Ciidamada nabad sugida iyo sirdoonka qaranka ayaa xalay ku guulaystay inay gacanta ku dhigaan dhagar qabe ka tirsan maleeshiyaadka alshabaab oo waxyaabaha qarxa soo galiyey gudaha magaalada dhuusamareeb kadib markii uu dhigay goob maqaaxi ah oo dadka shacabka ahi ay aad ugu badnaayeen.
Qaar ka mid ah dadkii goobta ku sugnaa ayaa ka shakiyey maadaama uu magaalada ku cusbaa waxaana ay wargaliyeen ciidamada iyadoona halkaasi laga qabtay isaga iyo waxyaabihii uu doonayey inuu shacabka ku dhibaateeyo.
Ciimada amaanka magaalada ayaa waxa ay wadaan baaritaanno amniga lagu xaqiijinayo dhagarqabihii falkan lagu soo qabtay ayaa waxaa gacanta ku haya ciidamada nabad sugida iyagoo bulshada uga mahad celinayaa sida ay falkaasi uga hortageen ciidamadana u soo wargaliyeen.
waxaa dhamaanba saaka la adkeeyey sugida amniga magaalada waxaana socanaya baaritaan dheeri ah saraakiisha howlgalkan hogaaminaysa ayaa waxa ay xuseen in wixii ka soo baxa baaritaanadaasi ay dib warbaahinta kala wadaagi doonaan balse hada ay xaqiijinayaan in xalay la soo qabtay dhagarbaha doonayey inuu shacabka dhibaateeyo.
