Baydhabo(SONNA) Waxaa xalay magaalada Baydhabo ee xarunta Gobolka Bay lagu qabtay xaflad ballaaran oo lagu xusayay sand guuradii 3-aad ee ka soo wareegatay markii la unkay maamulka Koonfur Galbeed Soomaaliya.

Waxaa ka qayb galay madaxwaynaha  Dowlada Goboleedka Koonfur Galbeed Shariif Xasan Sheekh Aadan, Madaxwaynaha Hirshabeelle Maxamed Cabdi Waare, mas’uuliyiin ka tirsan dawladda Federaalka Soomaaliya,Dowlad Goboleedyada iyo qeybaha kaladuwan ee bulshada.

Mudadii ay socotay munaasabadasi ayaa Waxaa lagu soo bandhigay waxqabadka Maamulka Koonfur Galbeed mudada 3-da sano ah ee maamulku shaqaynayay, kuwaas oo ay ka mid yihiin talaabooyinka loo qaaday dhinaca maamul wanaagga ilaa la gaarsiiyo in degmooyinka qaar gole deegaan loo sameeyey iyo dhismaha xarumaha dawlad goboleedka.

Madaxweynaha Dowlada Goboleedka Koonfur Galbeed Shariif Xasan Sh Aaden ayaa sheegay in maamulkiisu qaadayo talaabioiyin lagu hormarinayo adegyada bulshada iyo amniga,isagoo ugu baaqay bulshada deegaanada Koonfur Galbeed in ay la shaqeeyaan maamulkaasi.

Dhamaan madaxdii ka qeybgalay munaasabadaasi ayaa ku ammaanay maamulka Koonfur Galbeed dadaalada horumarineed ee uu wado,iyadoo sidoo akle loogu baaqay in la sii xoojiyo howlaha u adeegista bulshada iyo ka qeybgalka talada mamaulka.

Zimbabwe(SONNA) Iyadooweli madaxweyne Roberta Mogabe uu diidan yahay in uu xilka ka dego,ayaa hadana madaxda Xisbiga talada dalka Zimbabwe haya ee ZANU-PF sare u qaaday cadaadiska uu ku hayo Madaxweyne Robert Mugabe,waxaaan ay ugu yeereen in uu xilka baneeyo.

Saraakiisha sar sare ee  Hoogamisa  xisbiga ZANU-PF ayaa Mugabe ka dalbanaya in uu xilka iska casilo kadib markii maalintii arbacada ay ciidamada Militariga la waregeen awodda dalkaasi.

Balse Madaxwayne Robert Mugabe wuxuu doonayaa in uu xilkasi ssii hayo ilaa xisbiga uu ku yeelanayo shirka qara ee la filayo in bisha soo socota lagu qabtay Dalkaasi.

Banaan bax ballaaran oo ay taageerayaan militariga Zimbabwe iyo Saraakiisha xisbiga ZANU-PF ayaa lafilayaa in maanta uu ka dhoco magaalada Haraare ee Caasimadda Dalka Zimbabwe.

Hogaamiyayaasha ururka ay ku bahoobeen galbeedka Afrika ayaa wada dadaalo lagu doonayo in lagu soo afjaro,iyadoo Madaxwayne Robert Mugabe uu shalay markii ugu horreysay tan iyo arbacadii ka soo muuqda goob fagaara ah isaga oo ka qaybgalay xaflad qalinjabin ahayd.

Madaxweyne Mugaabe ayaa saran cadaadis xoogan oo dhankasta kaga imaanaya,kaasi oo ah in uu talada wareejiyo maadaama muddo 40 sano ah uu soo maamulayay dalkaasi,tan iyo 1988kii

Militariga Dalkaasi ayaa waxaa ay sheegayaan in ay wada hadal kula jiraan balse ay soo sheegi doonaan natiijada ka soo baxda wadahadaladaasi.

Garoowe(SONNA):–Madaxweynaha dawlad Goboleedka Puntland Dr. Cabdiweli Maxamed Cali Gaas ayaa kormeeray Garoonka diyaaradaha magaalada Garoowe, kaas oo dhismihiisu marayo heer gebogebo ah.

