Xeerka Guddiga Isku-duwidda Musiibooyinka oo la Ansixiyey

Date:

Guddoomiye ku xigeenka Hay’adda Maareynta Musiibooyinka, Dr. Axmed Cabdi Aadan, ayaa kor-joogteeyay kulan muhiim ah oo ay isugu yimaadeen Dowladda Federaalka, wakiillo ka socday dowlad gobolleedyada, hay’adaha Qaramada Midoobay, NGO-yada maxalliga ah, iyo ururrada bulshada rayidka. Kulankan ayaa lagu ansixiyay xeerka uu ku shaqeynayo Guddiga Qaran ee Isku-duwidda Maareynta Musiibooyinka (NDMCC).

Dr. Axmed ayaa muujiyay muhiimadda wadashaqeynta iyo iskaashiga hay’adaha heer qaran iyo heer dowlad gobolleed, si loo xaqiijiyo maarayn hufan oo wax-ku-ool ah. Wuxuu xusay in maareynta musiibooyinka ay ku imaan karto dadaal wadajir ah, loona baahan yahay iskaashi buuxa oo dhexmara dhammaan hay’adaha iyo bah-wadaagta kale ee ka shaqeysa gargaarka bini’aadannimo.

Guddiga Isku-duwidda Maareynta Musiibooyinka, oo la aasaasay iyadoo la kaashanayo taageerada mashruuca SCRP ee Bangiga Adduunka maal-galiyay, ayaa loogu talagalay in lagu xoojiyo dadaallada lagu maareynayo musiibooyinka dalka. Guddigan wuxuu kaalin muuqata ka qaadan doonaa isku-dubbaridka dadaallada gurmadka iyo ka hortagga musiibooyinka dabiiciga ah iyo kuwa dad-sameeyga ah.

Share post:

Ugu Akhris badan

Kuwo kale
Kuwo kale

Wasiirka Dhallinyarada XFS oo ka qeyb galay daah-furka Istaraatiijiyadda Dhallinyarada Carabta

Wasiirka Wasaaradda Dhallinyarada iyo Ciyaaraha Xukuumadda Federaalka Soomaaliya, Mudane...

Guddoomiyaha SoDMA oo kulan la yeeshay Safiirka Shiinaha u fadhiya Soomaaliya

Guddoomiyaha Hay’adda Maareynta Masiibooyinka Qaranka (SoDMA), Mudane Maxamuud Macalin...

Wasiirka Shaqada XFS oo kulan la qaatay dhiggiiga dalka Itoobiya

Xildhibaan Yuusuf Maxamed Aadan, ayaa kulan la qaatay Wasiirka...

Kulan ku aadan xoojinta adeegyada gurmadka oo Muqdisho ka dhacay

Guddiga Qaran ee gurmadka ayaa maanta shir ku yeeshay...