Madaxweynaha dalka Mareykanka Donald Trump dafiray soo dhoweeyn uu horey u soo dhoweeyay war murtiyeed laga soo saaray dhammaadka shir madaxeedka wadamada G7 isagoo dalka Kanada ku eedeeyay waxa ugu ku tilmaamay “Daacad darro”.

Waxa uu sheegay in wadamada kale ay ku soo rogeen canshuur baaxad weyn dalka Mareykanka.

War murtiyeedka, oo looga hadlay “shuruuc ku saleeysan habka ganacsiga”, ayaa la gaaray xilli ay xiisad ka taagan canshuurta tariifada ee laga qaado walxaha biraha iyo qalabka biraha dhismaha ee lala soo dego.

R/wasaaraha Kanada Justin Trudeau ayaa wacad ku maray in horey loo wado canshuuro aargoosi ah oo lagu soo rogayo waxyaabaha laga keeno dalka Mareykanka marka la gaaro 1-da bisha July ee nasoo aadan.

Isagoo ka hadlayay shirjiraa’id, waxa uu ku tilmaamay in ay ahayd “aflagaado” go’aanka Trump waxa uu ku sheegay walaacyada Amniga qaranka si uu cudur daar ugu sameeyo tariifooyinka canshuuraha ee uu kusoo rogay ganacsiga biraha ee metallic aluminum-ka.

“waa wax lag shalaayo laakiin waxa ay noqon doontaa xal la kala cadeeyo marka aan horey ugu dhaqaaqno talaabooyin aargudasho leh 1-da bisha July,” sidaasi waxaa sheegay Mr Trudeau. “dadka Kanada waa dad xushmad badan oo xaqiiqada ku taagan balse ma noqon doono kuwa lagu riixo waxyaabahaasi.” Ayuu yiri Justin Trudeau.

Madaxweynaha dalka Mareykanka Donald Trump oo dhinaciisa ka hadlay arrintan ayaa hadaladiisa aad uga fogaa oo aanan kusoo darin ereyadii uu horey u jeediyay hadda kahor, labada mas’uul ayaa si fagaare ah iyo hadallo si gaar ah uu ula yeeshay ayaa Mr Trump, xafiiskiisa waxa laga soo saaray hadalkan.

Midowga Yurub ayaa sheegay in ay ku dhagan tahay war murtiyeedka kasukoow go’aanka madaxweyne Trump kasoo baxay.

“waxa aan taageersanahay ballanqaadyada laga sameeyay eek u jira war murtiyeedka G7,” sidaasi waxaa laga soo xigtay ilo wareed sare oo kasoo baxay dalka.

Madaxweynaha Mareykanka oo bartiisa twitter-ka soo dhigay xilli uu ku socday shir madaxeedka kale ee uu kaga qayb galayo dalka Singapore ayaa sheegay inuu isagu amray saraakiisha Mareykanka “in aysan soo dhoweeyn war murtiyeedka iyadoo uu xilligan Mareykanku dib u eegis kusameeynayo canshuuraha baabuurta uu sameeyo mareykanka”.

Waxa uu sheegay in tallaabada ay ku saleeysanayd bayaanka been abuurka ah ee shirka jiraa’id ee R/wasaare Justin Trudeau, xaqiiqadana ay tahay in Kanada ay wado sidii ay ugu soo rogi lahayd canshuur baaxad leh dadka beeraleyda ah, shaqaalaha iyo shirkadaha dalka Mareykanka “.

Isagoo ugu dambeeyntii ku tilmaamay Mr Trudeau inuu yahay qof “aan daacad ahayn oo liita “.

Mr. Trump ayaa goor hore saxiixay bayaanka war murtiyeedka ay ku heshiiyeen dhammaan wadamada ku bahoobay Ururka G7 kasukoow muranka ka taagan xagga ganacsiga.

In ka badan labo bilood falastiiniyiinta Gaza ayaa dhigayay mudaharaadyo meel udhow deegaanada xeeyndaabka ay joogaan ciidamada Israa’iiliyiinta ah, kaasi oo ay ku dalbanayaan in lasiiyo  xaqa ay u leeyihiin in ay dib ugu laabtaan guryahooda iyo deegaanadii laga ceyriyay qoysas kooda muddo haatan laga joogo 70-sanadood. kahor.