Kormeerka Madaxweynaha Puntland ayaa waxaa ku wehelinayey danjiraha dalka China ee Soomaaliya Mr. Qin Jian, Madaxweynihii hore ee Puntland ahna Xildhibaan ka tirsan Aqalka Sare ee Baarlamaanka DFS Cabdiraxmaan Maxamed Maxamuud Faroole, Wasiirka Duulista Hawada iyo Garoomada Puntland, Mudane Axmed Karaasha iyo mas’uuuliyiin ka tirsan goleyaasha dawlad Goboleedka Puntland.

Garoonka diyaaradaha magaalada Garoowe ayaa waxaa dhismihiisa gacanta ku haya shirkad laga leeyahay waddanka Turkiga, waxaana sidoo kale  dhismaha Garoonka diyaaradaha magaalaga Gaalkacayo isna dhisaya shirkadda CCECC taas oo laga leeyahay waddanka China, isla markaana waxa ay shirkadda CCECC  dhowaan bilaabi doontaa dhismaha waddada Garoowe – Eyl iyadoo hore u dhistaytay dhismaha garoonta diyaaradaha ee magaalada Boosaaso.

Shirkadda CCECC ayaa sidoo kale dalka ka wadda mashruuc horumarineed oo kale kuwaas oo wax tar u leh mustaqbalka shacabka.

Dhinaca kale Madaxweynaha dawlad Goboleedka Puntland, Danjiraha dalka China ee Soomaliya iyo mas’uuliyiinta kale ee wehelinayseyba ayaa waxa ay kormeer kadib wakhti ku qaateen Hotel Garand ee Magaalada Garoowe.

Danjiraha dalka China ee Soomaaliya Mr. Qin Jian ayaa booqday xarunta warbaahinta dawlad Goboleedka Punrland ee magaalada Garoowe [PUNTLAND TV AND RADIO ], waxaana uu sheegay safiirku in xaruntu tahay mid shaqadeeda iyo wax qabadkeeduba caalamka oo dhan ku baahey, isla markaana bishay bilicda, quruxda iyo waanaaga deegaannada Puntland iyo guud ahaanba Soomaaliya, sigaarana hadda iyo jeer shacabka ugu ifisa wax qabadka dhaxalgal ka ah ee Madaxweynaha dawlad Goboleedka Puntland Dr. Cabdiweli Maxamed Cali Gaas, waxqabadkaas oo ku qotoma dhismaha kaabayaasha dhaqaalaha ee Puntland.

Danjiraha Dalka China ee Soomaaliya oo ay wehelinayaan saraakiil ka tirsan Madaxtooyada Puntland ayaa waxa ay kormeer ku tegeen xafiiska ay shirkadda CCECC ku leedahay magaalada Garoowe, halkaasi oo uu safiirku kula kulmay qayb ka mida shaqaalha  shirkaddaasi.

Ugu danbayn, Danjiraha dalka China ee Soomaaliya Mr. Qin Jian iyo weftiga uu hogaaminayey ayaa waxa ay xarunta Hidda Raac Garoowe kaga qayb galeen qado sharaf  ay ku marti qaadeen madaxtooyada dawlad Goboleedka Puntland, waxaana ay qado sharafta kadib kulamo la qaateen qaar ka mid ah mas’uuliyiinta hay’addaha Puntland.

=DHAMMAAD=

Soomaaliland(SONNA) Wararka ka imaanaya Soomaaliland ayaa sheegaya in xaaldda xaafadaha ay xalay rabshado ka dheceen xalay ee ka tirsan Hargeysa iyo Burco, ay tahay mid degana,iyadoo gudiga doorashooyinkan uu booqyo isdaba jog ah uu u jeedinayo dadka deegaanka.

Rabshado gacan ka hadal ah ayaa sababay dhimashada inta la ogyahay labo qof oo shacab ah kadib markii taageerayaasha Xisbiga Mucaaradka ee Wadani ay sameeyeen isku so baxyo.

Maxamed Diiriye Xayd oo ah Gudoomiye ku xigeenka Gobolka Togdheer ee Soomaalilabd warbaahinta u sheegay in ay daggan tahay xaaladda xaafadihii ay rabshadaha ka dhaceen xalay ee Burco.

