Ciidanka xoogga dalka ayaa maanta weeraray deegaanka Jicibow oo hoos taga degmada Buuloburde ee gobolka Hiiraan, kadib markii ay ka war heleen in argagixisada Al-Shabaab ay isku uruursaneyso halkaas.
Ciidanka qaranka oo gacan ka helaya dadka deegaanka ayaa hareereeyey dhagarqabayaashii lagu weeraray degaanka Jicibow, gaar ahaan goob wabiga jiinkiisa ah, maadaama ay doonayeen inay halkaas ka talaabaan, waana la laayey.
Saraakiisha hoggaaminaysa ciidanka howlgalkaas fuliyey ayaa balan qaaday in khasaaraha la gaarsiiyey kooxda iyo hub badan oo laga furtay ay warbaahinta u soo bandhigi doonaan.
