Qaraxa oo ahaa gaari waxyaabaha qarxa laga soo buuxiyay ayaa la sheegayaa in lala eegtay afafka hore ee Hotel Nasahablood2,iyadoo isla markiina ay bilaabatay rasaas aad u xoogan oo loo maleynaynayo in ilaalada hoteelka iyo kooxdii qaraxa fulisay ay is weedaarsanayaan.

Daqiiqado kadib ayaa waxaa  dhacay  qarax labaad oo la shegayo inuu ka dhacay meel u dhow  Taalada daljirka dahsoon.

waxaa adag in la ogaado halka uu gaarsiisanyahay qasaraaha qaraxa maaadaama ay wadada xirantahay welina la maqlayo dhawaqa rasaasta,waxaana ku sii qul qulaya goobta uu qaraxa ka dhacay Gaadiidka Gurmadka deg dega.

waxii faah faahina kala soco wararkeena danbe in shaa alaah.

VillaSoomaaliya(SONNA) Iyadoo maanta magaalada Muqdisho ay ku sugan yihiin madaxda Dowlada Goboleedyada Dalka ayaa waxaa bilowday kulamo wadatashi oo horudhac ah oo u dhexeeya madaxda Dowladda Federaalka Soomaaliya iyo kuwa Dowlada Goboleedyada

Ajandahaha looga hadlayo kulamadan horudhaca ah ayaa la xiriira in la mideeyo istraatiijiyada ku aadan duulaanka ka dhanka ah maleeshiyada Argagixisada Shabaab, taasi oo ay isku afgarteen madaxda Dowladda Federaalak Soomaaliya iyo kuwa Dowlada Goboleedyada.

Warar ay wakaaladda SONNA ka heshey madaxtooyada Soomaaliya ayaa sheegaya in la isku raacay ajandaha ugu muhiimsan oo ah in midoobo gulafka Alshabaab ka dhanka ah.

Sidoo kale kulamadan ayaa horudhac u ah shirkii loo balansanaa in maanta ay yeeshaan madaxda Dowladda Soomaaliya iyo maamul Goboleedyada ay kulamadan horudhac u yihiin taasi oo lagu sii xoojinayo ajandayaasha ugu muhiimsan ee lagu gorfeyn doono shirkaasi marka uu toos u furmo.

Madaxweynaha Jamhuuriyadda Federaalka Soomaaliya Mudane Maxamed C/llaahi Farmaajo ayaa dhawaan madaxda Dowlad Goboleedyada Dalka ku casuumay shir wadatashi ah,kaasi oo haatan ay bilowdeen kulamo horudhac u ah adandayaasha looga hadlidoono shirkaasi.

Madaxada Dowladda Federaalak Soomaaliya ayaa sheegay in dalka uu dagaal ka dhan ah SHabaab uu gali doono,maalimo kadib markii ku dhawaad 600 boqol oo qof oo aan waxba galab ay xasuuqeen maleeshiyada SHabaab,taasi oo si isku mid ah u saameysay dareenka bulshada Soomaaliyeed iyo guud ahaan madaxda Dalka.

Ra’iisul Wasaaraha Xukuumadda Soomaaliya mudane Xasan Cali Kheyre iyo wefdi uu hogaaminayey oo maalmahaan ku sugnaa dalka Turkiga ayaa maanta dib ugu soo laabtay dalka, iyadoo garoonka diyaaradaha ee magaalada Muqdisho ay kusoo dhaweeyeen masuuliyiin katirsan dowladda Soomaaliya.

Mudane Xasan Cali Kheyre ayaa intii uu ku sugnaa dalka Turkiga kulamo xaaladda dalka la xirira lasoo qaatay madaxda dowladda Turkiga, iyada oo waxyaabihii ay ka wada hadleen isku soo fahmay.

Ra’iisul Wasaaraha dalka ayaa sidoo kale Turkiga intii uu joogay soo booqday dhaawacyada musiibadii 14-ka October ee kujira Isbitaalada dalka Turkiga.

Muqdisho(SONNA) Iyadoo Soomaaliya ay haatan  cagta saareyso dhabihii horumarka iyo geedi socodka Nabadda ayaa Midowga Africa waxaa uu rajo wanaagsan ka muujiyay in Soomaaliya ay horumar ku talaabsato sanadaha soo socda.

Wakiilka Gaarka ah ee Midowga Africa u qaabilsan Soomaaliya ayaa Fransisco Madiera ayaa qoraal kooban oo la soo dhigay barta Twitterka ee Amisom kaga hadlay xaaladda Soomaaliya iyo dadaalada socoda.

Danjire Madeira ayaa sheegay in Soomaaliya ay u baahantahay midnimo waarta si ay dib ugu soo ceshato sumcadeedi iyo horumarka dalka uu ku laha caalamka intiisi kale.

Ergeyga gaarka ah ee Midowga Africa ayaa u rajeeyey Soomaaliya in ay ku talaabsato barwaaqo iyo horumar,isagoo xusay in haatan ay muuqato ififaalo ku aadan arrintaasi.

Dalalka Midowga Africa ayaa dowladda Soomaaliya ka taageera dhinacyo badan oo uu ugu horeeyo amniga iyadoo qaar kamid ah wadamadaasi ay ciidamo kajoogaan Soomaaliya.

Ra’isul Wasaaraha Jamhuuriyadda Federaalka ah ee Soomaaliya Mudane Xasan Cali Kheyre ayaa soo gabagabeeyey safar shaqo oo seddex maalin qaatay oo uu ku joogay dalka Turkiga.