Waxay arrintani ka dambeysay markii mas’uuliyiin ka tirsan xisbiga mucaaradka ee Waddani ay dhaliil u soo jeediyeen hanaanka doorashada. Waxay sheegeen in ay hakiyeen wadashaqeyntii ay la lahaayeen guddiga doorashooyiinka ka dib markii “la dhagaysan waayay cabashadooda” ku aadan doorashadii la qabtay Isniintii.

Balse guddiga doorashooyiinka Soomaaliland ayaa codsaday in ciddii cabasho qabta ay u gudbiyaan guddiga, sidoo kale wuxuu ku baaqay in aan laga hordhicin natiijada,isagoo gudigu intaasi ku daray in aanay jirin wax isdaba marin xaga doorashada ah.

Cabduqadir Imaan Warsame oo ah guddoomiyaha guddiga doorashooyinka ayaa sheegay in ay diyaar u yihiin in ay la hadlaan oo ay qanciyaan cidkasta oo waxtabanaysa.

Ciidamo aad u farabadan oo ammaanka suga ayaa la geeyey goobihii rabshaduhu ay ka dheceen,si ay uga hortagaan falall kale oo halkasi ka dhaca.

Musharraxa xisbiga mucaaradka ee Waddani, Cabdiraxmaan Cirro ayaa taageerayaashiisa ugu baaqay in ay nabadgelyada ilaaliyaan. Dhanka Booliska wuxuu ka dalbaday in ay shacabka si wanaagsan ula dhaqmaan.

Shacabka Soomaaliland ayaa dhagaha u taagaya natiijada ka soo baxda doorashada madaxtinimo ee Soomaaliland,iyadoo ay jiraan kormeerayaal caalami ah oo iyana la socda habsami u socodka doorashadaasi.

Muqdisho( SONNA) Hay’adda Socdaalka iyo Jinsiyadda ayaa maanta la wareegtey doon nooca dheereysa ah oo lagu koontorooli doono socdaalada xuduudaha badda.

Doontaan oo ay isticmaali doonaan saraakiisha laanta Hay’adda u qaabilsan xuduudaha badda ayaa lagu fulin doonaa howlgalada raadinta ah ee looga hortagayo socdaalada sharci darada ah ee ka baxaya ama ka soo galaya dalka dhinaca badda, waxayna laantaani la shaqeyn doontaa ciidamada ilaalada xeebaha Dalka.

Sarkaal ka tirsan Hay’adda Socdaalka iyo Jinsiyadda Soomaaliya oo la hadlay Wakaaladda Wararka Soomaaliyeed ee SONNA ayaa sheegay in doontaan muhiim u tahay shaqada Hay’adda,islamarkaana lagu ilaalinayo socdaalka xuduudaha badda,waxayna sidoo kale la shaqeyn doonaan ciidamada badda Soomaaliya.

Hay’adda Socdaalka iyo Jinsiyada Soomaaliya ayaa doonta nooca dheereysa ka heshay Hay’adda Socdaalka Aduunka ee marka magaceeda la soo gaabiyo loo yaqaano (IOM),waxaana loogu talagalay in lagu daba galo socdaalka sharcidarada ee ka jira Xeebaha Soomaaliya.

Hay’adda Socdaalka iyo Jinsiyadda ayaa dadaal ugu jirta sidii ay ku horumarin lahayd Laanta socdaalka iyo Jinsiyadda dalka,waxaana si arintaasi u suurta gasha ay mas’uuliyiinta Hay’adda u gaareen dalal badan oo caalamka ka tirsan.

Sida ay baahinayaan warbaahinada caalamka qaarkood,Maxkamad ku taaalla Jermalka ayaa go’aan ku gaartay in shirkadda diyaaradaha ee Kuwait airline ay xaq u lahayd in ay diido in aysan qaadin muwaadin Israa’iil u dhashay,taasi oo keentay kala tuhun oo kala dhexgala labada dal.

Maamulka Yuhuudda ayaa lagu soo waramayaa in ay u arkaan go’aankaasi mid aan wanaagsanayn islamarkaana ay caro xoog leh ka muujiyeen,kadib markii Shirkadda Kuwait Airways ay diiday in ay qaado macmiil ka goostay tigid oo ka bixi lahaa Frankfurt isaga oo u socday magaalada Bangkok ee ee xarunta Dalka Thailand,waxaana Maxkamad ku taalla Frankfurt ay sheegtay in shirkadda diyaaraddu ay ixtiraamaysay shuruucda dalka Kuwayd oo aan aqoonsanayn dalka Israa’iil.

