeedo iyo dan gaar ah ka lahayn Soomaaliya.

Dhanka kale Ra’iisul Wasaare Khader ayaa kulamo kala duwan la qaatay qaar ka mid ah madaxdii ka soo qayb gashay shirka, oo uu kamid yahay Ra’iisul Wasaaraha dalka Equatorial Gunnie.

—DHAMMAAD—-

Muqdisho(SONNA)-Garoonka Magaalada muqdisho waxa maanta ka ambabaxay 76 arday kuwaas oo deeq waxbarasho ka helay Dalka Masar waxaana Garoonka Aadan Cadde ku sagootiyay  Ra’isul wasaare ku xigeenka Dalka Mahdi Maxamed Guleed Qadar, Wasiir DoWlaha Wasaarada Wax barashada iyo Masuuliyiin kale uu kamid ahaa safiir ku xigeenka Soomaaliya ee Masar Ilyees Shekh Cumar ooku wehliyay safarka ardaydaasi.

Lacagta ku baxday diyaaradaasi oo qaaday ardayda ayaa waxaa bixiyay madaxweynaha Jamhuuriyadda Federaalka Soomaaliya Mudane Maxamed C/llaahi Farmaajo oo ugu talagalay in uu ku dhiiro geliyo ardaydaasi,waxana uga mahadceliyeen madaxweynaha Soomaaliya sida uu u garab istaagay maadaam aan awoodin in kharshaadkaasi ay iska bixiyaan.

Wasiiru dowlaha Wasaaradda Waxbarshada Soomaaliya C/raxmaan Maxamed Cabdule Jaabir oo la hadlaya war baahinta  ayaa u mahad celiyay Dowlada masar oo Ardaydaan siisay deeqdan waxbarsho.

Sidokale Ra’iisulwasaare ku xigeenka Dalka Mahdi Maxamed Guuled Qadar ayaa sheegay tiradaan Arday manta baxeysa in ay tahay tii ugu badneyd ee Dalk Masar loo Qaado Qarashka Diyaardana uu bixinayo Madaxweynaha  Dowlada soomaliya.

Dhinace kale wafdi uu huggaaminayo Ra’iisulwasaare ku Xigeenka Xukumada Soomaaliya iyo Masuulinya ayaa safar shaqo ugu amba baxay Dalka Masar si uu uga qeyb galo shir ay isugu imanayaan Madaxada  ilaa 13 dal oo ka kala socda Caalamka.

Kulanka guud ee Golaha Shacabka jamhuuriyadda federaalka ah ee Soomaaliya oo uu shir gudoominayay guddoomiyaha golaha Shacabka, Mudane Maxamed Sheekh Cusman Jawaari, ayaa maanta ka dooday hindise sharciyeedka kheyraadka biyaha, waxaana  ugu horreyn guddiga Maaliyadda ee golaha shacabka uu golaha warbixin ka siiyay qorshaha gudiga Maaliyada ee inta ka harsan kalfadhigan.

Guddoomiyaha golaha shacabka,  Mudane Maxamed Sheekh Cusmaan Jawaari, ayaa sheegay in guddiyada kale ee golaha looga baahanyahay in qorshayaashooda ay soo gudbiyaan.

guddiga kheyraadka dabiiciga ah ee golaha Shacabka, ayaa golaha ka hor jeediyay warbixinta hindise sharciyeedka kheyraadka biyaha oo horey akhrinta koowaad loo marsiiyay, waxaana golaha ka hor akhriyay Xildhibaan Axmed Abtidoon oo xubin ka ah guddiga, isagoo golaha ka codsaday in la ansixiyo.

intaasi ka dib guddoomiye ku xiggeenka koowaad ee golaha shacabka, Mudane C/wali Sheekh Ibraahim Muudey,  ayaa ka hadlay muhiimadda sharcigan uu dalka u leeyahay iyo sidoo wabiyada dalkeena mara.