Dibadbaxii ugu weynaa oo dhacay bishii March ayaa lasoo gabagabeeyey 15-kii bishii May ee lasoo dhaafay, si ay astaan ugu noqoto waxa ay dadka Falastiin ugu yeereen Nakba, ama masiibada–tixraac lagu qasbay in meesha laga saaro 750,000 oo falastiiniyiin ah, kuwaasi oo laga saaray guryihii iyo tuulooyinkii ay ku noolaayeen si meesha loogu diyaariyo deegaamaynta Israa’iiliyiinta.

Taniyo markii ay dibad baxayaasha bilaabeen 30-kii bishii March, ciidamada Israa’iil waxa ay toogasho ku dileen 124 falastiiniyiin ah deegaanka la hareereeyay ee xeebta islamarkaana waxaa ay dhaawacyo halkaasi kasoo gaareen in ka badan 13,000 qof.

Saraakiisha caafimaadka ee marinka Gaza ayaa sheegaya in askarta Israa’iil ay dilleen tiro falastiiniyiin ah xiligii dibadbaxyada meel udhow deyrka ay isra’el xoogga ku dhistay.

Yuusuf Al-Fasix oo ah 29-sano jir a ayaa lagu dilay isagoo ka qayb galayay dibad baxa Bariga jiidda Qaza.

Sida ay sheegtay wakaaladda Wararka Wafa ee Falastiin, Askarta Israa’iil ayaa dhaawacay In ka badan 600 qof oo Falastiiniyiin ah, kuwaasi oo uu ku jiro sawir qaade Muxamed Abed al-Baba, kaasi oo ka dhaawacmay lugta.

Al-Baba, ayaa u shaqeeyn jiray AFP waxaana uu u qaabilsanaa magaalada Jiida Qaza sanadkii  2000, askarta Israa’iiliyiinta kasoo toogteen meel 200 mitir u jirta xeyn-daabka Bariga magaalada Jabalia ee waqooyiga Qaza.

Wasiirka Arimaha Dibadda Lubnaan ayaa ku eedeeyay Hay’adda Qaramada Midoobay in ay fidanayso cabsida islamarkaana ay niyad jebin ku hayso dadka qaxootiga ah ee kasoo cararay dagaalada Siiriya.

Lubnaan ayaa amartay in la joojiyo codsiyada deegaamaynta oo ay soo gudbinayaan shaqaalaha Hay’adda qaxootiga qaramada midoobay ee UNHCR, waxaana ay ku eedeeysay in ay taasi niyad jab ku tahay dadka qaxootiga ah ee ku laabanaya gurigooda hooyo.

Gebran Bassil oo ah wasiir katirsan xukuumadda Lubnaan ayaa sheegay in ay hay’addu hakad gelisay soo noqoshada qaxootiga iyadoo fidisay warar ku aadan cabsidaasi.

Mr. Bassil ayaa intaasi ku daray inuu qaadi doono talaabooyin dheeraad ah oo looga soo horjeedo hay’addaasi.

Bayaan ay soo saartay dowladda islamarkaana ay ku saxiixan tahay wasaaradda Arrimaha dibadda Lubnaan, ayaa lagu sheegay in shaqaalaha hay’adda Qaramada Midoobay ee qaxootiga u qaabilsan ay ka shaqeeynayaan sidii niyad jab loogu beeri lahaa qaxootiga Siiriya iyagoo waydiinaya su’aalo qeyexan kuwaasi oo cabsi gelinaya xaaladahooda dhinaca amniga ee gudaha dalkaasi Syria iyo sidii dib loogu celin lahaa iyadoo aysan jirin aragti guud oo caalami ah oo lagu eegay arrintani.

UNHCR waxa ay si qeyexan u sheegtay in ay ka shaqaynayso in aysan dadkaasi dib ugu laaban dalkooda, taasina ma ahan waajibaadka saaran iyaga,”

“Waajibaadka UNHCR ayaa ah in ay dadka u xaqiijiso waxa ay sameeynayaan”, laakiin waxa dhacaya ayaa ka baxsan Arimahani”,  sidaasi ayaa waxaa lagu qoray bayaanka Wasaaradda A/dibadda ee dalka Lubnaan.