Jaaliyadda Soomaaliyeed ee dalka Turkiga ayaa munaasabad si weyn loo soo agaasimay oo soo dhaweyn ah xalay ugu sameeyay magaalada Istanbul ee dalka Turkiga madaxweynaha dowlad goboleedka Galmudug Mudane Axmed Cabdi Kaariye “Qoorqoor”.
Qaar kamid ah jaaliyadda oo ka hadlay munaasabadda ayaa madaxweynaha Galmudug ku amaanay howlaha muhiimka ha ee u qabsoomay muddada kooban ee uu xilka hayay.
Madaxweynaha maamulka Galmdug mudane Axmed Cabdi Kaariye ayaa jaaliyadda Soomaaliyeed ee Turkiga uga mahadceliayay soo dhaweyntooda, isagoo ku dhiirrigeliyay iney sii wadaan isku duubnidooda.
Munaasabadda ayaa waxaa goobjoog ka ahaa xildhibaanno ka tirsan dowladda Soomaaliya, siyaasiyiin iyo qeybaha kala duwan ee bulshada.