Guddoomiyaha golaha shacabka, ayaa sheegay in qof walba oo muwaadin Soomaaliyeed uu xaq u leeyahay inuu helo biyo nadiif,  sidaasi daraadeedna uu sharcigan muhiim yahay.

Wasiirka Tamarta iyo kheyraadka biyaha ee dowladda Soomaaliya, Mudane Saalim Caliyow Ibrow, ayaa u mahad celiyay xildhibaanada golaha shacabka gaar ahaan guddiga kheyraadka dabiiciga ah ee golaha shacabka.

Guddoomiyaha golaha shacabka oo kulanka soo xiray, ayaa sheegay in hindise sharciyedkan guddiga iyo wasaaradda looga baahanyahay in ay kusoo daraan wixii aragtiyo ah oo ay xildhibaada soo jeediyeen, si loo ansixiyo kulanka kan xigga.

Kulankan oo ay Mudanayaasha Aqalka sare ee Baarlamaanka Federaalka Soomaaliya la yeesheen Madaxweyneyaasha dowlad goboleedyada dalka ee xubinta ka ah dowlada Soomaaliya ayaa waxa uu ka dhacay xarunta aqalka sare ee magaalada Muqdisho.

Ugu horayn waxaa halkaasi warbixin ku aadan waxyaabaha u qabsoomay aqalka sare iyo shaqadooda waxay tahay ka soo jeediyay mudane Abshir Maxamed Axmed Guddoomiye ku xigeenka 1aad ee golaha aqalka sare BFS.

Madaxweyneyaasha dowlad goboleedyada Cabdi Wali Maxamed Cali Gaas, Maxamed Cabdi Waare, Shariif Xasan Shiikh Aadan, Axmed Maxamed Islaam iyo Axmed Ducaale Geelle Xaaf ayaa sheegay in aqalka sare ay matalaan dowladaha xubinta ka ah dowlada federalka Soomaaliya, iyagoo halkaasi ka jeediyay Khudbado ay kaga hadlayaan xaalada dalka iyo in loo midoobo dagaalka Al shabaab iyo sidii hormar balaaran loo gaari lahaa .

Waa markii ugu horaysay ee Madaxweyneyaasha dowlad goboleedyada xubinta ka ah dowlada Soomaaliya ay hortagaan kulana la qaataan mudanayaasha aqalka sare ee Baarlamaanka Soomaaliya.

Wasiirka amniga xukuumadda federaalka ah ee Soomaaliya, Mudane Maxamed Abuukar Isloow, oo ku sugan Magaaladda Doha, ayaa halkaasi kula kulmay guddoomiyaha ammaanka guud ee dowladda Qatar, Gen Sacad Bin Jaasim Alkhalifim iyo madaxda sare dowladda Qatar.

Wasiirka Amniga XFS, ayaa madaxdaasi kala hadlay xoojinta xiriirka iyo iskaashiga dhinaca ammaanka ee labada dhinac iyo arrimo kale oo quseeya dowladdaha Qatar iyo Somalia.

“Waxaan magaaladda Doha kula kulmay guddoomiyaha Ammaanka guud ee dalka Qatar Gen. Sacad Bin Jaasim Alkhalifi & Madaxda sare ee dalka Qatar oo aan ka wadahadlnay xoojinta xiriirka labada dal iyo iskaashiga dhinaca ammaanka labada dal” wasiir Isloow ayaa Bartiisa facebook-ga sidaasi  kusoo qoray.

Wasiirka ammiga xukuumadda federaalka ah ee Soomaaliya, Mudane Maxamed Abuukar Isloow, ayaa la filayaa in inta uu ku sugan yahay dalka Qatar inuu la kulmo masuuliyiin sare iyo saraakiil ciidan, islamarkaana uu kala hadli doono siddii dowladda Soomaaliya looga caawin lahaa nabad gelyada iyo qodobo kale.

