Warsaxaafadeed kasoo baxay xafiiska ra’iisalwasaaraha xukuumada federaalka ah ee soomaaliya ayaa lagu cambaareyey dhacdadii dadka rayidka ah ay kudhinteen ee dhawaan ee maalin ka hor kadhacday Magaalada Muqdisho.

Warsaxaafadeedka kasoo baxay dowlada Soomaaliya waxay kusheegtay in inkastoo dowlada ay garowsantahay duruufaha ay kushaqeeyaan ciidamada NAbad ilaalinta Midowga Africa ee Amisom haddana Dowlada ay waajib k saarantahay ilaalinta shacabkeeda, waxayna kuwargalisay Xafiiska  Midowga Africa ee Amisom in si deg deg ah loosoo dhameystiro baaritaanka dhacdadan si cidii kadambeysay sharciga loo horkeeno.

Warsaxaafadeedkana Wuxuu Uqornaa Sidatan.

Muqdisho November 7 (SNTV):- Guddoomiyaha Aqalka sare ee dalka Wasiiro, Xildhibaanno iyo marti sharaf kale ayaa ka qeyb galay munaasabad lagu daah furayay Istaraatijiyadda Wacyigelinta Qaranka, kaasi o ay soo qaban qaabisay Wasaaradda Warfaafinta Dhaqanka, Dalxiiska ee Xukuumadda Federaalka Soomaaliya.

Agasimaha Guud ee Wasaaradda Warfaafinta, Dhaqanka iyo Dalxiiska Mudane Cabdiraxmaan Yuusuf Sheekh Al-Cadaala ayaa sheegay in Istaraatiijiyadda Wacyigelinta Qaranka la soo waday muddo dhowr sano ah taasi oo ku timid daraasad ay Wasaaraddu sameysay oo ah waxyaabaha ay dadku u baahanyihiin in laga wacyigeliyo.

“Daraasadda waxaa ka soo baxay hal beegyo waa weyn, oo ah meelaha ay tahay in dadka Sooamaliyeed laga wacyigeliyo, farsamayaqaanada Wasaaradda waxa bileen xog arruurin, si loo qaabeeyo, waxaana bishii la soo dhaafay Golaha Wasiirada ay meel mariyeen Istraatijiyadda Wacyigelintå Qaranka oo aan rabno inaan maanta idinla wadaagno” ayuu yiri Agaasime Cadaala.

Qaar ka mid ah ururada bulshada rayidka ah ee madasha ka hadlay ayaa sheegay inay soo dhaweynayaan daahfurka Istaraatiijiyadda Wacyigelinta Qaranka oo la joogteeyo wacyigelinta shacabka Soomaaliyeed.

Wasiirka Caafimaadka ee Xukuumadda Federaalka ah ee Soomaaliya Drs Fowsiyo Abiikar Nuur ayaa sheegtay inay tahay wax lagu farxo la dagaallanka jahliga iyo sidii bulshada loo siin lahaa wacyigelin guud.

Wasiirka Dhallinyarada iyo Cayaaraha ee Xukuumadda Soomaaliya Marwo Khadiijo Maxamed Diiriye ayaa sheegtay in barnaamijka dadka lagu wacyigeliayo uusan ahayn kaliya mid dowladeed balse shacabka ay wax ku leeyihiin, iyadoo arrintaas ay hormuud ka tahay Wasaaradda Warfaafinta, loona baahanyahay in bulshada la fahamsiiyo ahmiyadda ay Nabadda iyo wacyigelintu leedahay.

Wasiirka Wasaaradda Warfaafinta, dhaqanka iyo Dalxiiska ee Xukuumadda Soomaaliya Mudane Daahir Maxamuud Geelle ayaa hoosta ka xariiqay in barnaamijkan la soo waday waqti badan, isla markaana uu isagu ku soo aaday gunaanadkisa iyo meel marintiisa.

“Mas’uuliyiin iyo dhallinyaro badan oo Soomaaliyeed ayaa ka soo shaqeeyay, meesha waxaa ugu muhiimsan Isqaadasho oo ah qodob aad u muhiimsan, qodobka kale waxa uu yahay, xagjirka , fikirka xagjirka ah waxa uu yahay in wiilasha dhallinyarada ee dhufeyska meesha qaldan kaga jira, inaan toosino iyaga oo aan la delin tusno inay qalad ku jiraan” ayuu yiri Wasiirka Warfaafinta.

Guddoomiyaha  Golaha Aqalka sare ee dalka Mudane Cabdi Xaashi Cabdullaahi ayaa sheegay in bulshada ay ka shaqeeyaan midnimada Ummadda, waxaana Madaxda Wasaaradda Warfaafinta ku bogaadinayaa inay xoojiyaan wacyigelinta bulshada.

“Waxaan Wasaaradda Warfaafinta u soo jeedinaaya inay xooga saaraan fanaaniinta Soomaaliyeed oo kaalin weyn ka qaadan karo wacyigelinta bulshada” ayuu yiri Mudane Cabdi Xaashi oo hadalkiisa ku daray “Soomaaliyeey aan ka shaqeyno midnimadeena iyo wadjirkeena oo aan taageerno hogaankeena, si aan u hiigsano himiladeena”

Muqdisho November 6 (SNTV);-Wasiirka Maaliyadda Xukuumadda Federaalka Soomaaliya  Mudane Cabdiraxmaan Ducaale Beyle ayaa xafiiskiisa kula kulmay Taliyaha Ciidanka Booliska Soomaaliya iyo Saraakiisha ugu sareysay Booliska.

Wasiir Beyle ayaa sheegay in Taliska Ciidanka Booliska Soomaaliyeed uu kala hadlay muhiimada ay leedahay dar dar galinta horumarinta Canshuuraha Dalka iyo ilaalnta hantida Dadweynaha.

Sidoo kale Wasiirka ayaa sheegay in Wasaaradda Maaliyadda ay ka go’an tahay sidii Ciidammada ay bil kasta u heli lahaayeen Mushaaraadka ay xaqa u leeyihiin maadaama ay sugayaan Amniga, dagaalna ay kula jiraan Cadowga Umadda Soomaaliyeed ee Al shabaab oo Shacabka u maleega Weeraro ay ku dhibaateeyaan.

Taliyaha Ciidanka Booliska Soomaaliya Bashiir Cabdi Maxamed iyo Saraakiisha ayaa Wasiir Beyle Warbixin ka siiyay Amniga iyo xasiloonida ay soo hoyeen Ciidamada Booliska, iyagoona balanqaaday inay laba laabi doonaan dadaalka lagu sugayo amniga.