Waxay sheegtay Maxkamaddu in aysan awoodin in ay meesha ka saarto sharciga dalka Kuwayd, Sharciga dalka Jermalkuna uu qeexayo faquuqa ku salaysan, midabka, qawmiyadda ama diinta balse aysan ku jirin muwaaddinnimada.

Qareenkii u doodayay rakaabka oo lagu magacabo Nathan Gelbart ayaa go’aanka maxkamadda ku tilmaamay “mid laga xumaado marka si guud loo fiiriyo dimuqraadiyadda iyo ka Jermal ahaanba,isagoo yiri“Go’aankaasi ma sii taagnaankaro, rakaabkuna racfaan ayuu ka qaadan doonaa xukunka ayuu yiri.

Waxaa sidoo kale arrintani aad uga soo horjeestay Guddiga dhexe ee Yuhuudda Jermalka oo sheegay “in ay tahay wax aan la aqbali karin in shirkad ajnabi ah loo ogolaado in ay Jermalka ka dhex shaqayso iyadoo ku dhaqmaysay arrin caalamka looga arko in ay Yuhuudda liddu ku tahay.

Hargeysa-(SONNA)-Maamulka Soomaaliland ayaa digniin adag u jeediyay Dad la sheegay inay halkaasi ka abaabulayaan rabshado ay kaga soo horjeedaan howsha tirinta codadka ee doorshooyinkii dhacay dhawaan.

Jeneral Cabdillaahi Fadal Iimaan,Taliayaha ciidanka Booliska Soomaaliland ayaa sheegay in Magaalooyinka Hargeysa, Burco iyo Ceerigaabo ay ka dhaceen rabshado, isagoo ku baaqay in la joojiyo wixii wax u dhimaya ammaanka.

Gen;Fdal ayaa intaa raaciyay inay tallaabo ka qaadi doonaan ciddii nabad-galyada wax u dhinta, ayna gacan adag ku qaban doonaan amniga oo uu sheegay in lagula xisaabtami doono Dadka ka dambeeya.

Guddiga doorashooyinka Soomaaliland ayaa horay u shaaciyay inayan jirin wax is daba marin, markii uu xisbiga Waddani sheegay inay ku gacan sayreen qaabka ay u socoto tirinta codadkii la dhiibtay.

Muqdisho(SONNA) Maxamed Abuukar Isloow Ducaale Wasiirka amniga Xukumadda Federaalka Soomaaliya  ayaa digniin u diray dadka ka shaqeeya faafinta wararka been abuurka ah.

Wasiirka amniga oo ka qeybgalay shirkii Golaha Wasiirada ayaaa ka warbixiyay howlgaladii ugu dambeyeey oo ciiidamadu ay ka sameeyeen degmada Afgooye,kuwaasi oo lagu soo qab qabtay ilaa 29 qof oo isugu jira horjoogayaal iyo Maleeshiyaad katirsan Shabaab.

Sidoo kale waxaa uu sheegay in aysan aqbali doonin in la qal qal geliyo ammaanka dalka iyo in been laga sheego Hay’ddaha ammaanka Dowladda Soomaaliya,isagoo xusay in ay ka shaqeynayaan xasilinta degaanada laga saaro Al-Shabaab ee gobolada dalka.

C/raxmaan Cumar Cismaan (Eng. Yariisow) Wasiirka Warfaafinta Dhaqanka iyo Dalxiiska Dowladda Soomaaliya ayaa sheegay in Wasiirka amniga uu Golaha Wasiirada ka hor sheegay in si adag loola xisaabtamayo dadka ka shaqeeya faafinta wararka been abuurka ah iyo kuwa amniga dalka lagu qal qal gelinaya.

Shirkii Golaha Wasiirada Xukuumadda Soomaaliya oo shalay ku yeesheey magaalada Muqdisho waxaa ay kaga hadleen arrimo ay kamid yihiin xoojinta ammaanka Dalka.