Search
Subscribe
Home Blog Page 1178

Kulan looga hadlay xoojinta Nabadgelyada Caasimadda oo ka dhacay Muqdisho

SNTV
-
0
Kulan looga hadlay xoojinta Nabadgelyada Caasimadda oo ka dhacay Muqdisho

Muqdisho (SNTV):– Wasiirka Amniga ee Xukuumadda Soomaaliya iyo madaxda Maamulka Gobolka Banaadir ayaa maanta kulan la qaatay Guddoomiyeyaasha 17-ka degmo ee Gobolka, Taliyeyaasha ciidanka booliska iyo Guddiga abaabulka wacyigelinta Qaran, kaasi oo looga hadlay xoojinta amniga caasimadda.

Kulanka ayaa intii uu socday waxaa goobta lagu soo bandhigay 3,000 saddex kun oo askari, kuwaasi oo loogu talagalay inay ka shaqeeyaan Nabadgelyada Degmooyinka, isla markaana lagu soo kordhiyay Degmooyinka, si ay u xaqiijiyaan amniga caasimadda.

Guddoomiye Ku-xigeenka amniga iyo siyaasadda ee Maamulka  Gobolka Banaadir Mudane Maxamed Cabdullaahi Tuulax ayaa sheegay in wadashaqeyn la’aanta ay tahay tan ugu badan ee dhibaatada ka soo gaarto shacabka, isla markaana aan loo dulqaadan doonin in markale ay dhacdo wada shaqeyn la’aan dhex marta Maamulada degmooyinka iyo taliyeesha saldhigyada booliska.

Guddoomiyaha Gobolka Banaadir ahna duqa Muqdisho Mudane Cabdiraxmaan Cumar Cismaan (Eng, Yariisow) ayaa kula dar daarmay Guddoomiyeyaasha Degmooyinka iyo taliyeyaasha saldhigyada booliska inay xoojiyaan la shaqeynta Guddoomiyeyaasha Waaxyaha ilaa iyo heer tabeelle ee Degmooyinka, si loo xaqiijiyo amniga caasimadda.

Wasiirka Amniga ee Xumuumadda Soomaaliya Mudane Maxamed Abuukar Isloow Ducaale ayaa sheegay in mas’uul kasto lagula xisaabta tami doona shaqadiisa ee dhanka ammaanka magaalada, isla markaana aan cidna lagala gorgortami doonin sugidda Nabadgelyada.

Taliyaha ciidanka xoogga dalka oo ka digay in la dhisto dhulka ciidanka

SNTV
-
0
Taliyaha ciidanka xoogga dalka oo ka digay in la dhisto dhulka ciidanka

Muqdisho (SNTV) Taliyaha Ciidamada Xoogga dalka Sareeyo Gaas Daahir Aadan Cilmi (Indho-Qarshe) oo ka hadlayey Barnaamijka kulanka Toddobaadka ee ka baxa Warbaahinta Qaranka ayaa sheegay in ay qabaan walaac ku aaddan in ay socdaan isku dayo lagu boobayo dhulalka deegaanka u ah ciidanka ee ku yaalo qaar ka mid ah Gobollada dalka, waxa uu ka digay arrintaas, hasa yeeshee waxa uu hoosta ka xariiqay in sannadka soo socda ee 2019-ka qorshaha uu ugu jiro in ay dhisaan 6 Xero ciidan oo si wanaagsan loo diyaariyey.

Tababarrada ciidanka Xoogga dalka ayaa loo sameeyey hal Manhaj oo mideeyey tababarrada ay waddamada saaxiibada ah ka caawiyaan ciidanka Malateriga Soomaaliya, taasi oo fursad weyn u ah dib u dhiska ciidanka Xoogga Dalka Soomaaliyeed.

