Ciidamada dowladda Soomaaliya ayaa saacadihii la soo dhaafay waxaa ay howl-gallo kala duwan ka sameeyeen degaanno ka tirsan gobolka Gedo, kaas oo Amniga lagu xaqiijinayay.
Howl-galka oo uu hoggaaminayay Taliyaha Ciidamada Nabad-sugida Degmada Luuq Xasan Aadan Muqtar ayaa Ciidamada waxaa ay ka sameyeen degaanno hoostaga degmada luuq, halkaas oo mararka qaar lagu arko Xubno ka tirsan Al-Shabaab.
Saraakiisha Ciidamada ma shaacin waxyaabo lagu soo qabtay inta uu howlgalka socday, hayeeshee ay sheegeen in uu ahaa mid lagu xaqiijinayay Amniga degmada luuq iyo degaannada hoostaga.
Taliyaha Ciidamada Nabad-sugida Dagmada Luuq Xasan Aadan Muqtar ayaa waxaa uu sheegay howl-galada ay noqn doonaan kuwo joogto ah oo sii socon doona ila iyo Al-Shabaab laga saarayo degaannada hoostaga degmada luuq.
Degmooyin iyo degaanno ka tirsan gobolka Gedo ayaa waxaa mararka qaar ka dhaca weeraro ay geystaan Al-Shabaab, halka mararka qaar Ciidamada dowladda ay fuliya.
