Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) ayaa Dowladda iyo Shacabka Soomaaliyeed ugu hambalyeeyay guusha xulka Qaranka ee 17-Jiradda Soomaaliyeed ay ka gaareen ciyaartii ay galabta la dheeleen dhigooda Koonfurta Suudaan.
Guddoomiyaha Golaha Shacabka ayaa dhalinyarada Soomaaliyeed gaar ahaan xulka Qaranka Soomaaliyeed ee ku guulaystay koobka Bariga iyo Bartamaha Afrika ku timaamay guusha ay gaareen mid ka farxisay dhammaan ummadda Soomaaliyeed,waxaana uu u rajeeyay in ay sidaan oo kale ugu soo guuleystaan tartamada kale ee ay ka qeyb geli doonaan.