Mudane Xasan Cali Kheyre ayaa inta uu joogay dalka Turkiga waxa uu la kulmay Madaxda dalkaasi Turkiga iyaga oo ka wada hadlay sidii loo xiijin lahaa xiriirka labada dal isla markaana iskaashi badan loo sameyn lahaa.

Ra’isul Wasaaraha iyo Wafdigiisa ayaa la filayaa in ay maanta dalka dib ugu soo laabtaan si uu uga qeyb galo shirka Dowladda Federaalka ah iyo Madaxda Dowlad Goboleedyadda Dalka.

Mudane Xasan Cali kheyre ayaa sidoo kale booqday dhaawacyadii Musabadii Qaran ee 14 oktoobar ee loo qaaday dalka Turkiga.

Magaalada Muqdisho waxaa kusoo qul qulaya madaxda dowlad goboleedyada dalka oo qaarkood ay soo gaareen magaalada Muqdisho si ay uga qeyb galaan shirka uu ku casuumay madaxweynaha JFS mudane Maxamed Cabdullaahi Farmaajo.

Masuuliyiin katirsan dowladda ayaa madaxda dowlad goboleedyada dalka kusoo dhaweynaya garoonka diyaaradaha ee magaalada Muqdisho, madaxdaas oo uu ugu horeeyo Wasiirka Arrimaha Gudaha Federaalka iyo Dib u Heshiisiinta Mudane Cabdi Faarax Siciid (Juxa).

Wasiirka Arrimaha gudaha federaalka iyo dib u heshiisiinta Soomaaliya mudane Cabdi Faarax Siciid (Juxa) oo warbaahinta lahadlay ayaa sheegay in wali ay kujiraan soo dhaweynta madaxda dowlad goboleedyada oo intooda badan iminka ay joogaan magaalada Muqdisho, sidaasi daraadeedna shirku uu furmi doono maalinta bari ah.

Madaxweynaha JFS mudane Maxamed Cabdullaahi Farmaajo ayaa horey u iclaamiyey in dhamaadka bishaan Muqdisho uu ka furmayo shirka madaxda dowlad goboleedyada iyo dowladda Federaalka ah ee Soomaaliya, kaasi oo arrimo badan lagu falanqeyn doono.

Wefdi uu hoggaaminayo Guddoomiyaha Golaha SHacabka Jamhuuriyadda Soomaaliya Mudane Maxamed Sheekh Cusmaan Jawari ayaa u amba baxay dalka Suudaan kadib markii uu casuumaad ka heley dhigiisa.

Waxaa ku wehliya safarkiisa guddoomiye Jawaari xildhibaano katirsan Golaha SHacabka,iyadoo ay halkaasi ku sii sagootiyeen mas’uuliyiin katirsan Dowladda Soomaaliya.

Guddoomiayah Golaha SHacabka iyo wefdigiisa ayaa kulamo la yeelan doonaan madaxda dalkaasi Suudaan oo uu ugu horeeyo guddoonka baarlamaanka Dalkaasi oo casuumaad rasmi ah u fidiyay wefdigan.

Mas’uuliyiinta ayaa lafilayaa in ay ka wada hadlaan xiriirka iskaashiga ah ee ka dhexeey alabada baarlamaan iyo sidii loo xoojin lahaa iskaashigooda.

Ra’isul Wasaaraha Jamhuuriyadda Federaalka ah ee Soomaaliya Mudane Xasan Cali Kheyre ayaa soo gabagabeeyey safar shaqo oo seddex maalin qaatay oo uu ku joogay dalka Turkiga.

Mudane Xasan Cali Kheyre ayaa inta uu joogay dalka Turkiga waxa uu la kulmay Madaxda dalkaasi Turkiga iyaga oo ka wada hadlay sidii loo xiijin lahaa xiriirka labada dal isla markaana iskaashi badan loo sameyn lahaa.

Ra’isul Wasaaraha iyo Wafdigiisa ayaa la filayaa in ay maanta dalka dib ugu soo laabtaan si uu uga qeyb galo shirka Dowladda Federaalka ah iyo Madaxda Dowlad Goboleedyadda Dalka.

Mudane Xasan Cali kheyre ayaa sidoo kale booqday dhaawacyadii Musabadii Qaran ee 14 oktoobar ee loo qaaday dalka Turkiga.

Maanta ayaa lagu wadaa sida Qorshu yahay in magaalada Muqdisho uu ka furmo shirka madaxda dolwadda Federaalka Soomaaliya iyo Kuwa Dowlad Gobaleedyada Dalka.

Shirkaan ayaa horay waxaa u iclaamiyay in maata oo taariikhudu tahay 28-ka Bisha October uu magaalada Muqdisho ka furmo madaxweynaha Jamhuuriyadda Soomaaliya Mudane Maxamed C/laahi Farmaajo.

Shirkaan ayaa waxaa sidoo kale ka qaybgali doono Guddoomiyaha Gobalka banaadir Ahna Duqa magaalada Muqdisho Taabit Cabdi Maxamed.

Waxaa looga hadli doonaa Shirkaan wadashaqaynta Dowladda Dhexe ee dalka iyo Dowlada gobaleedyada iyo sidoo kale Dagaalka lagaula jiro Maleeshiyada Argagixisada ah ee Al-Shabaab in la sii xoojiyo.

Madaxda dowladda Federaalka Soomaaliya ayaa horay u sheegay in loo baahanyahay in loo midoobo dagaalka lagula jiro Argagixisada Al-Shabaab kuwaas oo u taagan dhibaartaynta Shacabka Soomaaliyed.