Koox hubeysan oo ka soo jeeda dalka Koonfur Africa ayaa xalay gudaha dalkaas ku dilay muwaadin Soomaaliyeed oo ka mid ahaa dadka goobaha Ganacsiga ku leh dalkaasi.
Dilkaasi oo ka dhacay Tuulada Motherwell ee Koonfur Afrika, ayaa waxaa ku u dhintay Allaha u naxariistee Axmed Xasan Jeceeloow oo xilligaasi ku sugnaa dukaankiisa.
Koxihii burcadda ahaa ee dilka geysatay ayaa goobta isaga tegay, waxaana daqiiqado kadib goobta gaaray Muwaadiniin Soomaaliyeed oo soo qaaday Meydka Marxuumkaasi.
Dalka Koonfur Afrika ayaa inta badan waxaa ka dhaca dilal loo geysto soomaalida ganacsiga ku leh dalka Koonfur Afrika mana jirto cid loo soo qabto dilalka halkaa logu geysanayo muwaadiniinta Soomaaliyeed.