Muqdisho (SONNA) Kulanka guud ee Golaha Shacabka jamhuuriyadda federaalka ah ee Soomaaliya oo uu shir gudoominayay guddoomiyaha golaha Shacabka, Mudane Maxamed Sheekh Cusman Jawaari, ayaa maanta ka dooday hindise sharciyeedka kheyraadka biyaha, waxaana  ugu horreyn guddiga Maaliyadda ee golaha shacabka uu golaha warbixin ka siiyay qorshaha gudiga Maaliyada ee inta ka harsan kalfadhigan.

Guddoomiyaha golaha shacabka,  Mudane Maxamed Sheekh Cusmaan Jawaari, ayaa sheegay in guddiyada kale ee golaha looga baahanyahay in qorshayaashooda ay soo gudbiyaan.

guddiga kheyraadka dabiiciga ah ee golaha Shacabka, ayaa golaha ka hor jeediyay warbixinta hindise sharciyeedka kheyraadka biyaha oo horey akhrinta koowaad loo marsiiyay, waxaana golaha ka hor akhriyay Xildhibaan Axmed Abtidoon oo xubin ka ah guddiga, isagoo golaha ka codsaday in la ansixiyo.

intaasi ka dib guddoomiye ku xiggeenka koowaad ee golaha shacabka, Mudane C/wali Sheekh Ibraahim Muudey,  ayaa ka hadlay muhiimadda sharcigan uu dalka u leeyahay iyo sidoo wabiyada dalkeena mara.

Guddoomiyaha golaha shacabka, ayaa sheegay in qof walba oo muwaadin Soomaaliyeed uu xaq u leeyahay inuu helo biyo nadiif,  sidaasi daraadeedna uu sharcigan muhiim yahay.

Wasiirka Tamarta iyo kheyraadka biyaha ee dowladda Soomaaliya, Mudane Saalim Caliyow Ibrow, ayaa u mahad celiyay xildhibaanada golaha shacabka gaar ahaan guddiga kheyraadka dabiiciga ah ee golaha shacabka.

Guddoomiyaha golaha shacabka oo kulanka soo xiray, ayaa sheegay in hindise sharciyedkan guddiga iyo wasaaradda looga baahanyahay in ay kusoo daraan wixii aragtiyo ah oo ay xildhibaada soo jeediyeen, si loo ansixiyo kulanka kan xigga.

Doha (SONNA),  Wasiirka amniga xukuumadda federaalka ah ee Soomaaliya, Mudane Maxamed Abuukar Isloow, oo ku sugan Magaaladda Doha, ayaa halkaasi kula kulmay guddoomiyaha ammaanka guud ee dowladda Qatar, Gen Sacad Bin Jaasim Alkhalifim iyo madaxda sare dowladda Qatar.

Wasiirka Amniga XFS, ayaa madaxdaasi kala hadlay xoojinta xiriirka iyo iskaashiga dhinaca ammaanka ee labada dhinac iyo arrimo kale oo quseeya dowladdaha Qatar iyo Somalia.

“Waxaan magaaladda Doha kula kulmay guddoomiyaha Ammaanka guud ee dalka Qatar Gen. Sacad Bin Jaasim Alkhalifi & Madaxda sare ee dalka Qatar oo aan ka wadahadlnay xoojinta xiriirka labada dal iyo iskaashiga dhinaca ammaanka labada dal” wasiir Isloow ayaa Bartiisa facebook-ga sidaasi  kusoo qoray.

Wasiirka ammiga xukuumadda federaalka ah ee Soomaaliya, Mudane Maxamed Abuukar Isloow, ayaa la filayaa in inta uu ku sugan yahay dalka Qatar inuu la kulmo masuuliyiin sare iyo saraakiil ciidan, islamarkaana uu kala hadli doono siddii dowladda Soomaaliya looga caawin lahaa nabad gelyada iyo qodobo kale.