“Si Nabad iyo horumar weyn loo gaaro  waa in xasillooni ay helaan dadka  iyo deegaanka Soomaaliyeed, taasina ay gacanta ugu jirto sida ay shacabka uga go’an tahay in ay si ficil ah uga qeyb qaataan dhismaha ciidamada Xoogga Dalka Soomaaliyeed” ayuu yiri Taliyaha Xoogga Dalka S/Gaas Daahir Aadan Cilmi (Indho-Qarshe).

kulanka todobaadka

SNTV
-
0
kulanka todobaadka

Muqdisho (SNTV)- Waa mid kamid ah barnaamijyada aad  ka daawataan SNTV, sidoo kale aad ka dhageystaaan Radio Muqdisho.

waxaa si gaar ah  loogu faaqidaa todobaakaas waxa ugu weyna, waxaana marti ku ahaa maalintan Taliyada Ciidamada Xoogga Dalka Soomaaliyeed.

Haddaba halkan hoose guji ku riix si’aad u hesho arrima badan oo dheeraad ah

Sama wade

SNTV
-
0
Sama wade

Muqdisho (SNTV)- Waa  mid kami dah barnaamijyada ka  baxa telefeshinka Qaranka Soomaaliyeed, waxaa si gaar ah diiradda loogu saaraa dhibaatooyinka argagixisada ku hayaa shacabka Soomaaliyeed.

Waxaa si  gaar ah barnaamijkan diiradda loogu saaray isxilqaanka shacabka ku dhaqan qeyba kamid ah gobalka Shabeelaha Dhexe ay sameeyeen kaasi oo ujeedkiisu yahay sidii ay isaga difaaci lahaayeen Maleeshiyada Alshabaab.

Haddaba halkan  hoose ayaad ka daawan kartaa xog intaas ka badan

Taakuleynta Ciidamada

SNTV
-
0
Taakuleynta Ciidamada

Muqdisho (SNTV)- Ciidamada Boliiska oo  dib u dayactir ku sameeyay xaruma lagu xanaaneeyo caruurta agoonta Boliiska.

Arrintaas ayaad timid kadib markii ay isxilqaameen ciidamada oo mushaaraadkooda ay ku tabaruceen sidii ay u heli lahaayeen  caruurta walaalahood ay ka geeriyoodeen daryeel.

Arrima kale oo dheeraad ah ayaad Muuqaalkan hoose ka ogaan kartaa.

 

Jubbaland oo taliye KMG ah u magacawday hawlgalka ka socda Jubbada Hoose  

SNTV
-
0
Jubbaland oo taliye KMG ah u magacawday hawlgalka ka socda Jubbada Hoose  

Muqdisho (SNTV)- Saraakiil ka tirsan maamulka Jubbaland ayaa waxa ay sheegeen in isbedel lagu sameeyay saraakiisha horkaceysa hawlgalka ka dhanka ah  maleeshiyada  Al Shabaab ee ka socda gobolka Jubbada Hoose.

General Yuusuf Xasan Cusmaan Dhuumaal ayaa wuxuu sheegay in isbedel lagu sameeyay saraakiisha ciidanka, islamarkaana uu qorshaha yahay sidii Shabaab looga saari lahaa degmada Jamaame oo ay kaabiga ku hayaan ciidanka dowladda iyo kuwa Jubbaland.

Jubbaland ayaa waxa ay sheegtay Korneel Macalin Nuur in si KMG ah uu uga hawgali doono degaanada gobolka Jubbada Hoose ee ay ku sugan yihiin ururka Al Shabaab ee qorshaha uu yahay in maleeshiyada  laga saaro.

Dhinaca kale taliyaha cusub ee la magacaabay Korneel Macalin Nuur ayaa wuxuu sheegay inay laba jibaarayaan dagaalka ka dhanka ah Al Shabaab, wuxuuna shacabka ka dalbady in ay la shaqeeyaan ciidamada.

