Xoghayaha Guud ee Qaramada Midoobay Antonio Guterres ayaa booqasho ku tegey dalka Pakistan, si uu garab istaag ugu muujiyo dalka Pakistan ee la baaxaa degaya, dhibaatada ka soo gaadhay daadad ku fatahay dalkaas, kuwaas oo khasaare baโan u geystay.
Antonio Guterres ayaa sheegay โin ka dib markii ay aadanuhu u nixi waayeen deegaanka, inay taasi keentay masiibooyinkan oo ah falcelinta uu sameeyey deegaankuโ.
Xoghayaha Guud ayaa muddo laba maalmood ah ku sugnaan doona dalka Pakistan si uu u indha-indheeyo xaaladda biniโaadanimo ee halkaas ka jirta. Xoghayaha ayaa sheegay in deegaanka ama daceebaddu ay tahay wax indho laโ oo mararka qaar aan bartilmaameedsan kuwa sida xun ula dagaalama ee ku xadgudba.
โWaxay la mid tahay in deegaankii [la dhibaateeyey] inuu bartilmaameedsaday cid khaldan. Waxay ahayd inuu bartilmaameedsado kuwa sida xun uga faaโiidaysta deegaanka, ee ka masuulka ah isbedelka cimilada, si ay ula kulmaan duruufahan oo kaleโ ayuu yidhi xoghayaha guud ee Qaramada Midoobay.
Xoghayaha ayaa sheegay in dalka Pakistan uu ka mid yahay meelaha sida daran ay u saameeyeen cawaaqibka ka dhashay isbedelka cimilada.
Dalkan oo ay ku nool yihiin in ka badan 220 million oo qof, ayaa haddana qiiqa uu hawada ku sii daayaa ay tahay 1% marka la barbardhigo qiiqa guud ahaan dalalka caalamku hawada ku sii daayaan.
