Madasha Soomaaliya iyo dalalka safka hore oo looga hadlayo isku dubaridka howlgallada dalka looga ciribtirayo Khawaarijta ayaa maanta ka furmay Magaalada Muqdisho.
U jeedka kulanka ayaa ah in qorshe mideysan lagu bilaabo wajiga labaad ee howlgalka dib u xoreynta dalka, kaas oo ay ka qeybgali doonaan ciidamada dalalka dariska.
Shirkaan oo sadex maalin socon doona ayaa waxaa furey, wasiirka gaashaandhigga JFS mudane Cabdiqaadir Maxamed Nuur, iyadoo ay ka qeybgaleen wasiirada, arrimaha gudaha, cadaaladda, wasiiru dowlaha amniga gudaha iyo Taliyaasha xoogga iyo Booliiska.
Sidoo kale waxaa ka qeyb galaya wasiirada amniga dowladda goboleedyada oo lagu casuumay,Ergeyga gaarka ah ee madaxweynaha u qaabilsan xasilinta Maxamed Cabdi Waare.