Dowladda Soomaaliya oo war kasoo saartay murashax-nimada Mukhtaar Rooboow

SNTV
-
0
Dowladda Soomaaliya oo war kasoo saartay murashax-nimada Mukhtaar Rooboow

Muqdisho-(SNTV)-Wasaaradda amniga gudaha ee Dowladda Federaalka Soomaaliya ayaa ka joojisay inuu xilka Madaxtinimo ee maamul Goboleedka Koofur galbeed isu soo sharraxo, Sheekh Mukhtaar Rooboow Cali (Abuu-Mansuur), markii uu Shalay ku dhawaaqay inuu u tartamayo xilka Madaxweyne-nimo ee K/G Soomaaliya.

Qaoraalka ay Murashaxnimada Sheekh Rooboow kasoo saartay Wasaaradda amniga ee Soomaaliya ayaa waxa uu u qornaa sidan:-

Sheekh, Mukhtaar Roobow Cali, oo ka tirsanaa Saraakiisha ugu sarreysa ee Al-Shabaab ayaa Dowladda Soomaaliya isu soo dhiibay Bishii August ee Sanaddii 2017-kii, markii uu sheegay inuu ka tanasulay fekerkii hore ee Argagixisanimada ku dhisnaa.

Soomaaliya oo ka qeyb gashay shir ku saabsan horumarinta Iskaashatooyinka iyo Ganacsiga xorta ah

SNTV
-
0
Soomaaliya oo ka qeyb gashay shir ku saabsan horumarinta Iskaashatooyinka iyo Ganacsiga xorta ah

Muqdisho (SNTV):– Shirka 12 aad ee  Iskaashatooyinka iyo horumarinta Ganacsiga xorta ah ayaa ka socda magaalada Abuja ee Caasimada Nigeria, waxaana Soomaaliya ku matalay shirkan Wasiiru Dowlaha Wasaaradda Ganacsiga iyo Warshadaha ee Xukuumadda Soomaaliya Daahir Cabdi Cabdullaahi (Dr GO)

Shirkan ayaa waxaa ka qeybgalaya Wasiirada ay hoos yimaadaan iskaashatooyinka Afrika kuwaas oo kasocda 27-wadan oo ku bahoobay Iskaashatooyinka Afrika iyo 18 dal oo korjoogta ka ah , Waxaan inta badan Wadamada Shirkaasi ka qeyb galayo ay yihiin kuwa ku jira Suuqa Xorta ah ee Bariga iyo Bartamaha Afrika (COMESA).

Wasiiru Dowlaha Ganacsiga iyo Wershadaha Dowladda Federaalka ah ayaa sheegay in Soomaaliya ay shirkaasi la tagtay qorsheheeda ku aada is hormarinta iskaashatooyinka iyo ka qeyb qaadashada Ganacsiga xorta ah isagoo sidoo kale Wasiirku la kulmay qaar kamid ah Wasiirada dhigiisa ah ee shirka ka qeyb galayay kuwaas oo ay isku afgarteen hirgalinta iskaashi dhanka Ganacsiga ah oo ay la yeeshaan Soomaaliya.

Bishii July ee sanadkan ayaa Ra’iisul Wasaaraha Soomaaliya Mudane Xasan Cali Khayre waxa uu magaalada Lusaska ee dalka Zambia ku saxiixay in Soomaaliya ay ku biirto suuqa xorta ee bariga iyo Bartamaha Afrika ee COMESA waxaana la rumeysan yahay in Soomaaliya ay faa’iido wey ugu jirto ku biiritaankaasi maadaama ay heli dooonto suuq ay geyso badeecadaha iyo Wax soosaarka Soomaalida.

Wasiirka Amniga XFS oo tababar usoo xiray Askar ka tirsan Ciidanka Booliska

SNTV
-
0
Wasiirka Amniga XFS oo tababar usoo xiray Askar ka tirsan Ciidanka Booliska

Muqdisho (SNTV)- Wasiirka Amniga Xukuumadda Federaalka Soomaaliya Mudane Maxamed Abuukar Ducaalle ayaa maanta dugsiga tababarka Booliska ee Gen. kaahiye tababar ugu soo xiray 600 askari oo ka tirsan Ciidanka Booliska Soomaaliyeed.

