Guddoomiyaha Gobolka Banaadir Ahna Duqa Magaalada Muqdisho Mudane Yuusuf Xuseen Jimcaale(Madaale) ayaa maanta xariga ka jaray xarun cusub oo ay waaxda Dad-dhigista ee Dowladda Hoose Xamar ka hirgalisay Degmada Wadajir, taas oo loogu adeegi doono Degmooyinka qeybta Galbeed.Xarigjarka kadib ayaa Duqa Magaalada Muqdisho Mudane Madaale oo uu Wehliyo Guddoomiye Ku-xigeenka Arrimaha Bulshada Gobolka Banaadir waxa uu kormeeray xafiisyada ay Xaruntan ka kooban tahay, isagoo warbixin ku saabsan adeegyada ay bixin doonto ka dhageestay Agaasimaha Waaxda Dad-dhigista ee Dowladda Hoose Xamar Cabdirashiid Waddaad-Yare, oo sheegay in xaruntan ay saldhig u noqon doonto Degmooyinka Qeybta Galbeed, islamarkaana ay ka qaadan doonan adeega la xariira warqadaha Dhalashada iyo Sugnaanta.