Ciidanka ayaa loogu talo galay Sugidda Ammaanka magaaladda Muqdisho, waxaana Munaasabadda tababarka loogu soo xiray ku sugnaa Guddoomiyaha Maamulka gobolkq Banaadir, Ku-simaha Taliyaha Ciidanka Booliska S/guuto Zakia Axmed, Saraakiil iyo masuuliyiin kale.

Cutubyadii Tababarka loo soo xiray ayaa soo bandhigay Gaada ka ciyaar Qurux badan iyo dhoola tus ka tarjumaya tababarka ay qaateen oo u socday muddo seddex bilood ah.

Ku-simaha Taliyaha ciidanka Booliska ahna Taliye ku-xiggeenka ciidanka S/guuto Zakia Axmed oo munaasabadda ka hadashay ayaa ciidankaasi kula dardaarantay inay noqdaan kuwa kasoo dhalaala waajibaadka Qaran ee loo igmaday.

Wasiirka Amniga XFS Mudane Maxamed Abuukar Islow ayaa u hambalyeey Ciidanka tababarka loo soo xiray, waxaana uu faray in si wanaagsan ay ula dhaqmaan Bulshadda, ayna u naxariistaan.

 

 

Golaha wasiirada uu digniin u diray Hey’adaha aan shaqeyn ee heysta ruqsadda

SNTV
-
0
Golaha wasiirada uu digniin u diray Hey’adaha aan shaqeyn ee heysta ruqsadda

Muqisho (SNTV)- Ra’iisul Wasaaraha xukuummadda federaalka Soomaaliya, Xasan Cali Khayre, ayaa maanta guddoomiyay kulanka golaha wasiirrada oo looga hadlay qabya-tirka iyo dib-u-eegista dastuurka, amniga, siyaasadda lagula dhaqamayo hay’adaha xafiisyada ku leh dalka dibaddiisa, Istaraatiijiyadda Soo-kabashada iyo kobcinta dawladnimada iyo Hantida Qaranka

Wasaaradda arrimaha dastuurka ayaa golaha warbixin ka siisay horumarrada laga gaaray qabya-tirka dastuurka, caqabadaha iyo fursadaha jira.

Ra’iisul wasaare Xasan Cali Khayre ayaa warbixinta kadib waxa uu wasaaradda ku ammaanay shaqada ballaaran, waxa uuna amar ku bixiyay in dhammaan dhinacyada wada-shaqaynta la leh wasaaradda ay fududeeyaan hawlaha ay qaybta uga yihiin qabyo-tirka dastuurka si guul looga gaaro ajandayaasha qaran dalkuna uu u helo dasruur dhammays-tiran.

Golaha wasiirrada ayaa ansixiyay go’aan ay dhawaan soo saartay wasaaradda qorshaynta, maalgashiga iyo horumarinta dhaqaalaha oo dhigayay in dhammaan hay’adaha dalka ka howl gala ee xafiisyada ku leh dalka dibadiisa ay gudaha dalka xafiisyo ka furtaan kuna shaqo billaabaan kahor Janaayo 01, 2019, hay’addii amarkaas u hogaansami waysana lagala laabanayo ruqsadda ay u haysato ka shaqayta Soomaaliya.

Golaha ayaa sidoo kale ansixiyay Istaraatiijiyadda Soo kabashada iyo kobcinta dawladnimada oo ay soo bandhigtay wasaaradda arrimaha gudaha, federaalka iyo dib-u-heshiisiinta.

Kulanka ayaa Wasaaradda amniga gudaha xukuummadda federaalka Soomaaliya ka dhagaystay warbixnta la xariirta  amniga guud ee dalka, iyo dardargelinta dadaallada lagu xasilanayo guud ahaan Soomaaliya.

1...1,1771,1781,179...1,712Page 1,178 of 1,712

© 2023 Telefishinka Qaranka Soomaaliyeed